Hindu temple in dubai:


COMMERCIAL BREAK
SCROLL TO CONTINUE READING

ଆବୁଧାବିରେ ପ୍ରଥମ ହିନ୍ଦୁ ମନ୍ଦିର ନିର୍ମାଣ ଏକ ବିଶେଷ ଘଟଣା । କିନ୍ତୁ ବିଶେଷ କଥା ହେଉଛି ପୃଥିବୀର ଅନ୍ୟ ପ୍ରମୁଖ ଧର୍ମର ଲୋକମାନେ ମନ୍ଦିର ନିର୍ମାଣରେ ସହଯୋଗ କରିଛନ୍ତି।ଯାହାଦ୍ୱାରା ଏହି ମନ୍ଦିର କେବଳ ହିନ୍ଦୁ ଧର୍ମର ପ୍ରତୀକ ନୁହେଁ, ବରଂ ବିଶ୍ୱର  ବିଭିନ୍ନ ଧର୍ମ ମଧ୍ୟରେ ପାରସ୍ପରିକ ଶୁଭେଚ୍ଛା ଏବଂ ସହଯୋଗର ପ୍ରତୀକ ଭାବେ ଉଭା ହୋଇଛି ।


BAPS ହିନ୍ଦୁ ମନ୍ଦିର ହେଉଛି ମଧ୍ୟ ପ୍ରାଚ୍ୟର ପ୍ରଥମ ପାରମ୍ପାରିକ ହିନ୍ଦୁ ମନ୍ଦିର । ଆବୁ ମୁରିଖା ଜିଲ୍ଲାରେ ଅବସ୍ଥିତ ଏହି ଚମତ୍କାର ମନ୍ଦିର  ଭାରତ ଏବଂ ସଂଯୁକ୍ତ ଆରବ ଏମିରେଟ୍ସ ମଧ୍ୟରେ ସ୍ଥାୟୀ ବନ୍ଧୁତ୍ୱର ପ୍ରମାଣ । 2015 ରେ, ଆବୁଧାବିର ଯୁବରାଜ ତଥା ୟୁଏଇ ସଶସ୍ତ୍ର ବାହିନୀର ଡେପୁଟି ସୁପ୍ରିମୋ କମାଣ୍ଡର ଶେଖ ମହମ୍ମଦ ବିନ୍ ଜାଏଦ ଅଲ ନାହାନ ମନ୍ଦିର ନିର୍ମାଣ ପାଇଁ 13.5 ଏକର ଜମି ଦାନ କରିଥିଲେ। ୟୁଏଇ ସରକାର ଜାନୁଆରୀ 2019 ରେ 13.5 ଏକର ଅତିରିକ୍ତ ଜମି ଆବଣ୍ଟନ କରିଥିଲେ । ଫଳରେ ମନ୍ଦିର ପାଇଁ ଦିଆଯାଇଥିବା ମୋଟ ଜମିର ଆୟତନ 27 ଏକର ହୋଇଥିଲା ।


ଯଦି ଏହି ମନ୍ଦିରକୁ ମୁସଲମାନମାନେ ମନ୍ଦିର ଜମି ପ୍ରଦାନ କରିଥିଲେ ତେବେ  ମନ୍ଦିରର ମୁଖ୍ୟ ସ୍ଥପତି ଖ୍ରୀଷ୍ଟିଆନ, ପ୍ରୋଜେକ୍ଟ ମ୍ୟାନେଜର ଶିଖ ଧର୍ମର, ନିର୍ମାଣ କଣ୍ଟ୍ରାକ୍ଟର ପାର୍ସୀ, ସଂରଚନା ଇଞ୍ଜିନିୟର ବୌଦ୍ଧ ହୋଇଥିବା ବେଳେ ନିର୍ମାଣ ହିନ୍ଦୁମାନଙ୍କ ଦ୍ୱାରା କରାଯାଇଛି ଏବଂ ବିଶେଷ କଥା ହେଉଛି ମନ୍ଦିର ନିର୍ମାଣର ମୁଖ୍ୟ ପରାମର୍ଶଦାତା ଜଣେ ନାସ୍ତିକ (କୌଣସି ଧର୍ମରେ ବିଶ୍ୱାସ କରୁନଥିବା ବ୍ୟକ୍ତି) ।  ଏହି ପରି ବାପ୍ ହିନ୍ଦୁ ମନ୍ଦିର ସମଗ୍ର ବିଶ୍ୱରେ ଅନେକ ଧର୍ମ ଓ ସଂସ୍କୃତିର ଏକତା ଏବଂ ସମନ୍ୱୟକୁ ଦର୍ଶାଏ ।


ମନ୍ଦିରର ବିଶେଷତା


ମନ୍ଦିରର ଭିତର ନିର୍ମାଣରେ 40,000 ଘନଫୁଟ ମାର୍ବଲ ବ୍ୟବହାର କରାଯାଇଛି । ମନ୍ଦିରର ଉଚ୍ଚତା 108 ଫୁଟ, ମୋଟେଇ 180 ଫୁଟ ଏବଂ ଲମ୍ବ 262 ଫୁଟ । ମନ୍ଦିର ନିର୍ମାଣ ପାଇଁ ଉତ୍ତର ରାଜସ୍ଥାନରୁ ଆବୁଧାବିକୁ  ଗୋଲାପୀ ବାଲୁକା ପଥର ପରିବହନ କରାଯାଇଥିଲା ।  ଇଟାଲୀରୁ ଅଣାଯାଇଥିବା ମାର୍ବଲକୁ ରାଜସ୍ଥାନରେ ଆକାର ଦେଇ ୟୁଏଇ  ଅଣାଯାଇଥିଲା ।  କାର୍ବନ ଫୁଟ୍ ପ୍ରିଣ୍ଟକୁ ହ୍ରାସ କରିବା ପାଇଁ କଂକ୍ରିଟ ସହିତ  ମନ୍ଦିରର ମୂଳଦୁଆରେ ଫ୍ଲାଏ ପାଉଁଶ ବ୍ୟବହାର କରାଯାଇଛି ।