WTC Final: ଆଇସିସି ଘୋଷଣା କରିଛି ଯେ ଭାରତ ବନାମ ନ୍ୟୁଜିଲାଣ୍ଡ ବିଶ୍ୱ ଟେଷ୍ଟ ଚାମ୍ପିଅନସିପ (WTC) ଫାଇନାଲର ବିଜେତାକୁ ୧.୬ ମିଲିୟନ ଡ଼ଲାର (ଅର୍ଥାତ୍ ପ୍ରାୟ ୧୨ କୋଟି ଟଙ୍କା) ଓ ଟେଷ୍ଟ ଚାମ୍ପିଅନସିପ୍ ଗଦା (Test championship mace) ମିଳିବ । ହାରିବା ଦଳକୁ ୮୦୦,୦୦୦ ଆମେରିକୀୟ ଡଲାର (ପ୍ରାୟ ୬ କୋଟି ଟଙ୍କା) ମିଳିବ । ଯଦି ମ୍ୟାଚ୍ ଡ୍ର ’ହୁଏ, ତେବେ ମୋଟ ପୁରସ୍କାର ୨.୪ ମିଲିୟନ ଡ଼ଲାର ଦୁଇ ଦଳ ମଧ୍ୟରେ ଭାଗ ହେବ । ଏଭଳି ପରିସ୍ଥିତିରେ ଭାରତ ଓ ନ୍ୟୁଜିଲ୍ୟାଣ୍ଡ (Ind vs Nz) ଦଳ ପ୍ରାୟ ୮.୭୮ କୋଟି ଟଙ୍କା ପୁରସ୍କାର ରାଶି ପାଇବେ ।


COMMERCIAL BREAK
SCROLL TO CONTINUE READING

ଏହା ପ୍ରଥମ ଥର ହେବ ଯେତେବେଳେ ଗୋଟିଏ ଦଳ ଏହିପରି ନୂଆ ଫର୍ମାଟରେ ଅଫିସିଆଲ୍ ବିଶ୍ୱ ଚାମ୍ପିଅନ୍ (World champion) ହେବ । ଆଇସିସି (ICC) ମୁଖ୍ୟ କାର୍ଯ୍ୟନିର୍ବାହୀ ଜିଓ ଆଲାର୍ଡିସ ଗଣମାଧ୍ୟମର ସଦସ୍ୟମାନଙ୍କ ସହ କଥାବାର୍ତ୍ତା କରି କହିଛନ୍ତି ଯେ ଏହା (WTC) ଟେଷ୍ଟ କ୍ରିକେଟର ଶ୍ରେଷ୍ଠ ଦଳର ପ୍ରତୀକ ପାଲଟିଛି ଓ ଟେଷ୍ଟ କ୍ରିକେଟର ଶ୍ରେଷ୍ଠ ଦଳ ଚିହ୍ନଟ କରିବା ପାଇଁ ଟେଷ୍ଟ ଚାମ୍ପିଅନସିପ (Test championship) କରାଯାଉଛି ।  



ଆଇସିସି ଏକ ବୟାନରେ କହିଛି ଯେ ପୂର୍ବରୁ ପ୍ରତିବର୍ଷ ଟେଷ୍ଟ ଦଳ ର଼୍ୟାଙ୍କିଙ୍ଗରେ ଶ୍ରେଷ୍ଠ ଦଳମାନଙ୍କୁ ଦିଆଯାଇଥିବା ଟେଷ୍ଟ ଗଦା ବର୍ତ୍ତମାନଠାରୁ WTC ବିଜେତା ଦଳକୁ ଦିଆଯିବ । ଡ୍ର କିମ୍ବା ଟାଇ ହେଲେ ଉଭୟ ଦଳ ଟେଷ୍ଟ ଚାମ୍ପିଅନସିପ୍ ଗଦା ଅଂଶୀଦାର କରିବେ ଯେତେବେଳେ କି ଭାରତ ଓ ନ୍ୟୁଜିଲ୍ୟାଣ୍ଡ ଚାମ୍ପିଅନ୍ ହୋଇ ରହିଛନ୍ତି ।


ଅଧିକ ପଢ଼ନ୍ତୁ: କୋରୋନା ବିରୁଦ୍ଧରେ ଲଢ଼େଇ ପାଇଁ ମିଳିଲା ଆଉ ଏକ ଶକ୍ତିଶାଳୀ ଅସ୍ତ୍ର; ୯୦% ପ୍ରଭାବଶାଳୀ


ପଏଣ୍ଟ ଟେବୁଲରେ ତୃତୀୟ ସ୍ଥାନ ଅଧିକାର କରିଥିବା ଅଷ୍ଟ୍ରେଲିଆ କ୍ରିକିନଫୋଙ୍କ ଅନୁଯାୟୀ ୩.୩ କୋଟି ଟଙ୍କା ପୁରସ୍କାର ରାଶି ପ୍ରଦାନ କରାଯିବ । ପ୍ରତିଯୋଗିତାର ଅଂଶ ଗ୍ରହଣ ହୋଇଥିବା ଅବଶିଷ୍ଟ ଦଳ - ୱେଷ୍ଟଇଣ୍ଡିଜ୍, ଦକ୍ଷିଣ ଆଫ୍ରିକା, ଶ୍ରୀଲଙ୍କା ଓ ବାଂଲାଦେଶ ପ୍ରତ୍ୟେକଙ୍କୁ ୭୩-୭୩ ଲକ୍ଷ ଟଙ୍କା ମିଳିବ । ୧୮ ରୁ ୨୨ ଜୁନ୍ ମଧ୍ୟରେ ସାଉଥମ୍ପଟନରେ ଭାରତ ଓ ନ୍ୟୁଜିଲ୍ୟାଣ୍ଡ ମଧ୍ୟରେ ଏହାର ଫାଇନାଲ ମ୍ୟାଚ ଖେଳାଯିବ । ୨୩ ଜୁନକୁ ଏକ ରିଜର୍ଭ ଡେ ରଖାଯାଇଛି ।