Odisha Matric Result 2023: ଏହି ଦିନ ପ୍ରକାଶ ପାଇବ ମାଟ୍ରିକ୍ ରେଜଲ୍ଟ

Odisha Matric Result 2023 News In Odia: ମାଟ୍ରିକ୍ ପରୀକ୍ଷା ଶେଷ ହୋଇଥିବା ବେଳେ ରେଜଲ୍ଟ କୁ (Odisha Matric Result 2023) ନେଇ ଏକ ବଡ ଅପଡଟ୍ ଆସିଛି । ଚଳିତ ମାସର ଏହି ଦିନ ରେଜଲ୍ଚ ପ୍ରକାଶ ପାଇବ। ଏ ବର୍ଷ ୫ ଲକ୍ଷ ୪୧ ହଜାର ପିଲା ପରୀକ୍ଷା ଦେଇଛନ୍ତି । ମାର୍ଚ୍ଚ ୧୦ରୁ ପରୀକ୍ଷା ଆରମ୍ଭ ହୋଇ ୨୦ ତାରିଖରେ ଶେଷ ହୋଇଥିଲା । ଜାଣନ୍ତୁ କେବେ ବାହରିବ ରେଜଲ୍ଟ ।...

Odisha Matric Result 2023 News In Odia: ମାଟ୍ରିକ୍ ପରୀକ୍ଷା ଶେଷ ହୋଇଥିବା ବେଳେ ରେଜଲ୍ଟ କୁ (Odisha Matric Result 2023) ନେଇ ଏକ ବଡ ଅପଡଟ୍ ଆସିଛି । ଆସନ୍ତା ୧୮ ତାରିଖରେ ପ୍ରକାଶ ପାଇବ ମାଟ୍ରିକ ରେଜଲ୍ଟ । ଷ୍ଟେଟ ଓପନ୍‌ ସ୍କୁଲ ଓ ମଧ୍ୟମା ରେଜଲ୍ଟ ମଧ୍ୟ ୧୮ରେ ପ୍ରକାଶ ପାଇବା ନେଇ ସୂଚନା ଦିଆଯାଇଛି । ୧୮ ତାରିଖ ଦିନ ୧୦ଟା ବେଳେ ରେଜଲ୍ଟ ପ୍ରକାଶ ପାଇବ ବୋଲି କଟକ ବୋର୍ଡ ଅଫିସ୍‌ ପକ୍ଷରୁ ସୂଚନା ଦିଆଯାଇଛି । ଦିନ ୧୨ଟା ସୁଦ୍ଧା ଛାତ୍ରଛାତ୍ରୀ ସେମାନଙ୍କର ରେଜଲ୍ଟ ଜାଣିପାରିବେ । www.bseodisha.ac.in ଏବଂ sms ଜରିଆରେ ଛାତ୍ରଛାତ୍ର ମାନେ ନିଜ ନିଜ ରୋଲ ନଂ ଜରିଆରେ ଫଳାଫଳ ଜାଣିପାରିବେ।  

ସୂଚନା ଅନୁସାରେ,ମାଟ୍ରିକ୍‌ ପରୀକ୍ଷା (Odisha Matric Exam 2023) ମାର୍ଚ୍ଚ ୧୦ ତାରିଖରୁ ଆରମ୍ଭ ହୋଇ ମାର୍ଚ୍ଚ ୨୦ ତାରିଖ ଯାଏଁ ଚାଲିଥିଲା।  ପ୍ରଥମ ଦିନରେ ପରୀକ୍ଷାର୍ଥୀ ମାତୃଭାଷା ସାହିତ୍ୟ ପରୀକ୍ଷା ଦେଇଥିଲେ । ପ୍ରଥମ ଦିନ ସମସ୍ତ ପରୀକ୍ଷାର୍ଥୀ ଘଣ୍ଟାଏ ପୂର୍ବରୁ ପରୀକ୍ଷା କେନ୍ଦ୍ରରେ ପହଞ୍ଚିଲେ । ସକାଳ ୮ ଟାରୁ ପରୀକ୍ଷା ଆରମ୍ଭ ହୋଇ ସକାଳ ୧୦ ଟାରେ ଶେଷ ହୋଇଥିଲା । ମୋଟ୍ ୫ ଲକ୍ଷ ୪୧ ହଜାର ୨୪୭ ଜଣ ଛାତ୍ରଛାତ୍ରୀ ପରୀକ୍ଷା ଚଳିତ ଥର ପରୀକ୍ଷା ଦେଇଛନ୍ତି । ଏଥିପାଇଁ ୩୨୧୮ଟି ପରୀକ୍ଷା କେନ୍ଦ୍ର କରାଯାଇଛି। ଯେଉଁଥିରେ ୩୧୬ଟି ନୋଡାଲ କେନ୍ଦ୍ର ଖୋଲାଯାଇଥିଲା  । ନକ୍ସଲ ପ୍ରବଣ ଅଂଚଳରେ ୨୨ଟି ଥାନାରେ ନୋଡାଲ କେନ୍ଦ୍ର କରାଯାଇଥିଲା । 

କପି ରୋକିବାକୁ ମୋଟ୍ ୭୪ଟି ସ୍କ୍ୱାର୍ଡ ଗଠନ କରାଯାଇଥିଲା । ୫୭ଟି ସେଂଟ୍ରାଲ ସ୍କ୍ୱାର୍ଡ ଅଚାନକ ପରୀକ୍ଷା କେନ୍ଦ୍ର ବୁଲିଥିଲେ ଓ ପରୀକ୍ଷା ସମ୍ପର୍କରେ ବୁଝିବାର ବ୍ୟବସ୍ଥା ହୋଇଥିଲା । ଖରାକୁ ଦୃଷ୍ଟିରେ ରଖି ପରୀକ୍ଷା କେନ୍ଦ୍ରରେ ସ୍ୱତନ୍ତ୍ର ବ୍ୟବସ୍ଥା  ମଧ୍ୟ କରାଯାଇଥିଲା। କଡା ବ୍ୟବସ୍ଥା ସତ୍ତ୍ବେ, ନବରଙ୍ଗପୁରରେ ମାଟ୍ରିକ୍ ପରୀକ୍ଷାର ହିନ୍ଦୀ ଓ ସଂସ୍କୃତର ପ୍ରଶ୍ନପତ୍ର ଲିକ୍ ହୋଇଥିବା ଅଭିଯୋଗ ହୋଇଥିଲା । ଏପରିକି, ମୁଦ୍ରଣଜନିତ ତ୍ରୁଟି ଥିଲା । ପରୀକ୍ଷା ମାର୍ଚ୍ଚ ୨୦ରେ ଶେଷ ହେବା ପରେ, ଅପ୍ରିଲ ୩ ଠାରୁ ଖାତାଦେଖା ଆରମ୍ଭ ହୋଇଥିଲା। ଏଥିରେ ୧୩ ହଜାରରୁ ଅଧିକ ଶିକ୍ଷକ, ଶିକ୍ଷୟିତ୍ରୀ ଖାତା ମୂଲ୍ୟାୟନ ପାଇଁ ନିୟୋଜିତ ହୋଇଥିଲେ। ଚଳିତବର୍ଷ ୫୬ଟି କେନ୍ଦ୍ରରେ ମାଟ୍ରିକ ପରୀକ୍ଷା ଖାତା ଦେଖାଯାଉଥିଲା। ଏନେଇ ମାଧ୍ୟମିକ ଶିକ୍ଷା ପରିଷଦ ପକ୍ଷରୁ ସୂଚନା ଦିଆଯାଇଛି।