Headache Treatment: ମୁଣ୍ଡବିନ୍ଧା ସମସ୍ୟା ହୋଇଯିବ ଦୂର, କରନ୍ତୁ ଏହି କାମ
Remedies for Headache: ମୁଣ୍ଡବିନ୍ଧା ତଥା ମାଇଗ୍ରେନର ବିଭିନ୍ନ କାରଣ ରହିଛି । ତେବେ ଏଥିରୁ ମୁକ୍ତି ପାଇବା ପାଇଁ ଆପଣ ଅନେକ ଘରୋଇ ଉପଚାର ମଧ୍ୟ କରିପାରିବେ । ଏଥିପାଇଁ ଆପଣଙ୍କୁ ଆଜି ଜଣାଇବୁ କିଛି ସହଜ ଉପାୟ ।
ବିଶ୍ୱାସ କରାଯାଏ ଯେ, ବୟସ୍କ ବ୍ୟକ୍ତି ମୁଣ୍ଡବିନ୍ଧାର ଶିକାର ହେବାର ସମ୍ଭାବନା ଅଧିକ ରହିଥାଏ । କ୍ରୋଧ କାରଣରୁ ମଧ୍ୟ ମୁଣ୍ଡ ବିନ୍ଧା ହୋଇଥାଏ । ମୁଣ୍ଡବିନ୍ଧା ସମସ୍ୟା ଦୈନନ୍ଦିନ ଜୀବନରେ ମଧ୍ୟ ଅନେକ ସମସ୍ୟା ସୃଷ୍ଟି କରିଥାଏ ।
ମୁଣ୍ଡବିନ୍ଧାର କାରଣ ଅନେକ ରହିଛି ଯଥା- ମୁଣ୍ଡରେ ଆଘାତ, କୌଣସି ପ୍ରକାରର ଔଷଧ ସେବନ, ସଂକ୍ରମଣ, ମୋଟାପଣ, ଧୂମପାନ, ଉଚ୍ଚ କଫିନ୍ ଗ୍ରହଣ କିମ୍ବା ନିଦ୍ରା ସମ୍ବନ୍ଧୀୟ ସମସ୍ୟା । ଆଜି ଆପଣଙ୍କୁ ୫ ଟି ପ୍ରାକୃତିକ ଉପଚାର କହିବୁ ଯାହା ଆପଣଙ୍କୁ ମୁଣ୍ଡବିନ୍ଧାର ସମସ୍ୟାର ଉପଶମ କରିବାରେ ସାହାଯ୍ୟ କରିବ ।
ପ୍ରତିଦିନ ପର୍ଯ୍ୟାପ୍ତ ପାଣି ପିଅନ୍ତୁ
ଯଦି ଆପଣ ପର୍ଯ୍ୟାପ୍ତ ପରିମାଣର ପାଣି ପିଉ ନାହାଁନ୍ତି, ତେବେ ଏହା ଆପଣଙ୍କ ଶରୀରରେ ଡିହାଇଡ୍ରେସନ୍ ସୃଷ୍ଟି କରିଥାଏ । ଏହି ପରିସ୍ଥିତିରେ ମୁଣ୍ଡବିନ୍ଧା ପରି ସମସ୍ୟା ଉପୁଜିପାରେ । ବହୁ ଗବେଷଣା ପରେ ବିଶେଷଜ୍ଞମାନେ ମତ ଦେଇଛନ୍ତି ଯେ, ଡିହାଇଡ୍ରେସନ୍ ହେଉଛି ପ୍ରବଳ ମୁଣ୍ଡବିନ୍ଧାର କାରଣ । ଡିହାଇଡ୍ରେସନ୍ ଉତ୍ତେଜନା ସୃଷ୍ଟି କରିଥାଏ ଏବଂ ଆପଣଙ୍କ ଏକାଗ୍ରତା ଉପରେ ମଧ୍ୟ ଅନେକ ପ୍ରକାର ପ୍ରଭାବ ପକାଇଥାଏ । ତେଣୁ, ଡିହାଇଡ୍ରେସନରୁ ରକ୍ଷା ପାଇବା ପାଇଁ ପ୍ରତିଦିନ ଆବଶ୍ୟକୀୟ ପରିମାଣର ପାଣି ପିଇବା ଆବଶ୍ୟକ । ଜଳଯୁକ୍ତ ଫଳ ଖାଇବା ଉପରେ ମଧ୍ୟ ଧ୍ୟାନ ଦିଅନ୍ତୁ ।
ଖାଦ୍ୟରେ ମ୍ୟାଗ୍ନେସିୟମ୍ ଅନ୍ତର୍ଭୂକ୍ତ କରନ୍ତୁ
ରକ୍ତରେ ଶର୍କରା ସ୍ତରବଜାୟ ରଖିବା ପାଇଁ ମ୍ୟାଗ୍ନେସିୟମ ଏକ ଗୁରୁତ୍ୱପୂର୍ଣ୍ଣ ଖଣିଜ ପଦାର୍ଥ । ନ୍ୟାସନାଲ ଲାଇବ୍ରେରୀ ଅଫ୍ ମେଡିସିନ୍, ନ୍ୟାସନାଲ ସେଣ୍ଟର ଫର ବାୟୋଟେକ୍ନୋଲୋଜି ସୂଚନା ଅନୁଯାୟୀ, ଅନେକ ପ୍ରମାଣ ରହିଛି ଯେ, ମ୍ୟାଗ୍ନେସିୟମର ଅଭାବ ମଧ୍ୟ ମୁଣ୍ଡବିନ୍ଧାର କାରଣ ପାଲଟିପାରେ ।
ମଦ୍ୟପାନରୁ ଦୂରରେ ରୁହନ୍ତୁ
ଅତ୍ୟଧିକ ମାତ୍ରାରେ ମଦ୍ୟପାନ କରିବା ଦ୍ୱାରା ପ୍ରଦାହ ସୃଷ୍ଟି ହୁଏ ଏବଂ କିଛି ସ୍ନାୟୁଗତ ପଥ ସକ୍ରିୟ ହୋଇଯାଏ । ଏହା ରକ୍ତ ନଳୀକୁ ବିସ୍ତାର କରିପାରେ । ଅଧ୍ୟୟନରୁ ଜଣାପଡିଛି ଯେ, ଜନସଂଖ୍ୟାର ଏକ ତୃତୀୟାଂଶ ବ୍ୟକ୍ତି ଯେଉଁମାନେ ମଦ୍ୟପାନ କରନ୍ତି ସେମାନେ ପ୍ରାୟତଃ ମୁଣ୍ଡବିନ୍ଧାର ଶିକାର ହୋଇଥାନ୍ତି।
ଭଲ ନିଦ
ନ୍ୟାସନାଲ୍ ଲାଇବ୍ରେରୀ ଅଫ୍ ମେଡିସିନରେ ପ୍ରକାଶିତ ତଥ୍ୟ ଅନୁଯାୟୀ, ଚିନ୍ତା ହେଉଛି ମୁଣ୍ଡବିନ୍ଧାର ଏକ ପ୍ରମୁଖ କାରଣ । ଯଦି ଆମେ ଉପଯୁକ୍ତ ସମୟ ପର୍ଯ୍ୟନ୍ତ ନଶୋଇବା ତେବେ ତାହା ନିଦ୍ରାହୀନତାରେ ପରିଣତ ହୋଇ ମୁଣ୍ଡବିନ୍ଧା ସମସ୍ୟା ସୃଷ୍ଟି କରିପାରେ ।
ଉଚ୍ଚ ହିଷ୍ଟାମାଇନ୍ ଖାଦ୍ୟରୁ ଦୂରେଇ ରୁହନ୍ତୁ
ହିଷ୍ଟାମାଇନ୍ ହେଉଛି ଏପରି ଏକ ପ୍ରକାର ରାସାୟନିକ ଯାହା ଶରୀରରେ ରହିଛି। ଏହା ଆମର ରୋଗ ପ୍ରତିରୋଧକ ଶକ୍ତି, ହଜମ ଏବଂ ସ୍ନାୟୁ ପ୍ରଣାଳୀ ଉପରେ ଗଭୀର ପ୍ରଭାବ ପକାଇପାରେ । ହିଷ୍ଟାମାଇନ୍ ର ସାଧାରଣ ଲକ୍ଷଣ ହେଉଛି ମୁଣ୍ଡବିନ୍ଧା । ତେଣୁ ଉଚ୍ଚ ହିଷ୍ଟାମାଇନ୍ ଖାଦ୍ୟଠାରୁ ଦୂରେଇ ରହିବାକୁ ପରାମର୍ଶ ଦିଆଯାଇଛି ।
Disclamer: (ଉପରେ ଦିଆଯାଇଥିବା ସୂଚନା ZEE ODISHA NEWSର ନିଜସ୍ୱ ମତ ନୁହେଁ। ତଥ୍ୟରୁ ମିଳିଥିବା ସୂଚନା ଅନୁଯାୟୀ ଏହି ତଥ୍ୟ ପ୍ରଦାନ କରାଯାଇଛି। ଏଥିପାଇଁ ZEE ODISHA NEWS ଦାୟୀ ରହିବ ନାହିଁ।