Shah Rukh Khan receives death threat Call: ସଲମାନ ଖାନଙ୍କ ପରେ ବର୍ତ୍ତମାନ ବଲିଉଡ୍ ଅଭିନେତା ଶାହାରୁଖ ଖାନଙ୍କୁ ଫୈଜାନ ଖାନ ନାମକ ଜଣେ ବ୍ୟକ୍ତି ମୃତ୍ୟୁ ଧମକ ଦେଇଛନ୍ତି। ଏହାକୁ ନେଇ ମହାରାଷ୍ଟ୍ରର ବାନ୍ଦ୍ରା ପୋଲିସ ଷ୍ଟେସନରେ ଏକ ଏଫ୍ଆଇଆର୍ ପଞ୍ଜିକୃତ ହୋଇଛି। ରାୟପୁରରୁ ଜଣେ ବ୍ୟକ୍ତି ଫୋନ୍ କରି ଅଭିନେତାଙ୍କଠାରୁ ବିପୁଳ ଟଙ୍କା ଦାବି କରିଛନ୍ତି।


COMMERCIAL BREAK
SCROLL TO CONTINUE READING

ବଲିଉଡ ସୁପରଷ୍ଟାର ଶାହାରୁଖ ଖାନଙ୍କୁ ମୃତ୍ୟୁ ଧମକ ମିଳିଛି। ରିପୋର୍ଟ ଅନୁଯାୟୀ, ତାଙ୍କୁ ଏକ ଧମକପୂର୍ଣ୍ଣ କଲ ଆସିଥିଲା। ମୁମ୍ବାଇର ବାନ୍ଦ୍ରା ପୋଲିସ ଷ୍ଟେସନରେ ଏକ ମାମଲା ରୁଜୁ ହୋଇଛି। ଛତିଶଗଡର ରାୟପୁର ନିବାସୀ ଫୈଜାନ ନାମକ ଜଣେ ବ୍ୟକ୍ତି ଏହି ଧମକ ଦେଇଛନ୍ତି। ସୂତ୍ରରୁ ପ୍ରକାଶ ଯେ ମୁମ୍ବାଇ ପୋଲିସର ଏକ ଟିମ୍ ତଦନ୍ତ ପାଇଁ ରାୟପୁର ଯାଇଛନ୍ତି। ଅଭିନେତା ଶାହାରୁଖ ଖାନଙ୍କୁ ଧମକ ଦେଇଥିବା ଅଭିଯୋଗରେ ମୁମ୍ୱାଇର ବାନ୍ଦ୍ରା ପୋଲିସ ଷ୍ଟେସନରେ ଜଣେ ଅଜ୍ଞାତ ବ୍ୟକ୍ତିଙ୍କ ବିରୋଧରେ ମାମଲା ରୁଜୁ ହୋଇଛି। ଧାରା 308 (4), 351 (3) (4) BNS ଅନୁଯାୟୀ ଏକ ଅପରାଧ ପଞ୍ଜିକୃତ ହୋଇଛି।



ଶାହାରୁଖ ସର୍ବଦା ଅଣ୍ଡରୱାର୍ଲ୍ଡର ହିଟ୍ ଲିଷ୍ଟରେ ରହିଆସିଛନ୍ତି। ଏହାପୂର୍ବରୁ ମଧ୍ୟ ତାଙ୍କୁ କ୍ୟାରିୟରରେ ଅନେକ ଥର ମୃତ୍ୟୁ ଧମକ ଦିଆଯାଇଥିଲା। ଗତ ବର୍ଷ ଅକ୍ଟୋବରରେ ମଧ୍ୟ ପଠାନ ଏବଂ ଯବାନ ଚଳଚ୍ଚିତ୍ରର ସଫଳତା ପରେ ତାଙ୍କୁ ମୃତ୍ୟୁ ଧମକ ମିଳିଥିଲା। ଏହି ବିଷୟରେ ଅଭିନେତା ମହାରାଷ୍ଟ୍ର ପୋଲିସ ନିକଟରେ ଏକ ଲିଖିତ ଅଭିଯୋଗ କରିଥିଲେ, ପରେ ତାଙ୍କୁ Y + ସୁରକ୍ଷା ଦିଆଯାଇଥିଲା।


ଗତ ବର୍ଷ ପ୍ରସିଦ୍ଧ ନିର୍ଦ୍ଦେଶକ ସଞ୍ଜୟ ଗୁପ୍ତା ସୋସିଆଲ ମିଡିଆରେ ଟ୍ୱିଟ୍ କରି ଶାହାରୁଖଙ୍କୁ ପ୍ରଶଂସା କରିଥିଲେ। ସେ କହିଥିଲେ ଯେ, ୯୦ ଦଶକରେ ଶାହାରୁଖ ଏକମାତ୍ର ଅଭିନେତା ଯିଏ ଅଣ୍ଡରୱାର୍ଲ୍ଡ ଆଗରେ ମୁଣ୍ଡ ନୁଆଁଇ ନଥିଲେ। ସେ କହିଥିଲେ ଯଦି ଆପଣ ଗୁଳି ଚଳାଇବାକୁ ଚାହୁଁଛ ତେବେ ଗୁଳି କର, କିନ୍ତୁ ମୁଁ ଆପଣଙ୍କ ପାଇଁ କାମ କରିବି ନାହିଁ। ମୁଁ ପଠାନ୍।'