Calcutta High Court: ମମତା ସରକାରଙ୍କୁ ବଡ଼ ଝଟକା, ୫ ଲକ୍ଷ OBC ପ୍ରମାଣପତ୍ରକୁ ରଦ୍ଦ କଲେ ହାଇକୋର୍ଟ

OBC Certificate Cancelled: କଲିକତା ହାଇକୋର୍ଟ ମମତା ବାନାର୍ଜୀ ସରକାରଙ୍କୁ ଏକ ବଡ ଝଟକା ଦେଇଛନ୍ତି। ଦିଦିଙ୍କ କାର୍ଯ୍ୟକାଳ ମଧ୍ୟରେ ଜାରି କରାଯାଇଥିବା ୫ ଲକ୍ଷ OBC ପ୍ରମାଣପତ୍ର ରଦ୍ଦ କରାଯାଇଛି। ବିଶ୍ୱାସ କରାଯାଏ ଯେ ଏହାର ଏକ ବଡ଼ ଅଂଶ ମଧ୍ୟ ମୁସଲମାନ ସମ୍ପ୍ରଦାୟକୁ ଦିଆଯାଇଥିଲା।

Calcutta High Court: ପଶ୍ଚିମବଙ୍ଗର ମମତା ବାନାର୍ଜୀ (Mamata Banerjee) ସରକାରଙ୍କୁ କଲିକତା ହାଇକୋର୍ଟ ଏକ ବଡ ଝଟକା ଦେଇଛନ୍ତି। ତାଙ୍କ କାର୍ଯ୍ୟକାଳ ମଧ୍ୟରେ ଦିଆଯାଇଥିବା ପ୍ରାୟ ପାଞ୍ଚ ଲକ୍ଷ OBC ପ୍ରମାଣପତ୍ରକୁ ରଦ୍ଦ କରାଯାଇଛି। ବିଶ୍ୱାଲ କରାଯାଏ ଯେ ଏହି ସଂଖ୍ୟାର ଏକ ବଡ଼ ଅଂଶ ମଧ୍ୟ ମୁସଲମାନ ସମ୍ପ୍ରଦାୟର ଅଟେ। ବୁଧବାର ଦିନ ଜଷ୍ଟିସ ତପୋବ୍ରତ ଚକ୍ରବର୍ତ୍ତୀ ଓ ଜଷ୍ଟିସ ରାଜଶେଖର ମନ୍ତରଙ୍କ ଏକ ଡିଭିଜନ ବେଞ୍ଚ କହିଛନ୍ତି ଯେ ୨୦୧୧ ମସିହାରୁ କୌଣସି ମାନକ ନିୟମ ପାଳନ ନକରି ରାଜ୍ୟରେ ଓବିସି ପ୍ରମାଣପତ୍ର (OBC Certificate) ପ୍ରଦାନ କରାଯାଉଛି।

ଏହି ପ୍ରକାରେ ଓବିସି ସାର୍ଟିଫିକେଟ୍ ପ୍ରଦାନ ଅସାମ୍ବିଧାନିକ ବୋଲି ବେଞ୍ଚ କହିଛି। କୋର୍ଟ କହିଛନ୍ତି ଯେ ପଛୁଆ ବର୍ଗ ଆୟୋଗଙ୍କ ପରାମର୍ଶକୁ ଅନୁସରଣ ନକରି ଏହି ପ୍ରମାଣପତ୍ର ପ୍ରଦାନ କରାଯାଇଛି, ତେଣୁ ସେହି ସମସ୍ତ ପ୍ରମାଣପତ୍ର ରଦ୍ଦ ହୋଇଛି। ତେବେ ଏହି ସମୟ ମଧ୍ୟରେ ଦିଆଯାଇଥିବା ପ୍ରମାଣପତ୍ର ଆଧାରରେ ଯେଉଁମାନେ ଚାକିରି ପାଇଛନ୍ତି ସେମାନଙ୍କ ଚାକିରି ବଜାୟ ରହିବ ବୋଲି କୋର୍ଟ କହିଛନ୍ତି।

ମେ ୨୦୧୧ ରେ ପଶ୍ଚିମବଙ୍ଗରେ କ୍ଷମତା ଗ୍ରହଣ କରିବା ପରଠାରୁ ମୁଖ୍ୟମନ୍ତ୍ରୀ ମମତା ବାନାର୍ଜୀ ଦାବି କରିଛନ୍ତି ଯେ ତାଙ୍କ ସରକାର ପ୍ରାୟ ସମସ୍ତ ମୁସଲମାନଙ୍କୁ ଓବିସି ବର୍ଗରେ ଅନ୍ତର୍ଭୁକ୍ତ କରିଛନ୍ତି ଏବଂ ମୁସଲମାନ ସମ୍ପ୍ରଦାୟର ବହୁ ଜନସଂଖ୍ୟା ଏହି ସଂରକ୍ଷଣର ଲାଭ ଉଠାଉଛନ୍ତି। ଲୋକସଭା ନିର୍ବାଚନ ପ୍ରଚାର ସମୟରେ ମଧ୍ୟ ସେ ଏହାକୁ ବାରମ୍ବାର ପୁନରାବୃତ୍ତି କରିଛନ୍ତି କିନ୍ତୁ ବର୍ତ୍ତମାନ କଲିକତା ହାଇକୋର୍ଟ କହିଛନ୍ତି ଯେ ୨୦୧୧ ମସିହାରୁ ମମତା ବାନାର୍ଜୀ ସରକାର ଓବିସି ସାର୍ଟିଫିକେଟ୍ ଜାରି କରିଥିବା ପ୍ରକ୍ରିୟା ବେଆଇନ ଅଟେ।

The Calcutta High Court has cancelled all OBC certificates issued in West Bengal after 2010.

The list of backward classes is to be prepared according to the new Act of 1993. The list will be prepared by the West Bengal Backward Classes Commission. Those who were in the OBC list… pic.twitter.com/p2ANc0Giwn

— ANI (@ANI) May 22, 2024

ହାଇକୋର୍ଟ କହିଛନ୍ତି ଯେ ପଛୁଆ ବର୍ଗ ଆୟୋଗ ଅଧିନିୟମ, ୧୯୯୩ ଅନୁଯାୟୀ ଓବିସି ତାଲିକା ପ୍ରସ୍ତୁତ ହେବା ଉଚିତ୍। କେବଳ ସେହି ଜାତି ଯେଉଁମାନେ ୨୦୧୦ ପର୍ଯ୍ୟନ୍ତ OBC ସମ୍ପ୍ରଦାୟର ଥିଲେ ସେମାନେ ଏହି ତାଲିକାରେ ଅନ୍ତର୍ଭୁକ୍ତ ହୋଇପାରିବେ। କୋର୍ଟ କହିଛନ୍ତି ଯେ ଏହା ପରେ ତାଲିକାରେ ଯୋଡି ହୋଇଥିବା ଜାତିକୁ ପ୍ରଥମେ ବିଧାନସଭାରେ ପାସ୍ କରିବା ଉଚିତ୍।