Delhi Nikki Yadav Murder Case: ଗୋଆରେ ମିଶି କରିଥାନ୍ତେ ଆତ୍ମହତ୍ୟା, ପ୍ରେମିକାକୁ ମାରି ଅନ୍ୟ ଏକ ଝିଅକୁ ବିବାହ କଲା ପ୍ରେମିକ

Delhi Nikki Yadav Murder Case: ଝଗଡ଼ା ପରେ ମୋବାଇଲ ଚାର୍ଜରେ ନିଜ ପ୍ରେମିକାର ତଣ୍ଟି ଚିପି ହତ୍ୟା କରିଛି ପ୍ରେମିକ । ଆଉ ପରେ ଦିନ ଅନ୍ୟ ଏକ ଝିଅକୁ ବିବାହ କରିଥିଲା ହତ୍ୟାକରୀ । ଏହିପରି ଏକ ଚାଞ୍ଚଲ୍ୟକର ଘଟଣା ଦେଖିବାକୁ ମିଳିଛି ଦିଲ୍ଲୀର ଦ୍ୱାରକା ଜିଲ୍ଲା ଅନ୍ତର୍ଗତ ହରିଦାସପୁରରେ।

Delhi Nikki Yadav Murder Case: ଦିଲ୍ଲୀ ଶ୍ରଦ୍ଧା ୱାକରଙ୍କ ହତ୍ୟାକାଣ୍ତ ଘଟଣା ଲୋକଙ୍କ ମନରୁ ଲିଭି ନଥିବାବେଳେ ବେଳେ ପୁଣିଥରେ ସାମ୍ନାକୁ ଆସିଛି ଆଉ ଚାଞ୍ଚଲ୍ୟକର ଏକ ହତ୍ୟାକାଣ୍ତ । ପ୍ରେମର ସପ୍ତାହ ଚାଲିଥିବା ବେଳେ ରାଗରେ ତମତମ ହୋଇ ପ୍ରେମିକାର ତଣ୍ଟି ଚିପି ହତ୍ୟା କରିଛି ପ୍ରେମିକ। ହରିଦାଶପୁର ଥାନା ଅନ୍ତର୍ଗତ ମିତ୍ରାଓଁ ଗାଆଁର ସାହିଲ ଗେହଲୋଟ ନାମକ ଜଣେ ଯୁବକ ମୋବାଇଲ ତାରରେ ପ୍ରେମିକାର ତଣ୍ଟି ଚିପି ହତ୍ୟା କରିଥିଲା। ପରେ ପ୍ରେମିକାର ମର ଶରୀରକୁ ନିଜ ଢାବାରେ ଥିବା ଏକ ଫ୍ରିଜରେ ଭର୍ତ୍ତି କରିଥିଲା । ସବୁଠାରୁ ଆଶ୍ଚର୍ଯ୍ୟର କଥା, ନିଜ ପ୍ରେମିକାକୁ ମାରିବାର ପର ଦିନ ହିଁ ସାହିଲ ଆଉ ଏକ ଝିଅକୁ ବିବାହ କରିଥିଲା।

ସୂଚନା ଅନୁଯାୟୀ, ନିକି ହରିୟାଣାର ଝାଜ୍ଜର ଗ୍ରାମରୁ ଆସି ଦିଲ୍ଲୀର ଉତ୍ତମ ନଗରରେ ରହି ପାଠ ପଢୁ଼ଥିଲେ। ପ୍ରତିଯୋଗିତା ମୂଳକ ପରୀକ୍ଷା ପାଇଁ ପ୍ରସ୍ତୁତି କରିବା ସମୟରେ ୨୦୧୮ ମସିହାରେ ତାଙ୍କର ସାହିଲ ସହ ଦେଖା ହୋଇଥିଲା। ପ୍ରଥମେ ସାଙ୍ଗ ଓ ପରେ ଉଭୟଙ୍କ ମଧ୍ୟରେ ଗଢି ଉଠିଥିଲା ପ୍ରେମ ସମ୍ପର୍କ। ଦୀର୍ଘ ବର୍ଷର ସମ୍ପର୍କ ପରେ ନିକି ସାହିଲଙ୍କୁ ବିବାହ କରିବା ପାଇଁ ଚାହିଁଥିଲେ କିନ୍ତୁ ସାହିଲଙ୍କ ପରିବାର ଲୋକେ ଏଥିରେ ରାଜି ନଥିଲେ। କିଛି ଦିନ ଭିତରେ ସାହିଲଙ୍କ ବାହାଘର ଅନ୍ୟ ଏକ ଝିଅ ସହ ଠିକ୍ ହୋଇଥିଲେ ମଧ୍ୟ ଏ କଥା ସାହିଲ ନିକିକୁ ଜଣାଇନଥିଲା। ଫେବୃୟାରୀ ୯ ତାରିଖରେ ମଙ୍ଗନ ଓ ୧୦ ତାରିଖରେ ବାହାଘର ନେଇ ସ୍ଥିର ହୋଇଥିଲା । ୯ ତାରିଖ ରାତିରେ ସାହିଲର ମଙ୍ଗନ ବିଷୟରେ କୌଣସି ସୂତ୍ରରୁ ନିକିଙ୍କୁ ଖବର ମିଳିଥିଲା । ଏହାପରେ ସେ ସାହିଲଙ୍କୁ ତାଙ୍କ ଫ୍ଲାଟକୁ ଡା଼କିଥିଲେ । ସାହିଲ ଫ୍ଲାଟରେ ପହଁଞ୍ଚିବା ପରେ ନିକି ସାହିଲଙ୍କୁ ଗୋଆ ଯିବାକୁ କହିଥିଲେ। ସେଥିପାଇଁ ପୂର୍ବରୁ ଉଭୟଙ୍କ ପାଇଁ ସେ ଟିକେଟ ମଧ୍ୟ ବୁକ ହୋଇସାରିଥିଲା। କିନ୍ତୁ ନିକିଙ୍କ କଥାରେ ରାଜି ହୋଇନଥିଲେ ସାହିଲ । ଏହି କଥାକୁ ନେଇ ଉଭୟଙ୍କ ମଧ୍ୟରେ ଝଗଡା଼ ହୋଇଥିଲା । ପରେ ଉଭୟ ରାତି ପ୍ରାୟ ୧୧ ଟାରେ ଫ୍ଲାଟରୁ ବାହାରି କାଶ୍ମୀରୀ ଫାଟକ ନିକଟରେ ପହଞ୍ଚିଥିଲେ। ସେଠାରେ ସେମାନଙ୍କ ମଧ୍ୟରେ ପ୍ରାୟ ଏକ ଘଣ୍ଟା ଧରି ଝଗଡ଼ା ହୋଇଥିଲା । ପରେ ଝଗଡ଼ା ଏତେ ବଢି ଯାଇଥିଲେ ଯେ, ରାଗରେ ନିଜକୁ ସମ୍ଭାଳି ନ ପାରି ମୋବାଇଲ ଚାର୍ଜରେ ନିକିଙ୍କ ତଣ୍ଟି ଚିପି ହତ୍ୟା କରିଥିଲା ସାହିଲ। ଏହାପରେ ସେ ଡ଼ରିଯିବା ସହ ତାଙ୍କ ମୁଣ୍ତ କାମ କରିନଥିଲା । ଦୀର୍ଘ ସମୟ ଧରି କାରରେ ମୃତଦେହକୁ ଧରି ବୁଲିବା ପରେ ଭୋର ୫ଟାରେ ସେ ନିକିଙ୍କ ମୃତଦେହକୁ ନିଜ ଢାବାରେ ଥିବା ଏକ ଫ୍ରିଜରେ ରଖି ଘରକୁ ଚାଲିଯାଇଥିଲା । ପରେ ବିବାହ ନେଇ ପ୍ରସ୍ତୁତି ଆରମ୍ଭ କରିଥିଲା ହତ୍ୟାକରୀ ପ୍ରେମିକ ।

ପୋଲିସର କହିବା ଅନୁଯାୟୀ, ସାହିଲ ବିବାହରେ ବ୍ୟସ୍ତ ଥିବା ବେଳେ ଢାବା ବନ୍ଦ ରହିଥିଲା ଓ ଫ୍ରିଜ ମଧ୍ଯ କାମ କରୁନଥିଲା । ଫଳରେ ମୃତଦେହ ନିକଟରେ ପୋଲିସ ସହଜରେ ପହଁଞ୍ଚିଥିଲା । ତେବେ ନିକିଙ୍କ ମୃତ୍ୟୁ ନେଇ ତାଙ୍କ ଭଉଣୀଙ୍କ ନିକଟରେ ଖବର ନଥିଲା । ସେ ଭାବୁଥିଲେ ଯେ, ଉଭୟ ଗୋଆ ବୁଲିବାକୁ ଯାଇଛନ୍ତି । ପୋଲିସର କହିବା ଅନୁଯାୟୀ, ଉଭୟ ଗୋଆ ଯାଇ ଆତ୍ମହତ୍ୟା କରିବା ନେଇ ଯୋଜନା କରିଥିଲେ। ଫେବୃଆରୀ ୯ ତାରିଖରେ ଗୋଆ ଯିବାକୁ ଟିକେଟ ବୁକ୍ ହୋଇଥିବା ବେଳେ ଶେଷ ମୁହୂର୍ତ୍ତରେ ସାହିଲ ଗୋଆ ଯିବାକୁ ମନା କରିଦେଇଥିଲେ। ଫ୍ଲାଟରେ ଉଭୟ ଦେଖା ହେବା ପରେ ସାହିଲ କାରରେ ନିକିଙ୍କୁ ହତ୍ୟା କରିଥିଲେ। ସାହିଲକୁ ଗିରଫ କରିବା ସହ ପୋଲିସ ହତ୍ୟାରେ ବ୍ୟବହୃତ କାରକୁ ମଧ୍ଯ ଜବତ କରିଛି ।