ଓସ୍କାର ଷ୍ଟେଜରେ ବିବାଦ: କ୍ରିସ୍ ରକଙ୍କୁ ଚାପୁଡ଼ା ମାରିଲେ ୱିଲ୍ ସ୍ମିଥ୍

ନୂଆଦିଲ୍ଲୀ: ଓସ୍କାର ୨୦୨୨ ଘୋଷଣା ହୋଇଛି । ହେଲେ ଏହି ଆୱାର୍ଡ ଶୋ'ରେ ଏମିତି କିଛି ଘଟିଲା ଯାହା ଇତିହାସରେ ଲିପିବଦ୍ଧ ହୋଇରହିବ । ସମସ୍ତଙ୍କୁ ମନେ ରହିବ ଓସ୍କାର ୨୦୨୨ କାର୍ଯ୍ୟକ୍ରମ । ସମସ୍ତେ ଭାବିଥିଲେ ଏହି କାର୍ଯ୍ୟକ୍ରମ ହସଖୁସିରେ ଏବଂ ସୁରୁଖୁରରେ ହୋଇଯିବ । ହେଲେ ତାହା ହେଲା ନାହିଁ । ଏହି କାର୍ଯ୍ୟକ୍ରମରେ ଏମିତି କିଛି ଘଟିଛି ଯାହା ଜାଣିଲେ ଆପଣ ଆଶ୍ଚର୍ଯ୍ୟ ହୋଇଯିବେ । ଏହାର କାରଣ ଅଭିନେତା ୱିଲ୍ ସ୍ମିଥ୍ ଆଉ କ୍ରିସ୍ ରକ୍ ।  କ୍ରିସ୍ ରକ୍ ବେଷ୍ଟ ଡକୁମେଣ୍ଟ୍ରୀ ଆୱାର୍ଡ ପ୍ରେଜେଣ୍ଟ କରିବା ପାଇଁ ଷ୍ଟେଜ୍ କୁ ଆସିଥିଲେ । 

ଷ୍ଟେଜ୍ ଆସିବା କ୍ଷଣି ସେ ଗୋଟିଏ ମଜାକଥା କହିଥିଲେ । ହେଲେ ତାଙ୍କର ଏହି ମଜାକଥା ତାଙ୍କୁ ଭାରି ପଡ଼ିଲା । ସେଠାରେ ଉପସ୍ଥିତ ଥିବା ଅଭିନେତା ୱିଲ୍ ସ୍ମିଥ୍ ସିଧା ଷ୍ଟେଜ୍ କୁ ଯାଇ କ୍ରିସ୍ ରକ୍ ଙ୍କୁ ଚାପୁଡ଼ା ମାରିଥିଲେ । କାହିଁକିନା କ୍ରିସ୍ ଷ୍ଟେଜ ଉପରକୁ ଆସି ୱିଲ୍ ସ୍ମିଥ୍ ଙ୍କ ପତ୍ନୀ ଜେଡାଙ୍କୁ ହୋଇଥିବା ରୋଗକୁ ନେଇ ମଜାକ୍ ଉଡାଇଥିଲେ ।  

ହେଲେ ୱିଲ୍ ସ୍ମିଥ କ୍ରିସ୍ ରକଙ୍କୁ ଚାପୁଡ଼ା କାହିଁକି ମାରିଲେ ?
ୱିଲ୍ ସ୍ମିଥ୍ ଙ୍କ ପତ୍ନୀ ଜେଡା ପିଙ୍କେଟ୍ ସ୍ମିଥ୍ (Jada Pinkett Smith)  ଏହି ଶୋ'ରେ ୱିଲ୍ ସ୍ମିଥ  (Will Smith ) ଙ୍କ ପାଖରେ ବସିଥିଲେ ।  ଏହି ସମୟରେ ଷ୍ଟେଜ ଉପରକୁ ଆସିଥିଲେ ଅଭିନେତା ତଥା କମେଡିଆନ୍ କ୍ରିସ୍ ରକ୍ (Chris Rock )। ସେ ଜେଡ଼ାଙ୍କ ମଜାକ୍ ଉଡାଇବା ସହ କହିଥିଲେ ଯେ ସେ ଜେଡାଙ୍କୁ  ଜି.ଆଇ. ଜେନ୍ ୨ (G.I. Jane 2) ରେ ଦେଖିବାକୁ ଉତ୍ସାହିତ ଅଛନ୍ତି ।ଏହି କଥା ଶୁଣିବା ପରେ ୱିଲ୍ ସ୍ମିଥ୍ ତୁରନ୍ତ ଷ୍ଟେଜ୍ ଉପରେ ପହଞ୍ଚିଥିଲେ ଆଉ କ୍ରିସ୍ ରକଙ୍କୁ ଚାପୁଡ଼ା ମାରିଥିଲେ । ୱିଲ୍ ସ୍ମିଥ୍ କ୍ରିସଙ୍କୁ ଏଥିପାଇଁ ମାରିଲେ କାହିଁକି ନା ସେ ତାଙ୍କ ପତ୍ନୀଙ୍କୁ ନେଇ ଷ୍ଟେଜ୍ ଉପରେ ମଜାକ୍ ଉଡାଉଥିଲେ । 

ଏପରିକି ଷ୍ଟେଜରୁ ତଳକୁ ଆସିବା ପରେ ୱିଲ୍ ସ୍ମିଥ୍ ଚିତ୍କାର କରି ସେ ତାଙ୍କ ପତ୍ନୀଙ୍କ ନାମ ନ ନେବାକୁ କ୍ରିସ୍ ଙ୍କୁ କହିଥିଲେ । ଜେଡାଙ୍କୁ ଅଲୋପିସିୟା ରୋଗରେ ପୀଡ଼ିତ। ଯେଉଁଥିପାଇଁ ତାଙ୍କ କେଶ ଲଗାତାର ଝଡ଼ିବାରେ  ଲାଗିଛି  ।ସେଥିପାଇଁ କ୍ରିସ୍ ରକ୍ ଫିଲ୍ମ ଜି.ଆଇ. ଜେନ୍  ୨ କୁ ନେଇ କହିଥିଲେ ।ସେ ଜେଡାଙ୍କ ରୋଗକୁ ନେଇ ମଜାକ୍ ଉଡାଇଥିଲେ ଆଉ ଫିଲ୍ମ ବିଷୟରେ ବି କହିଥିଲେ । ହେଲେ ସ୍ପଷ୍ଟ ହୋଇନାହିଁ ଯେ ଏହା ସବୁ କିଛି ପ୍ରାୟୋଜିତ ଥିଲା ନା ସତରେ ୱିଲ ସ୍ମିଥ୍  ରାଗିଯାଇଥିଲେ । ଏହି ଘଟଣା ପରେ ଶୋରେ  ଗୋଟିଏ ଆଡ୍ ବ୍ରେକ୍ ହୋଇଥିଲା ।ତେବେ ଭେଟେରାନ ହଲିଉଡ୍ (Hollywood ) ଅଭିନେତା ଡେଞ୍ଜଲ ୱଶିଂଟନ୍ ଆଉ ଟାଇଲର ପେରୀ ୱିଲ୍ ସ୍ମିଥଙ୍କୁ ବୁଝାଉଥିବା ଏକ ଭିଡିଓରେ ଦେଖିବାକୁ ମିଳିଛି ।

ଏହାପରେ ଡେଞ୍ଜଲ ୱିଲ୍ ସ୍ମିଥ୍ ଙ୍କ ପତ୍ନୀଙ୍କ ସହ କଥା ହୋଇଥିଲେ ୱିଲ୍ ସ୍ମିଥ୍  କ୍ରିସ୍ ରକ୍ ଚାପୁଡା଼ ମାରିବା ଘଟଣା ଏତେ ବଡ଼ ହୋଇଗଲା ଯେ ଏହି କଥା ପୋଲିସ ପାଖରେ ବି ପହଞ୍ଚିଯାଇଛି । ଲସ୍ ଏଞ୍ଜଲସ ପୋଲିସ ଏନେଇ କ୍ରିସ୍ ରକ୍ ଙ୍କୁ ପଚାରିଥିଲେ , ମାତ୍ର ହେଲେ କ୍ରିସ୍ ୱିଲ ଙ୍କ ବିରୋଧରେ ରିପୋର୍ଟ ଫାଇଲ କରିବାକୁ ପୋଲିସକୁ ମନା କରିଦେଇଛନ୍ତି ।