Date Palm Benefits: ଆରମ୍ଭ ହୋଇଯାଇଛି ରମଜାନ ମାସ। ରମଜାନ ଆରମ୍ଭ ହୋଇଯିବା ପରେ ବିଶ୍ୱର କୋଣ ଅନୁକୋଣରେ ବସବାସ କରୁଥିବା ମୁସଲିମ ରୋଜା ରଖିଥାନ୍ତି। ରମଜାନ ମାସରେ ଖଜୁରୀ ଚାହିଦା ବେଶ ବଢିଯାଏ। କେବଳ ସନ୍ଧ୍ୟା ସମୟରେ ହେଉଥିବା ରୋଜା ଇଫତାର ନୁହେଁ, ବରଂ ସକାଳ ସମୟରେ ମଧ୍ୟ ଖଜୁରୀ ଖାଇଥାନ୍ତି ମୁସଲମାନ। ମୁସଲମାନଙ୍କ ଉପବାସ କୁହାଯାଉଥିବା ରମଜାନ ରୋଜା ସମୟରେ ବଜାରରେ ବିଭିନ୍ନ ପ୍ରକାରର ଖଜୁରୀ ଉପଲବ୍ଧ ହୋଇଥାଏ। 


COMMERCIAL BREAK
SCROLL TO CONTINUE READING

ବର୍ତ୍ତମାନ ବଜାରରେ ୨୦ ପ୍ରକାରରୁ ଅଧିକ କିସମର ଖଜୁରୀ ବିକ୍ରି ହୋଇଥାଏ। ଅଜୱା ଖଜୁରୀ, ଯାହାର କିଲୋଗ୍ରାମ ପିଛା ମୂଲ୍ୟ ୨୨୦୦ ଟଙ୍କାରୁ ୨୫୦୦ ଟଙ୍କା ମଧ୍ୟ ରହିଥାଏ। ତାହା ମଧ୍ୟ ବଜାରରେ ରମଜାନ ବେଳେ ଉପଲବ୍ଧ ହେଉଛି। ଉପବାସ ସମୟରେ ଖଜୁରୀ ଖାଇବାର ଅନେକ ଲାଭ ମିଳିଥାଏ। ଏପରିକି ଡାକ୍ତର କିମ୍ବା ଚିକିତ୍ସକ ମଧ୍ୟ ଖଜୁରୀ ଖାଇବା ଦ୍ୱାରା ମିଳୁଥିବା ଲାଭ ସମ୍ପର୍କରେ କହିଥାନ୍ତି। ଅନ୍ୟପକ୍ଷରେ ଧର୍ମଗୁରୁ ଖଜୁରୀ ବିଷୟରେ ଏକ ଭିନ୍ନ ମତ ଦେଇଥାନ୍ତି।


ରାଜସ୍ଥାନର ବାଡମର୍ ଏବଂ ଜୈସାଲମେର ଜିଲ୍ଲାରେ ମଧ୍ୟ ଖଜୁରୀ ଚାଷ କରାଯାଏ। ହେଲେ ଆରବ ଦେଶରୁ ଆସୁଥିବା ବିଭିନ୍ନ ପ୍ରକାର ଖଜୁରୀ ମଧ୍ୟ ଦେଖିବାକୁ ବେଶ ଆକର୍ଷଣୀୟ। ତାହା ମଧ୍ୟରୁ ଏକ ପ୍ରକାର ଖଜୁରୀ ପ୍ରଜାତି ହେଉଛି ପେନ୍ଥା ପେନ୍ଥା ହୋଇ ରହୁଥିବା ଖଜୁରୀ। ସବୁଠାରୁ ମହଙ୍ଗା ଖଜୁରୀ ହେଉଛି ଅଜୱା। ସମସ୍ତଙ୍କ ପାଇଁ ଖଜୁରୀ ଉପଲବ୍ଧ କରିବା ପାଇଁ ଖୋଲା ବଜାରରେ ମଧ୍ୟ ଖଜୁରୀ ବିକ୍ରି ହେଉଛି। ଯାହାର ମୂଲ୍ୟ କିଲୋଗ୍ରାମ ପିଛା ୧୦୦ ଟଙ୍କା ରହିଛି। ଏପରିକି ଜୁସ ଦୋକାନରେ ମଧ୍ୟ ଖଜୁରୀ ଜୁସ ବିକ୍ରି ହେଉଛି। 


ଖଜୁରୀ ଖାଇବାର ଅନେକ ଫାଇଦା ରହିଛି। ଖଜୁରୀରେ ସୋଡିୟମ୍, କାର୍ବୋହାଇଡ୍ରେଟ୍, ଫାଇବର, ସୁଗାର ଏବଂ ପ୍ରୋଟିନ୍ ଉପଲବ୍ଧ ରହିଥାଏ। ରକ୍ତହୀନତା ଦୂର କରିବା ପାଇଁ ଖଜୁରୀ ରାମବାଣ ସଦୃଶ୍ୟ କାମ କରିଥାଏ।  ଶରୀରେ ରହିଥିବା ବିଭିନ୍ନ ଗଣ୍ଠିକୁ ମଜବୁତ କରିଥାଏ ଖଜୁରୀ। ମହିଳାଙ୍କ ଗୋଡ ଏବଂ ଯନ୍ତ୍ରଣା ଯନ୍ତ୍ରଣା ପାଇଁ ଖଜୁରୀ ଏକ ଉତ୍କୃଷ୍ଟ ଔଷଧ। ଖଜୁରୀ କୋଷ୍ଠକାଠିନ୍ୟରୁ ମୁକ୍ତି ଦେଇଥାଏ। ହଜମ ପ୍ରକ୍ରିୟାରେ ଗଡ଼ବଡ଼କୁ ଦୂର କରିଥାଏ। ଅଲ୍ସର ଏବଂ ଏସିଡ଼ିଟି ସମସ୍ୟାକୁ ମଧ୍ୟ ଦୂର କରିଥାଏ ଖଜୁରୀ। 


ଯେତେବେଳେ ଜଣେ ବ୍ୟକ୍ତି ଦିନସାରା ଉପବାସରେ ରୁହନ୍ତି, ସେତେବେଳେ ତାଙ୍କ ଶରୀରରେ ଶକ୍ତି ବହୁତ କମ୍ ହୋଇଯାଏ। ଏଭଳି ପରିସ୍ଥିତିରେ ଏପରି ଜିନିଷ ଖାଇବା ଉଚିତ୍ ଯାହା ଦ୍ୱାରା ଶରୀରକୁ ତତକ୍ଷଣାତ୍ ଶକ୍ତି ମିଲିବ। ଖଜୁରୀ ଏହି ଆବଶ୍ୟକତା ପୂରଣ କରିଥାଏ।


  • ଖଜୁରୀ ଖାଇବା ଦ୍ୱାରା ଶରୀରରେ ହଜମ ପ୍ରକ୍ରିୟା ସଠିକ୍ ଭାବରେ କାମ କରିଥାଏ। ପେଟ ଗ୍ୟାସ୍ ସମ୍ବନ୍ଧୀୟ କୌଣସି ଅସୁବିଧା ରହେ ନାହିଁ।

  • ଅନୁସନ୍ଧାନରେ ଏହା ପ୍ରମାଣିତ ହୋଇଛି ଯେ ଖଜୁରୀ ଖାଇବା ଦ୍ୱାରା ଶରୀରକୁ ଅତ୍ୟାବଶ୍ୟକୀୟ ଫାଇବର୍ସ ମିଳିଥାଏ। ଖଜୁରୀ ଏପରି ଏକ ଫଳ ଯାହା ପୁଷ୍ଟିକର ଖାଦ୍ୟରେ ମଧ୍ୟ ପରିପୂର୍ଣ୍ଣ।

  • ଖଜୁରୀରେ ରହିଥିବା ମ୍ୟାଗ୍ନେସିୟମ୍, ତମ୍ବା ଭିଟାମିନ୍, ଆଇରନ୍ ଏବଂ ପ୍ରୋଟିନ୍ ଶରୀରକୁ ସକ୍ରିୟ ରଖିଥାଏ।

  • ଖଜୁରୀ ସହଜରେ ହଜମ ହୋଇପାରେ। ଖାଲି ପେଟରେ ଖଜୁରୀ ଖାଇବା ଦ୍ୱାରା କୌଣସି କ୍ଷତି ହୋଇନଥାଏ। 

  • ଖଜୁରୀରେ ଅଧିକ ପୋଟାସିୟମ୍ କିମ୍ବା କମ୍ ସୋଡିୟମ୍ ହେତୁ ଏହା ରକ୍ତଚାପକୁ ନିୟନ୍ତ୍ରିତ କରିବା ରଖିବାରେ ସହାୟକ ହୋଇଥାଏ।

  • ଖଜୁରୀ କୋଲେଷ୍ଟ୍ରୋଲ ହ୍ରାସ କରିଥାଏ। ଯାହା ଦ୍ୱାରା ହୃଦଘାତ ହେବାର ଆଶଙ୍କା ମଧ୍ୟ ହ୍ରାସ ପାଇଥାଏ।

  • ଖଜୁରୀରେ କ୍ଷାରୀୟ ଲୁଣ ଥାଏ। ଯାହା ପେଟରେ ରହିଥିବା ଏସିଡ଼ିଟି ମଧ୍ୟ ହ୍ରାସ କରିଥାଏ। ହଜମ ପ୍ରକ୍ରିୟାକୁ ସ୍ୱାଭାବିକ ରଖିଥାଏ। 


ଇଫତାରୀ ସମୟରେ ଅନେକ ପ୍ରକାର ଖାଦ୍ୟ ପଦାର୍ଥ ଇଫତାର ପାଇଁ ସାମିଲ କରାଯାଇଥାଏ। ଯାହା ମଧ୍ୟରେ ପ୍ରାକୃତିକ ଫଳ ମଧ୍ୟ ରହିଥାଏ। ହେଲେ ରମଜାନ ସମୟରେ ରୋଜା ରଖୁଥିବା ବ୍ୟକ୍ତି କେବଳ ଖଜୁରୀ ଖାଇ ରୋଜା ଖୋଲିଥାନ୍ତି। ଏହା ପଛରେ ଏକ କିମ୍ବଦନ୍ତୀ ଅଛି ଯେ ଖଜୁରୀ ଭବିଷ୍ୟ‌ଦ୍‌ବକ୍ତା ହଜରତ ମହମ୍ମଦଙ୍କର ପ୍ରିୟ ଫଳ ଥିଲା। ଯିଏ କେବଳ ଖଜୁରୀ ଖାଇବା ପରେ ଉପବାସ ଭଙ୍ଗ କରୁଥିଲେ। ବିଶ୍ୱର କୋଣ ଅନୁକୋଣରେ ବସବାସ କରୁଥିବା ମୁସଲମାନ ଆଜି ମଧ୍ୟ ଏହାକୁ ଅନୁସରଣ କରି ଆସୁଛନ୍ତି।