Old Pension Scheme: ପୁରୁଣା ପେନସନକୁ ନେଇ ସଂସଦରେ ହେଲା ବଡ଼ ଖୁଲାସା, ସରକାର କଲେ ଏହି ଘୋଷଣା!

Old Pension Scheme: ଦେଶର ଅନେକ ରାଜ୍ୟରେ ପୁରୁଣା ପେନସନ ଯୋଜନା ପୁନଃ ଲାଗୁ ହୋଇଛି । ଏଥି ସହିତ ଅନେକ ରାଜ୍ୟରେ ଏହାର ପୁନଃ କାର୍ଯ୍ୟକାରୀ କରିବାର ଦାବି ଦ୍ରୁତ ଗତିରେ ଚାଲିଛି । ପୁରୁଣା ପେନସନ୍ ଓ ନୂତନ ପେନସନ ବ୍ୟବସ୍ଥାକୁ ନେଇ ଚାଲିଥିବା ବିତର୍କ ମଧ୍ୟରେ କେନ୍ଦ୍ର ଅର୍ଥ ରାଜ୍ୟମନ୍ତ୍ରୀ ଏକ ବଡ଼ ଖୁଲାସା କରିଛନ୍ତି ।

Old Pension Scheme: ସାରା ଦେଶରେ ପୁରୁଣା ପେନସନ ସ୍କିମ୍ (OPS) କୁ ବଡ଼ ଖବର ସାମ୍ନାକୁ ଆସୁଛି । ବର୍ତ୍ତମାନ ଦେଶର ଅନେକ ରାଜ୍ୟରେ ପୁରୁଣା ପେନସନ ଯୋଜନା (Old Pension Scheme) ପୁନଃ ଲାଗୁ (OPS Restored) ହୋଇଛି । ଏଥି ସହିତ ଅନେକ ରାଜ୍ୟରେ ଏହାର ପୁନଃ କାର୍ଯ୍ୟକାରୀ କରିବାର ଦାବି ଦ୍ରୁତ ଗତିରେ ଚାଲିଛି । ପୁରୁଣା ପେନସନ୍ ଓ ନୂତନ ପେନସନ ବ୍ୟବସ୍ଥା (NPS) କୁ ନେଇ ଚାଲିଥିବା ବିତର୍କ ମଧ୍ୟରେ କେନ୍ଦ୍ର ଅର୍ଥ ରାଜ୍ୟମନ୍ତ୍ରୀ ଏକ ବଡ଼ ଖୁଲାସା କରିଛନ୍ତି । ମୋଦି ସରକାର (Modi Govt) ମଧ୍ୟ ସଂସଦରେ ପୁରୁଣା ପେନସନ୍ ଯୋଜନା ବା ଓପିଏସ ବିଷୟରେ ସୂଚନା ଦେଇଛନ୍ତି ।

ଲୋକସଭାରେ ସୂଚନା ଦେଇ ଅର୍ଥ  ରାଜ୍ୟମନ୍ତ୍ରୀ ଭାଗବତ କରାଡ (Bhagwat Karad) କହିଛନ୍ତି ଯେ, ବର୍ତ୍ତମାନ ଦେଶର ୫ଟି ରାଜ୍ୟରେ ପୁରୁଣା ପେନସନ ଯୋଜନା (Old Pension Scheme) ପୁନଃ ଲାଗୁ ହୋଇଛି । ଏଥିରେ ରାଜସ୍ଥାନ, ଛତିଶଗଡ, ଝାଡଖଣ୍ଡ, ପଞ୍ଜାବ ଏବଂ ହିମାଚଳ ପ୍ରଦେଶ ସାମିଲ ରହିଛି । ପୁରୁଣା ପେନସନ୍ ଯୋଜନା (OPS) କାର୍ଯ୍ୟକାରୀ କରିବା ବିଷୟରେ ଏହି ରାଜ୍ୟ ସରକାରମାନେ କେନ୍ଦ୍ରକୁ ସୂଚନା ଦେଇଛନ୍ତି ।

ଭାଗବତ କରାଡ (Bhagwat Karad) କହିଛନ୍ତି ଯେ, ଭାରତୀୟ ରିଜର୍ଭ ବ୍ୟାଙ୍କ ବା ଆରବିଆଇ ରିପୋର୍ଟ 'ଷ୍ଟେଟ୍ ଫାଇନାନ୍ସ: ଏକ ଷ୍ଟଡି ଅଫ୍ ବଜେଟ୍ ୨୦୨୨-୨୩' ଅନୁଯାୟୀ ଆର୍ଥିକ ସମ୍ବଳରେ ବାର୍ଷିକ ସଞ୍ଚୟ ସ୍ୱଳ୍ପ ମିଆଦି ଅଟେ । ଏହି ରାଜ୍ୟଗୁଡିକ ଆଗାମୀ ବର୍ଷଗୁଡ଼ିକରେ ଅନାବଶ୍ୟକ ପେନସନ ଋଣର ବିପଦ ଉଠାଉଛନ୍ତି । ସଂସଦରେ ଏକ ପ୍ରଶ୍ନର ଉତ୍ତରରେ ଅର୍ଥ ରାଜ୍ୟମନ୍ତ୍ରୀ କହିଛନ୍ତି ଯେ, ରାଜସ୍ଥାନ, ଛତିଶଗଡ, ଝାଡ଼ଖଣ୍ଡ, ପଞ୍ଜାବ ଏବଂ ହିମାଚଳ ପ୍ରଦେଶର ରାଜ୍ୟ ସରକାର ମଧ୍ୟ ପେନ୍‌ସନ୍‌ ପାଣ୍ଠି ନିୟାମକ ଏବଂ ବିକାଶ ପ୍ରାଧିକରଣ (ପିଏଫଆରଡିଏ) କୁ ପୁରୁଣା ପେନ୍‌ସନ୍‌ ଯୋଜନା କାର୍ଯ୍ୟକାରୀ କରିବା ସମ୍ପର୍କରେ ସୂଚନା ଦେଇଛନ୍ତି ।

ସୂଚନାଯୋଗ୍ୟ, ହିମାଚଳ ପ୍ରଦେଶ (Himachal Pradesh) ରେ ପୁରୁଣା ପେନସନ ସ୍କିମ୍ ପୁନଃ ଲାଗୁ (OPS Restored) କରାଯାଇଛି । ମୁଖ୍ୟମନ୍ତ୍ରୀ ସୁଖବିନ୍ଦର ସିଂ ସୁଖୁ (Sukhwinder Singh Sukhu) ଙ୍କ ନେତୃତ୍ୱରେ କଂଗ୍ରେସ ସରକାର (Congress Govt) ରାଜ୍ୟରେ ପୁରୁଣା ପେନସନ ଯୋଜନା (Old Pension Scheme) କୁ ପୁନଃ ଲାଗୁ କରିବାକୁ ନିଷ୍ପତ୍ତି ନେଇଛି । ୨୦୨୨ ବର୍ଷର ବଜେଟରେ ରାଜସ୍ଥାନ ସରକାର ମଧ୍ୟ ଆଗାମୀ ଆର୍ଥିକ ବର୍ଷରେ ପୁରୁଣା ପେନସନ୍ (Old Pension Scheme) ପୁନଃ ଆରମ୍ଭ କରିବାକୁ ଘୋଷଣା କରିଥିଲେ । ଏହା ସହିତ ଛତିଶଗଡ ରାଜ୍ୟ ସରକାର ମଧ୍ୟ ଏହାକୁ କାର୍ଯ୍ୟକାରୀ କରିବାକୁ ଯାଉଛନ୍ତି । ୨୦୦୪ ମସିହାରେ କେନ୍ଦ୍ର ସରକାର ପୁରୁଣା ପେନସନ୍ ଯୋଜନାକୁ ରଦ୍ଦ କରି ଏହା ବଦଳରେ ଜାତୀୟ ପେନସନ୍ ବ୍ୟବସ୍ଥା ଆରମ୍ଭ କରିଥିଲେ ।

ଅଧିକ ପଢ଼ନ୍ତୁ:-ବାହାଘରର ପ୍ରଥମ ରାତିରେ କ’ଣ ହୋଇଥିଲା? ଦମ୍ପତି ସେୟାର କଲେ ଚଉଠି ରାତିର ଭିଡିଓ

ଅଧିକ ପଢ଼ନ୍ତୁ:-କିଏ ସେ ଆଦିଲ ଖାନ ଦୁର୍ରାନୀଙ୍କ ଗର୍ଲଫ୍ରେଣ୍ଡ? ଯାହାଙ୍କ ଯୋଗୁଁ ଭାଙ୍ଗିଲା ରାକ୍ଷୀ ସାୱନ୍ତଙ୍କ ସୁନାର ସଂସାର!

ଅଧିକ ପଢ଼ନ୍ତୁ:-ରାକ୍ଷୀ ସାୱନ୍ତଙ୍କ ସ୍ୱାମୀଙ୍କୁ ଗିରଫ କଲା ପୋଲିସ! ଆଦିଲ ଖାନ ଦୁର୍ରାନୀଙ୍କ ବିରୋଧରେ ରହିଛି ଗୁରୁତର ଅଭିଯୋଗ

ପୁରୁଣା ପେନସନ୍ ଯୋଜନା କ’ଣ?

ଏହି ଯୋଜନାରେ ଅବସର ସମୟରେ ବେତନର ଅଧା ରାଶି କର୍ମଚାରୀଙ୍କୁ ପେନସନ୍ ଭାବରେ ଦିଆଯାଏ । ପୁରୁଣା ପେନସନ ଯୋଜନା ଅଧୀନରେ ଜେନେରାଲ୍ ପ୍ରୋଭିଡେଣ୍ଟ୍ ପାଣ୍ଠି (GPF) ର ବ୍ୟବସ୍ଥା ଦିଆଯାଇଛି । ଏହି ଯୋଜନାରେ କର୍ମଚାରୀଙ୍କୁ ୨୦ ଲକ୍ଷ ଟଙ୍କା ପର୍ଯ୍ୟନ୍ତ ଗ୍ରାଚ୍ୟୁଇଟି ମିଳିବାର ସୁବିଧା ରହିଛି । ପ୍ରତି ଛଅ ମାସ ପରେ ଡିଏ ବୃଦ୍ଧି ହୁଏ । ଏହି ଯୋଜନା ଅଧୀନରେ ପେନସନ ପରିମାଣ ସରକାରଙ୍କ ରାଜ କୋଷରୁ ପ୍ରଦାନ କରାଯାଇଥାଏ । ଅବସରପ୍ରାପ୍ତ କର୍ମଚାରୀଙ୍କ ମୃତ୍ୟୁପରେ ତାଙ୍କ ପରିବାର ସଦସ୍ୟ ନିୟମ ଅନୁଯାୟୀ ପେନସନ୍ ରାଶି ପାଇଥାନ୍ତି । ଏହି ଯୋଜନାରେ କର୍ମଚାରୀଙ୍କ ବେତନରୁ କୌଣସି ରାଶି କଟାଯାଏ ନାହିଁ ।

ଆପଣଙ୍କୁ କହି ରଖୁଛୁ ଯେ, ଅଟଳ ବିହାରୀ ବାଜପେୟୀ ସରକାରଙ୍କ କାର୍ଯ୍ୟକାଳ ମଧ୍ୟରେ ପୁରୁଣା ପେନସନ୍ ସ୍କିମ୍ (OPS) ରଦ୍ଦ କରାଯାଇଥିଲା । ଆହୁରି ମଧ୍ୟ, ଜାନୁଆରୀ ୨୦୦୪ରୁ ଜାତୀୟ ପେନସନ୍ ସିଷ୍ଟମ୍ (NPS) ଲାଗୁ କରିବାକୁ ନିଷ୍ପତ୍ତି ହୋଇଥିଲା । ପ୍ରକୃତରେ NPS ହେଉଛି ଏକ ଅବଦାନ ଆଧାରିତ ପେନସନ୍ ସ୍କିମ୍ ଓ ଏଥିରେ ମହଙ୍ଗା ଭତ୍ତାର କୌଣସି ବ୍ୟବସ୍ଥା ନାହିଁ ।