Sand Art: ବାଲିରେ ଅଯୋଧ୍ୟା ଶ୍ରୀରାମ ମନ୍ଦିର, ବେଳାଭୂମିରେ ଗଢିଲେ ବାଲୁକାଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ

ଆସନ୍ତା ୨୨ତାରିଖରେ ଅଯୋଧ୍ଯାରେ ରାମ ମନ୍ଦିର ପ୍ରତିଷ୍ଠା ସହ ହେବ ଶ୍ରୀରାମଙ୍କ ପ୍ରାଣପ୍ରତିଷ୍ଠା ଉତ୍ସବ। ଏହି ଅବସରରେ ପଦ୍ମଶ୍ରୀ ପୁରସ୍କାର ପ୍ରାପ୍ତ ବାଲୁକାଶିଳ୍ପୀ ସୁଦର୍ଶନ ପଟ୍ଟନାୟକ ଅଯୋଧ୍ଯାରେ ଗଢିଛନ୍ତି ଏକ ଆକର୍ଷଣୀୟ ବାଲୁକାକୃତି। ଏଥିରେ ପ୍ରାୟ ୨୩ଫୁଟ୍ ଉଚ୍ଚତା ବିଶିଷ୍ଟ ଶ୍ରୀରାମଙ୍କର ଏକ ବିଶାଳ ପ୍ରତିମୂର୍ତ୍ତି ନିର୍ମାଣ କରିଛନ୍ତି। ତେବେ ପାଞ୍ଚଶହ ବର୍ଷ ପରେ ମନ୍ଦିର ପ୍ରତିଷ୍ଠା ହେଉଥିବାରୁ ବାଲୁକାରେ ନିର୍ମିତ ରାମମନ୍ଦିର ଉପରେ ପାଞ୍ଚଶହଟି ରାମମନ୍ଦିରର କ୍ଷୁଦ୍ର ପ୍ରତିକୃତି ଗଢି ବାଲୁକାକୃତିକୁ ଅଧିକ ଆକର୍ଷଣୀୟ କରିଛନ୍ତି। ଏଥିସହିତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ଯ ନାଥଙ୍କ ଯୋଡିହସ୍ତ ମୁଦ୍ରାରେ ରହିଥିବା ପ୍ରତିକୃତିକୁ ଅତି ନିଖୁଣ ଭାବେ ପ୍ରଦର୍ଶିତ କରାଯାଇଛି। ତେବେ ଏହି କଳାକୃତିଟିକୁ ଗଢିବା ପାଇଁ ସୁଦର୍ଶନ ପଟ୍ଟନାୟକ ଓ ତାଙ୍କର ୮ଜଣ ଛାତ୍ରଙ୍କୁ ଦୁଇଦିନ ସମୟ ଲାଗିଥିଲା।