Women's Health: ଆଜିକାଲି ଅଧିକାଂଶ ମହିଳା କର୍ମଜୀବୀ। କାର୍ଯ୍ୟ ବ୍ୟସ୍ତତା ହେତୁ ସେ ନିଜର ଯତ୍ନ ନେବାକୁ ସକ୍ଷମ ହୋଇ ପାରନ୍ତି ନାହିଁ । ଏଥିପାଇଁ ବିଭିନ୍ନ ସମୟରେ ଅଧିକାଂଶ ମହିଳା ଅସୁସ୍ଥତାର ଶୀକାର ମଧ୍ୟ ହୁଅନ୍ତି।  ବିଶେଷକରି ୩୦ ବର୍ଷ ପରେ ଶରୀରର କୋଷଗୁଡ଼ିକର ଗଠନ ମନ୍ଥର ହେବାକୁ ଲାଗେ । ଯାହା ମାଂସପେଶୀ, ଯକୃତ, କିଡନୀ ସହିତ ଅନେକ ଅଙ୍ଗକୁ ପ୍ରଭାବିତ କରିଥାଏ । ଏହା ବ୍ୟତୀତ, ଯଦି ହାଡ ଦୁର୍ବଳ ହୋଇଯାଏ, ତେବେ ଦୈନନ୍ଦିନ ଜୀବନର ସାଧାରଣ କାର୍ଯ୍ୟ କଳାପରେ ସମସ୍ୟା ଦେଖାଯାଏ । ଏପରି ପରିସ୍ଥିତିରେ, ଏପରି କିଛି ଖାଦ୍ୟ ଆପଣ ନିଜ ଡାଏଟରେ ସାମିଲ କରିବା ଉଚିତ୍ । 


COMMERCIAL BREAK
SCROLL TO CONTINUE READING

ମହିଳାମାନେ ୩ ପ୍ରକାରର ଜୁସ୍ ପିଇବା ଜରୁରୀ :
କର୍ମଜୀବୀ ମହିଳାମାନେ ପ୍ରାୟତଃ ସେମାନଙ୍କର ସୌନ୍ଦର୍ଯ୍ୟର ବିଶେଷ ଯତ୍ନ ନେବାକୁ ପଡେ । ଖାସ କରି ଚର୍ମ ଏବଂ କେଶର । ଏଥିପାଇଁ ଏହା ଆବଶ୍ୟକ ନୁହେଁ ଯେ କେବଳ ମହଙ୍ଗା ଏବଂ ରାସାୟନିକ ମେକଅଫ ସାମଗ୍ରୀ ବ୍ୟବହାର କରିବା କି ପାର୍ଲର ଯିବା । କିନ୍ତୁ ଆପଣ ଆଭ୍ୟନ୍ତରୀଣ ପୁଷ୍ଟିକର ଖାଦ୍ୟ ମାଧ୍ୟମରେ କେଶ ଏବଂ ଚର୍ମରେ ଚମକ ଆଣିପାରିବେ । ସାମଗ୍ରିକ ସ୍ୱାସ୍ଥ୍ୟରେ ଉନ୍ନତି ଆଣିବା ପାଇଁ ମହିଳାମାନେ କ’ଣ ଖାଇବା ଉଚିତ୍ ଆସନ୍ତୁ ଜାଣିବା ।


ମିକ୍ସ ଜୁସ୍ ପିଇବା ଉଚିତ୍ :
ମିକ୍ସ ଜୁସରେ ଅନେକ ପ୍ରକାର ଭିଟାମିନ ଏବଂ ମିନେରାଲ୍ସ  ମିଳିଥାଏ । ତେଣୁ ପ୍ରତ୍ୟକ ମହିଳା ମାନେ ଅତି କମରେ ଦିନକୁ ଗୋଟିଏ ଗ୍ଲାସ ମିକ୍ସ ଜୁସ୍ ପିଇବା ଉଚିତ। ଯାହା ଶରୀର ଓ ମସ୍ତିଷ୍କ ପାଇଁ ବେଶ ଲାଭଦାୟକ । ଏହା ହୃଦଘାତ ଭଳି ବିପଜ୍ଜନକ ହୃଦରୋଗକୁ ରୋକିବ । ଏହା ସହିତ ଏହା ଆଖି, ଚର୍ମ ଏବଂ କେଶ ପାଇଁ ମଧ୍ୟ ବହୁତ ଲାଭଦାୟକ  ହୋଇଥାଏ । 


ପଇଡ଼ ପାଣି :
ପଇଡ଼ ପାଣିର ଉପକାରିତା ବିଷୟରେ ଆମେ ସମସ୍ତେ ଅବଗତ, କିନ୍ତୁ ସମସ୍ତେ ଏହାକୁ ଦୈନନ୍ଦିନ ଡାଏଟରେ ସାମିଲ କରିପାରନ୍ତିନି । ପ୍ରାୟତଃ ଯେତେବେଳେ ଆମେ ସମୁଦ୍ର କୂଳକୁ ଛୁଟିରେ ଯାଆନ୍ତି, ଆମେ ନିଶ୍ଚିତ ଭାବରେ ଏହି ପ୍ରାକୃତିକ ପାନୀୟକୁ ପିଇଥାଉ । ଏହା ଶରୀରକୁ ହାଇଡ୍ରେଟ୍ ରଖିବାରେ ସାହାଯ୍ୟ କରିଥାଏ । ପଇଡ ପାଣି ପିଇବା ଦ୍ୱାରା ରକ୍ତଚାପ ନିୟନ୍ତ୍ରଣରେ ରହିଥାଏ ଏବଂ ଚର୍ମ ସହିତ ଜଡିତ ସମସ୍ୟା ଦେଖାଯାଏ ନାହିଁ ।


ଭେଜିଟେବୁଲ୍ ଜୁସ୍ :
ସତେଜ ପନିପରିବା ସବୁବେଳେ ସ୍ୱାସ୍ଥ୍ୟ ପାଇଁ ଲାଭଦାୟକ ବୋଲି ବିବେଚନା କରାଯାଏ, ଆପଣ ପ୍ରାୟତଃ ଏହାର ରେସିପି ପ୍ରସ୍ତୁତ କରି ଏହାକୁ ଖାଇଥା’ନ୍ତି । କିନ୍ତୁ ବର୍ତ୍ତମାନ ପନିପରିବା ରସକୁ ଆପଣଙ୍କ ଖାଦ୍ୟରେ ଅନ୍ତର୍ଭୁକ୍ତ କରିବା ଏକ ଅଭ୍ୟାସରେ ପରିଣତ କରନ୍ତୁ । ଏହା ସହିତ ଶରୀରରେ ଭିଟାମିନ୍, ଆଣ୍ଟିଅକ୍ସିଡାଣ୍ଟ, ପୋଟାସିୟମ୍, ଜିଙ୍କ ଏବଂ କାରୋନାଇଡ୍ ପରି ପୁଷ୍ଟିକର ଖାଦ୍ୟ ମିଳିଥାଏ । ଏହି କାରଣରୁ, ଉଚ୍ଚ ରକ୍ତଚାପ, ରକ୍ତହୀନତା, ଚର୍ମ ସମସ୍ୟା ଦୂର ହୋଇଯାଏ ।