Heart attack: ବର୍ତ୍ତମାନ ସମୟରେ ଯୁବାବସ୍ଥା ଓ ବୟସ୍କ ଲୋକଙ୍କୁ ହୃଦଘାତ୍ ହେଉଥିବା ଦେଖାଯାଉଛି। ଖାଦ୍ୟପେୟରେ ପରିବର୍ତ୍ତନ ଯୋଗୁଁ ଅନେକ ଲୋକ ହୃଦଘାତ୍ ର ଶିକାର ହେଉଛନ୍ତି l ହୃଦଘାତ୍ ଜୀବନକୁ ବିପଦରେ ପକାଇପାରେ ଏବଂ ଏହା ଅନେକ ସମୟରେ ହଠାତ ଘଟିଥାଏ। ହୃଦଘାତ୍ ପୂର୍ବରୁ ଶରୀର କିଛି ପୂର୍ବ ସଙ୍କେତ ପ୍ରଦାନ କରିଥାଏ, ଯାହାକୁ ବୁଝିପାରିଲେ ସମୟ ବା ରୋଗ ହେବା ପୂର୍ବରୁ ଚିକିତ୍ସା କରାଇ ପାରିବେ। ହୃଦଘାତ ହେବା ପୂର୍ବରୁ ଅନେକ ସଂକେତ ଦେଇଥାଏ, ଆସନ୍ତୁ ଜାଣିବା ଏହାର ଲକ୍ଷଣ ସବୁ କଣ କଣ ରହିଛି, ଯାହା ଆପଣଙ୍କୁ ଅନେକ ସହାୟତା କରିବ...


COMMERCIAL BREAK
SCROLL TO CONTINUE READING

ନିଶ୍ବାସ ପ୍ରଶ୍ୱାସରେ କଷ୍ଟ - ମୁଖ୍ୟ ଲକ୍ଷଣ ହେଉଛି ନିଶ୍ଵାସ ପ୍ରଶ୍ୱାସରେ ନେବା ଛାଡ଼ିବାରେ କଷ୍ଟ ଅନୁଭବ ହେବ। ହାର୍ଟ ଆଟାକପୂର୍ବରୁ ଅନେକ ଲୋକ ନିଶ୍ଵାସ କଷ୍ଟର ଅନୁଭବ କରନ୍ତି। ନିଶ୍ଵାସ କଷ୍ଟ କ୍ରମାଗତ ବଢ଼ିବାକୁ ଲାଗିଥାଏ ଏବଂ ଶ୍ଵାସ ପ୍ରଶ୍ଵାସ ସାମାନ୍ୟ କାର୍ଯ୍ୟକଳାପ କରିବାକୁ ଯାଇ କଷ୍ଟକର ଲାଗିଥାଏ। ନିଶ୍ଵାସ କଷ୍ଟକୁ ଅନ୍ୟ ସାଧାରଣ କାରଣ ଭାବି ଉପେକ୍ଷା କରାଯାଇପାରେ, କିନ୍ତୁ ଏହା ହୃଦଘାତର ମୁଖ୍ୟ ଲକ୍ଷଣ ହୋଇପାରେ। 


ବାନ୍ତି ଓ ଜଠର ଯନ୍ତ୍ରଣା- ହୃଦଘାତର ଆଉ ଏକ ଅସାଧାରଣ ଲକ୍ଷଣ ହେଲା ବାନ୍ତି ଓ ଜଠର ଯନ୍ତ୍ରଣା।  କେତେକ ବ୍ୟକ୍ତି, ବିଶେଷତଃ ମହିଳାଙ୍କୁ ବକ୍ଷସ୍ଥଳ ଯନ୍ତ୍ରଣା ନ ହୋଇ ବାନ୍ତି ଓ ଜଠର ଯନ୍ତ୍ରଣା ହୋଇଥାଏ। ଏହି ପ୍ରକାର ଯନ୍ତ୍ରଣାକୁ ଗୁରୁତର ଭାବି ୟତ୍ନ ନେବା ଆବଶ୍ୟକ।


ମୁଣ୍ଡ ବିନ୍ଧିବା- କିଛି ସମୟରେ ମୁଣ୍ଡ ବିନ୍ଧିବା ମଧ୍ୟ ହୃଦ୍ଘାତର ଏକ ସଙ୍କେତ ହୋଇପାରେ। ଯଦି ଆପଣ କୌଣସି କାରଣ ବିନା ମୁଣ୍ଡ ବିନ୍ଧିବା ଅନୁଭବ କରୁଛନ୍ତି, ତେବେ ତାହା ହୃଦ୍ଘାତର ଏକ ସମ୍ଭାବ୍ୟ ଲକ୍ଷଣ ହୋଇପାରେ। ବିଶେଷକରି ଯଦି ଏହା ଅନ୍ୟାନ୍ୟ ଲକ୍ଷଣ ସହିତ ଯୋଡ଼ି ହୋଇଯାଏ, ତେବେ ତାହାକୁ ଗୁରୁତର ଭାବିବା ଉଚିତ୍। 


ଥକ୍କା ଅନୁଭୂତି- ହୃଦଘାତ୍ ପୂର୍ବରୁ ଥକ୍କା ଲାଗିବା ମଧ୍ୟ ଏକ ସାଧାରଣ ଲକ୍ଷଣ। ଏହି ଥକ୍କା ଅନୁଭୂତି କେବଳ ଶାରୀରିକ ପରିଶ୍ରମ କଲେ ନୁହେଁ, ବରଂ ବିଶ୍ରାମ କରିବା ପରେ ମଧ୍ୟ ଦେଖାଦେଇଥାଏ। ଶରୀରର କିଛି ଅଂଶରେ ରକ୍ତ ସଂଚାଳନରେ ସମସ୍ୟା ଥିବା କାରଣରୁ ଏହି ଥକ୍କା ଅନୁଭୂତି ହୋଇଥାଏ। 


ବକ୍ଷସ୍ଥଳରେ ଯନ୍ତ୍ରଣା- ଏହା ସବୁଠାରୁ ସାଧାରଣ ଲକ୍ଷଣ ଯାହା ହୃଦଘାତର ପୂର୍ବାଭାସ ଦେଇଥାଏ। ବକ୍ଷସ୍ଥଳର ମଧ୍ୟଭାଗରେ ଗାଢ଼ ଦବାଉଥିବା ପରି ଏକ ଅନୁଭୂତି ହୋଇଥାଏ। କିଛି ସମୟରେ ଏହି ଯନ୍ତ୍ରଣା ବାହୁ, ପିଠି ଓ ଗଲାକୁ ମଧ୍ୟ ବ୍ୟାପିଯାଇ ଥାଏ। ଏହି ଯନ୍ତ୍ରଣା କ୍ରମାଗତ ବଢ଼ିବାକୁ ଲାଗିଥାଏ ଏବଂ ବିଶ୍ରାମ କରିବାପରେ ମଧ୍ୟ ଲାଘବ ମିଳେନାହିଁ।


ଶୀଘ୍ର ଥକି ଯିବା- ଯଦି ଆପଣ କୌଣସି ପ୍ରକାର ଶାରୀରିକ ପରିଶ୍ରମ କରୁନଥିବା ପରିସ୍ଥିତିରେ ଅଧିକ ପରିମାଣରେ ଘାମୁଛନ୍ତି, ତେବେ ତାହା ଏକ ଚିନ୍ତାର ବିଷୟ। ନିରାପଦ ପରିସ୍ଥିତିରେ ଘାମିବା ହୃଦ୍ଦଘାତର ପୂର୍ବ ଲକ୍ଷଣ ହୋଇପାରେ। କାରଣ ଶରୀର ହୃଦ୍ଘାତର ପ୍ରତିକ୍ରିୟା ସ୍ଵରୂପ ଘାମ କ୍ଷରଣ କରିଥାଏ।


ପିଠି ଯନ୍ତ୍ରଣା- ହୃଦଘାତ୍ ପୂର୍ବରୁ କିଛି ଲୋକଙ୍କ ଠାରେ ପିଠି ଯନ୍ତ୍ରଣା ମଧ୍ୟ ଦେଖିବାକୁ ମିଳିଥାଏ । 


ଆକ୍ରମଣାତ୍ମକ ବ୍ୟବହାର- ଅନେକ ସମୟରେ ହୃଦ୍ଘାତପୂର୍ବରୁ ବ୍ୟକ୍ତିର ଆକ୍ରମଣାତ୍ମକ ପ୍ରବୃତ୍ତି ବଢ଼ିଯାଇଥାଏ। ସାମାନ୍ୟ ଘଟଣାକୁ ନେଇ ମଧ୍ୟ ସେ ଆକ୍ରମଣାତ୍ମକ ହୋଇଯାଇଥାଏ। ଏହି ପରିବର୍ତ୍ତନକୁ ଗୁରୁତ୍ୱ ଦେବା ଉଚିତ୍ ଏବଂ ସେଥିପାଇଁ ଚିକିତ୍ସା କରାଇବା ଆବଶ୍ୟକ। 


ଅସ୍ୱସ୍ଥତା- ହୃଦଘାତ ପୂର୍ବରୁ କିଛି ଲୋକ ଅସୁସ୍ଥତା ଅନୁଭବ କରିଥାଆନ୍ତି। ଏହି ଅସ୍ୱସ୍ଥତା ଅନୁଭୂତି ସାଧାରଣତଃ ବାନ୍ତି, ଜଳୁଣୀ, ପେଟ ଖରାପ କିମ୍ବା ମୁଣ୍ଡ ବିନ୍ଧିବା ଆକାରରେ ହୋଇଥାଏ। ଯଦି ଏହି ଅସ୍ୱସ୍ଥତା ଅନ୍ୟ କୌଣସି କାରଣ ନାହିଁ, ତେବେ ତାହାକୁ ହୃଦ୍ଘାତର ସଙ୍କେତ ଭାବି ତୁରନ୍ତ ଚିକିତ୍ସା କରାଇବା ଆବଶ୍ୟକ।


ଅସ୍ୱାଭାବିକ ଥକା ଅନୁଭୂତି- ହୃଦଘାତ ପୂର୍ବରୁ କେତେକ ଲୋକଙ୍କୁ ଅସ୍ୱାଭାବିକ ଭାବେ ଥକା ଲାଗିଥାଏ। ସାଧାରଣତଃ ଦିନକୁ ଦିନ ଶରୀର ଅଧିକ ଥକ୍କା ଅନୁଭବ କରିବାକୁ ଲାଗିଥାଏ। ସାମାନ୍ୟ କାର୍ଯ୍ୟକଳାପ ମଧ୍ୟ ବହୁତ କଷ୍ଟକର ଲାଗିଥାଏ।