Sushmita Sen Heart Attack: ଅଭିନେତ୍ରୀ ସୁସ୍ମିତା ସେନ୍ ଖୁଲାସା କରିଛନ୍ତି ଯେ ସେ ନିକଟରେ ହୃଦଘାତରେ ପୀଡିତ ହୋଇଥିଲେ । ଅଭିନେତ୍ରୀ ଏହା ମଧ୍ୟ କହିଛନ୍ତି ଯେ ତାଙ୍କୁ ଆଞ୍ଜିଓପ୍ଲାଷ୍ଟି କରିବାକୁ ପଡିଥିଲା ।
Trending Photos
5
12
5
12 "ସୌ: ସୋସିଆଲ ମିଡିଆ")
Sushmita Sen suffers heart attack: ବଲିଉଡ ଅଭିନେତ୍ରୀ ସୁସ୍ମିତା ସେନ (Sushmita Sen) ପ୍ରକାଶ କରିଛନ୍ତି ଯେ ନିକଟରେ ତାଙ୍କୁ ହୃଦଘାତ (Heart Attack) ହୋଇଥିଲା । ଅଭିନେତ୍ରୀ ଏହା ମଧ୍ୟ କହିଛନ୍ତି ଯେ ଏହା ପରେ ତାଙ୍କୁ ଆଞ୍ଜିଓପ୍ଲାଷ୍ଟି କରିବାକୁ ପଡିଥିଲା । ଯଦିଓ ସେ ବର୍ତ୍ତମାନ ଭଲ ଅଛନ୍ତି । ଗୁରୁବାର ଅପରାହ୍ନରେ ପୂର୍ବତନ ମିସ୍ ୟୁନିଭର୍ସ ସୋସିଆଲ ମିଡିଆରେ ଏହି ଖବର ବିଷୟରେ ତାଙ୍କ ପ୍ରଶଂସକଙ୍କୁ ସୂଚନା ଦେଇଛନ୍ତି ।
୪୭ ବର୍ଷୀୟା ଏହି ଅଭିନେତ୍ରୀ ଗୁରୁବାର ଦିନ ଇନଷ୍ଟାଗ୍ରାମରେ ତାଙ୍କ ସ୍ୱାସ୍ଥ୍ୟ ଅପଡେଟ୍ ସେୟାର କରିଛନ୍ତି । ପିତା ସୁବୀର ସେନଙ୍କ ସହ ଏକ ଫଟୋ ପୋଷ୍ଟ କରି ସେ ଲେଖିଛନ୍ତି - ମୋର କିଛି ଦିନ ପୂର୍ବରୁ ହୃଦଘାତ ହୋଇଥିଲା ... ଆଞ୍ଜିଓପ୍ଲାଷ୍ଟି କରାଯାଇଥିଲା ... ଷ୍ଟେଣ୍ଟ ମଧ୍ୟ ରଖାଯାଇଥିଲା । ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ମୋର ଡାକ୍ତର ନିଶ୍ଚିତ କରିଛନ୍ତି ଯେ 'ମୋର ହୃଦୟ ବଡ ଅଟେ ।' ଠିକ୍ ସମୟରେ ସାହାଯ୍ୟ ପାଇଁ ଆପଣମାନଙ୍କୁ ଧନ୍ୟବାଦ…। ଭଲ ଖବର ହେଉଛି ସବୁ ଠିକ୍ ଅଛି ଓ ମୁଁ ପୁଣି କିଛି ଜୀବନ ବଞ୍ଚିବାକୁ ପ୍ରସ୍ତୁତ । ମୁଁ ଆପଣ ମାନଙ୍କୁ ବହୁତ ଭଲ ପାଏ !!!!
ସୁସ୍ମିତା ସେନ୍ ବିବି ନମ୍ବର 1, ଡୁ ନଟ୍ ଡିଷ୍ଟ୍ରବ, ମେଁ ହୁଁ ନା, ମେନ୍ ପ୍ୟାର୍ କ୍ୟୁଉଁ କିୟା, ତୁମ୍କୋ ନା ଭୋଲ୍ ପେଏଙ୍ଗେ ଓ ନୋ ପ୍ରୋବ୍ଲେମ ଭଳି ଚଳଚ୍ଚିତ୍ରରେ ଅଭିନୟ ପାଇଁ ଜଣାଶୁଣା । ସେ ଧାରାବାହିକ 'ଆର୍ଯ୍ୟ' ସହିତ ପୁର୍ନବାର ଅଭିନୟରେ ପାଦ ଥାପିଛନ୍ତି । ଏହି ଅଭିନେତ୍ରୀ ଖୁବ ଶୀଘ୍ର ଏହି ସିରିଜର ତୃତୀୟ ସିଜନରେ ନଜର ଆସିବେ ।
ସୁସ୍ମିତାର ଏହି ପୋଷ୍ଟ ପରେ ତାଙ୍କ ପ୍ରଶଂସକମାନେ ବହୁତ ଚିନ୍ତିତ ହୋଇପଡିଛନ୍ତି । ଅଧିକାଂଶ ୟୁଜର୍ସ ଏହି ପୋଷ୍ଟରେ ତାଙ୍କ ସ୍ୱାସ୍ଥ୍ୟ ବିଷୟରେ ପଚାରୁଥିବାର ନଜର ଆସିଛନ୍ତି । ଜଣେ ୟୁଜର ଲେଖିଛନ୍ତି - ଆପଣ ନିଜର ଯତ୍ନ ନିଅନ୍ତି । ଏହି ସମୟରେ, ଅନ୍ୟ ଜଣେ ୟୁଜର ଲେଖିଛନ୍ତି - ମୁଁ ଖୁସି ଯେ ଆପଣ ଭଲ ଅଛନ୍ତି, ଆଶା କରୁଛି ଆପଣ ଶୀଘ୍ର ସମ୍ପୂର୍ଣ୍ଣ ସୁସ୍ଥ ହୋଇଯିବେ । ଏଥିସହିତ ଶିଳ୍ପପତିମାନେ ସୁଷ୍ମିତା ସେନଙ୍କୁ ଶୀଘ୍ର ଆରୋଗ୍ୟ କାମନା କରିଛନ୍ତି । କହିରଖୁଛୁ ଯେ ୪୭ ବର୍ଷ ବୟସରେ ମଧ୍ୟ ଅଭିନେତ୍ରୀ ତାଙ୍କ ସ୍ୱାସ୍ଥ୍ୟର ସମ୍ପୂର୍ଣ୍ଣ ଯତ୍ନ ନିଅନ୍ତି । ସେ ପ୍ରାୟତଃ ବ୍ୟାୟାମ କରୁଥିବା ଦେଖାଯାଏ । ଅଭିନେତ୍ରୀ ସୋସିଆଲ ମିଡିଆରେ ନିଜର ଫିଟନେସ ସମ୍ବନ୍ଧୀୟ ଫଟୋ ଓ ଭିଡିଓ ସେୟାର କରିଥାନ୍ତି ।
ଏହା ବି ପଢ଼ନ୍ତୁ: ଦେଶର ଏହି ସହରରେ ପ୍ରଥମେ ୨୨୦ ଘଣ୍ଟା ପ୍ରତି ବେଗରେ ଚାଲିବ ହାଇ ସ୍ପିଡ୍ ଟ୍ରେନ୍, ନିର୍ମାଣ କରାଯାଉଛି ସ୍ପେଶାଲ ଟ୍ରାକ୍
