ଖେଳାଳି ଖାଇବେ ଏସବୁ ଖାଦ୍ୟ; ପଢନ୍ତୁ ଖାଦ୍ୟ ମେନୁର ତାଲିକା
ଭାରତ ଓ ଓ୍ୱେଷ୍ଟଇଣ୍ଡିଜ ୱାନଡେ ସିରିଜ ଏବେ ରୋମାଞ୍ଚକ ସ୍ଥିତିରେ ଆସି ପହଞ୍ଚିଛି । ଉଭୟ ଟିମ ଗୋଟିଏ ଗୋଟିଏ ମ୍ୟାଚରେ ଟାଏ ରହିଛି । ଏପିରିସ୍ଥିତିରେ ଆସନ୍ତା ୨୨ ତାରିଖରେ ହେବାକୁ ଥିବା ୩ୟ ଓ ଶେଷ ମ୍ୟାଚ ନିର୍ଣ୍ଣାୟକ ଭୂମିକା ନେବ । ବାରବାଟୀ ଷ୍ଟାଡିୟମରେ ହେବାକୁ ଥିବା ମ୍ୟାଚ ଯେତିକି ରୋମାଞ୍ଚକ ସେତିକି ଖେଳାଳୀଙ୍କ ଫିଟନେସ ଉପରେ ଅଧିକ ଗୁରୁତ୍ୱ ଦିଆଯାଉଛି ।
ଜଗନ୍ନାଥ ପାତ୍ର, କଟକ: ଭାରତ ଓ ଓ୍ୱେଷ୍ଟଇଣ୍ଡିଜର ଉଭୟ କ୍ରିକେଟ ଟିମ ଗତକାଲି ଓଡିଶାରେ ପହଞ୍ଚିଛନ୍ତି । ଭୁବନେଶ୍ୱରରେ ରହଣି ଥିବା ବେଳେ କଟକ ବାରବାଟୀ ଷ୍ଟାଡିୟମରେ ଆୟୋଜନ ହେବ ସିରିଜର ଶେଷ ଦିନିକିଆ ମ୍ୟାଚ । ତେବେ ମ୍ୟାଚ ଶେଷ ହେବା ମଧ୍ୟରେ ଖେଳାଳି ମାନଙ୍କ ଖାନାପିନା ଉପରେ ଖାସ ନଜର ରଖାଯାଇଥାଏ । ଏଥିପାଇଁ ସ୍ୱତନ୍ତ୍ର ଫୁ଼ଡ୍ ପ୍ଲାନ ମଧ୍ୟ କରାଯାଇଛି । ତେବେ ଆସନ୍ତୁ ନଜର ପକାଇବା ଭାରତ ଓ ଓ୍ୱେଷ୍ଚଇଣ୍ଡିଜ ଖେଳାଳୀ ମାନଙ୍କ ଲାଗି କଣ କରାଯାଇଛି ପ୍ରତିଦିନର ଖାନାପିନାର ପ୍ଲାନିଂ । ଖାସ କରି ଖେଳାଳୀ ମାନଙ୍କ ଡାଏଟ୍ ପ୍ଲାନ ଠାରୁ ଆରମ୍ଭ କରି ବିଭିନ୍ନ ସମୟରେ ଖାନାପିନା ଉପରେ ଅଧିକ ଫୋକସ କରାଯାଇଛି । ଆସନ୍ତୁ ନଜର ପକାଇବା ଭାରତୀୟ ଦଳ ପାଇଁ ପ୍ରାକ୍ଟିସ ମ୍ୟାଚ ଓ ହୋଟଲେ ରହୁଥିବା ଦିନରେ କଣ କଣ ଖାଦ୍ୟର ବ୍ୟବସ୍ଥା କରାଯାଇଛି ।
ଓଡିଶା କ୍ରିକେଟ ଆସୋସିଏସନ ପକ୍ଷରୁ ମିଲିଥିବା ସୂଚନା ମୁତାବକ ୪ଟି ପେଜରେ ଖେଳାଳୀ ମାନଙ୍କ ଲାଗି ଖାଦ୍ୟର ବ୍ୟବସ୍ଥା କରାଯାଇଛି । ପ୍ରଥମେ ଟ୍ରେନିଂ ପୂର୍ବରୁ ପରେ ଲଞ୍ଚ , ୱାର୍କ ଆଉଟ ଓ ଶେଷରେ ଡିନର । ଖେଳାଳି ମାନଙ୍କ ମନକୁ ପସନ୍ଦ ଆସିଲା ଭଳି ୫ଟି ପ୍ରକାରର ଖାଦ୍ୟ ପରସା ଯିବ । ସେ ମଧ୍ୟରେ ପ୍ରଥମେ ଟ୍ରେନିଂ ପୂର୍ବରୁ ୪ ପ୍ରକାରର ଖାଦ୍ୟ ସହିତ, ମୁସେଲି, ଡ୍ରାଏ ଫୁଡ, ଜୁସ , ଫୁଲକାସ୍ ସହିତ ଭେଜ୍ ସବଜି, ଇଡିଲି/ଦୋସା, ସମ୍ଭାର , ଚଟନି,ପୋହା, ଚା/କଫି, ଓମଲେଟ୍ ।
ଏ ତ ଥିଲା ଭାରତୀୟ ଟିମ ଲାଗି ପ୍ରତ୍ୟେକ ଦିନର କରାଯାଇଥିବା ଖାଇବା ଲାଗି ବ୍ୟବସ୍ଥା । ତେବେ ୱେଷ୍ଟ ଇଣ୍ଡିଜ ଖେଳାଳୀ ମାନଙ୍କ ଲାଗି ମଧ୍ୟ ସ୍ୱତନ୍ତ୍ର ଖାନାପିନାର ବ୍ୟବସ୍ଥା କରାଯାଇଛି । ଖେଳାଳି ମାନଙ୍କ ଲାଗି ପ୍ରାକ୍ଟିସ ପୂର୍ବରୁ ଓ ପରେ ଦୁଇଟି ପର୍ଯ୍ୟାୟରେ ଖାଦ୍ୟ ପରସା ଯିବ । ପୂର୍ବରୁ ସାଣ୍ଡୱିଚ, ସ୍ମୁଥି , ଫ୍ରୁଟ ଡ୍ରିଙ୍କ ଜୁସ , କଫି ,ସ୍ନାକ । ସେହିପରି ପ୍ରାକ୍ଟିସ ଶେଷ ହେବା ପରେ ସୁପ , ଷ୍ଟିମ ରାଇସ , ପାସ୍ତା , ଚିକେନ ଷ୍ଟିମଡ଼ , ସାଲାଡ଼ । ସେହିପରି ମ୍ୟାଚ ଦିନ ଖେଳାଳୀ ମାନଙ୍କ ଲାଗି ଏହି ସମସ୍ତ ଖାଦ୍ୟ ସହିତ ଲଞ୍ଚ /ଡିନର ଲାଗି ମଧ୍ୟ ସୁପ ଷ୍ଟିମ ରାଇସ, ପାସ୍ତା ଚିକେନ , ସିଝା ପରିବା ,ସାଲାଡ଼ର ବିଭିନ୍ନ ରକମର ଖାଦ୍ୟ ପରସା ଯିବ ବୋଲି ସୂଚନା ମିଳିଛି ।