September Rashifal Tula: ସ୍ୱାସ୍ଥ୍ୟ, ଆର୍ଥିକ ସ୍ଥିତି, ପ୍ରେମ ଜୀବନ ଓ କର୍ମକ୍ଷେତ୍ରରେ କିପରି କଟିବ ୩୦ଦିନ, ଜାଣନ୍ତୁ

ପାରିବାରିକ ଜୀବନ ସେପ୍ଟେମ୍ୱର ମାସରେ ଆପଣଙ୍କ ମନରେ ଆଧ୍ୟାତ୍ମିକତା ପ୍ରବୃତ୍ତି ବୃଦ୍ଧି ପାଇବ । ଘରେ ପୂଜାପାଠ-ରୀତିନୀତିର ଆୟୋଜନ କରିପାରନ୍ତି । ପାରିବାରିକ ପରିବେଶ ଧାର୍ମିକ ରହିବ । ପରିବାର ସଦସ୍ୟମାନେ ଆପଣଙ୍କ ପ୍ରତି ଆକର୍ଷିତ ହେବେ । ବାହାରେ ଘର ସମ୍ବନ୍ଧୀୟ କଥା କହିବା ଠାରୁ ଦୂରେଇ ରୁହନ୍ତୁ ଏବଂ ପିତାମାତାଙ୍କ ଯତ୍ନ ନିଅନ୍ତୁ । ଜଣେ ସମ୍ପର୍କୀୟ ପାରିବାରିକ ବିଷୟଗୁଡ଼ିକର ଲାଭ ଉଠାଇ ଆପଣଙ୍କ ମଧ୍ୟରେ ଶତ୍ରୁତା ସୃଷ୍ଟି କରିପାରନ୍ତି ।

ବ୍ୟବସାୟ ଏବଂ କାର୍ଯ୍ୟ ବ୍ୟବସାୟରେ ସେପ୍ଟେମ୍ବର ମାସରେ କିଛି ନୂତନ ଚୁକ୍ତିନାମା ହୋଇପାରେ । ଆପଣଙ୍କ ଶତୃଙ୍କ ସଂଖ୍ୟା ବୃଦ୍ଧି ହୋଇପାରେ । ନିଜ ବକ୍ତବ୍ୟରେ ସଂଯମତା ବଜାୟ ରଖନ୍ତୁ । ଅନାବଶ୍ୟକ ଝଗଡା କରନ୍ତୁ ନାହିଁ । ଆପଣଙ୍କୁ ଏକ ନୂତନ ଚାକିରିର ସୁଯୋଗ ମିଳିପାରେ । ତେଣୁ ସେପ୍ଟେମ୍ବର ଆପଣଙ୍କ ପାଇଁ ଜଗିରଖି ଚଳିବାର ମାସ । କର୍ମକ୍ଷେତ୍ରରେ କିଛି ବ୍ୟକ୍ତି ଆପଣଙ୍କୁ ସମର୍ଥନ କରିବେ । ଯାହା ଆପଣଙ୍କ କ୍ୟାରିଅରକୁ ଅଗ୍ରଗତି କରିବ । ସରକାରୀ କର୍ମଚାରୀମାନେ ସେପ୍ଟେମ୍ବରରେ ନିଜ ପାଇଁ କିଛି ନୂଆ କରିବାକୁ ଚିନ୍ତା କରିବେ । କିନ୍ତୁ କିଛି ପ୍ରସଙ୍ଗରେ ଉଚ୍ଚ ଅଧିକାରୀଙ୍କ ସହ ମତଭେଦ ଦେଖାଦେଇପାରେ।

ଶିକ୍ଷା ବିଦ୍ୟାଳୟରେ ପଢୁଥିବା ଛାତ୍ରମାନଙ୍କ ପାଇଁ ସେପ୍ଟେମ୍ବର ଶୁଭଫଳ ଦେବ । ପରୀକ୍ଷାରେ ସଫଳତା ପାଇବେ । ଉଚ୍ଚଶିକ୍ଷା ଅନୁସରଣ କରୁଥିବା ଛାତ୍ରମାନେ ମାସ ଆରମ୍ଭରେ ଅଧ୍ୟୟନରେ କମ୍ ଆଗ୍ରହ ପ୍ରକାଶ କରିବେ ଏବଂ ଅନ୍ୟ ଜିନିଷ ପ୍ରତି ଆକର୍ଷିତ ହେବେ । ମାସ ଶେଷ ସୁଦ୍ଧା ଆପଣଙ୍କ ସହପାଠୀ ସହିତ ଯୁକ୍ତିତର୍କ ହୋଇପାରେ । ଯଦି ଆପଣ ସରକାରୀ ପରୀକ୍ଷା ପାଇଁ ପ୍ରସ୍ତୁତ ହେଉଛନ୍ତି ତେବେ ଆପଣଙ୍କୁ କଠିନ ପରିଶ୍ରମ କରିବାକୁ ପଡିବ ।

ପ୍ରେମ ଜୀବନ କିଛି ପ୍ରସଙ୍ଗକୁ ନେଇ ପ୍ରେମୀଜୁଗଳଙ୍କ ମଧ୍ୟରେ ମତଭେଦ ହୋଇପାରେ । କିନ୍ତୁ ଏହା ଧୀରେ ଧୀରେ ଏହା ସମାଧାନ ହୋଇଯିବ । ସାଥୀ ଆପଣଙ୍କଠାରୁ କିଛି ଆଶା କରିବେ । ତେଣୁ ସାଥୀଙ୍କ ସହ ଖୋଲାଖୋଲି କଥା ହୁଅନ୍ତୁ । ବିବାହିତ ବ୍ୟକ୍ତି ନିଜ ସାଥୀଙ୍କୁ ଅବିଶ୍ୱାସ କରିପାରନ୍ତି । ବିବାହ ଅପେକ୍ଷାରେ ଥିବା ପୁରୁଷ ଅସନ୍ତୋଷ ପ୍ରକାଶ କରିପାରନ୍ତି ।

ସ୍ୱାସ୍ଥ୍ୟ ଜୀବନ ମଧୁମେହ ଏବଂ ଶ୍ୱାସକ୍ରିୟା ଜନିତ ରୋଗରେ ପୀଡିତ ଥିବା ବ୍ୟକ୍ତି ନିଜର ବିଶେଷ ଯତ୍ନ ନେବା ଉଚିତ । କାରଣ ମାସ ମଧ୍ୟଭାଗରେ ଆପଣଙ୍କ ସ୍ୱାସ୍ଥ୍ୟ ଖରାପ ହୋଇପାରେ । ଯଦି ଆପଣଙ୍କ ବୟସ ଚାଳିଶ ବର୍ଷରୁ ଅଧିକ ତେବେ ମାସର ତୃତୀୟ ସପ୍ତାହରେ ଆଣ୍ଠୁଗଣ୍ଠି ଜନିତ ଯନ୍ତ୍ରଣା ଦେଖା ଦେଇପାରେ । ମାନସିକ ଚାପ ମଧ୍ୟ ସୃଷ୍ଟି ହୋଇପାରେ ।

ଶୁଭ ସଂଖ୍ୟା ଏବଂ ରଙ୍ଗ ଆପଣଙ୍କ ପାଇଁ ଶୁଭସଂଖ୍ୟା ୭ । ଶୁଭ ରଙ୍ଗ ଆକାଶି ଏବଂ ନୀଳ । ଏହି ଦୁଇଟି ଜିନିଷକୁ ପ୍ରାଥମିକତା ଦେଲେ ଆପଣଙ୍କୁ ଅଧିକ ଶୁଭଫଳ ମିଳିବ ।

ତଥ୍ୟ- ଜ୍ୟୋତିର୍ବିଦ ଆଚାର୍ଯ୍ୟ ସତ୍ୟବ୍ରତ ପାଢୀ, ପ୍ଲଟ ନମ୍ୱର ଏଚଆଇଜି, ୧/୧୨ ବିଡିଏ କଲୋନୀ ଏଲଏନ, ଚନ୍ଦ୍ରଶେଖରପୁର, ଭୁବନେଶ୍ୱର ୭୫୧୦୧୬ 

Disclamer: (ଉପରେ ଦିଆଯାଇଥିବା ସୂଚନା ZEE ODISHA NEWSର ନିଜସ୍ୱ ମତ ନୁହେଁ। ଜ୍ୟୋତିଷ ଶାସ୍ତ୍ର, ପଞ୍ଚାଙ୍ଗ, ପୁରାଣ ତଥ୍ୟରୁ ମିଳିଥିବା ସୂଚନା ଅନୁଯାୟୀ ଏହି ତଥ୍ୟ ପ୍ରଦାନ କରାଯାଇଛି। ଏଥିପାଇଁ ZEE ODISHA NEWS ଦାୟୀ ରହିବ ନାହିଁ।)