ରାଜଧାନୀରେ ଚାଞ୍ଚଲ୍ୟ, ମୁଣ୍ଡ ବିହୀନ ଶବ ଜବତ

ଭୁବନେଶ୍ୱର: ରାଜଧାନୀରେ ମୁଣ୍ଡ ବିହୀନ ଶବ ଜବତ କରିଛି ପୋଲିସ । ଏହାକୁ ନେଇ ଏବେ ରାଜଧାନୀରେ ବେଶ ଚାଞ୍ଚଲ୍ୟ ସୃଷ୍ଟି ହୋଇଛି । ମୃତଦେହ ଭରତପୁର-ଚନ୍ଦକା ରାସ୍ତାର ଦଶପୁର ନିକଟରୁ ପୋଲିସ ଜବତ କରିଛି । ତେବେ ମୃତକଙ୍କ ପରିଚୟ ବର୍ତ୍ତମାନ ସୁଦ୍ଧା ମିଳିପାରିନାହିଁ । 

ସେପଟେ ଘଟଣାସ୍ଥଳରେ ଫୋରେନସିକ ଟିମ ପହଞ୍ଚି ତଦନ୍ତକୁ ଜୋରଦାର କରିଛି । ଘଟଣାସ୍ଥଳରେ ଭୁବନେଶ୍ୱର ଡିସିପି ଉମାଶଙ୍କର ଦାଶ ମଧ୍ୟ ପହଞ୍ଚି ଛାନଭିନ ଆରମ୍ଭ କରିଦେଇଛନ୍ତି । ପ୍ରାଥମିକ ଅନୁଧ୍ୟାନ ପରେ ମୃତଦେହ ନିକଟରୁ ଛୁରି ଗ୍ଲୋବସ ଆଦି ଜବତ କରିଛି ।