China Earthquake: ଚୀନ ଭୂକମ୍ପରେ ଗଲାଣି ୧୧୧ ଜୀବନ, ବଢିପାରେ ମୃତ୍ୟୁ ସଂଖ୍ୟା
ରାଜଧାନୀ ବେଜିଂଠାରୁ ପ୍ରାୟ ୧୪୫୦ କିଲୋମିଟର (୯୦୦ ମାଇଲ) ଦକ୍ଷିଣରେ ଥିବା ଗାନସୁ ପ୍ରାଦେଶିକ ରାଜଧାନୀ ଲାନଜୋରେ ଏହି ଭୂକମ୍ପ ଅନୁଭୂତ ହୋଇଛି।
China Earthquake: ନୂଆଦିଲ୍ଲୀ: ଉତ୍ତର ପଶ୍ଚିମ ଚୀନରେ ହୋଇଥିବା ଭୟଙ୍କର ଭୂମିକମ୍ପରେ ମୃତ୍ୟୁ ସଂଖ୍ୟା ବଢିବାରେ ଲାଗିଛି। ଏହି ଭୂକମ୍ପରେ ଚତୁର୍ଦ୍ଦିଗ ମୃତଦେହ ପଡ଼ି ରହିଛି। ସୋମବାର ବିଳମ୍ବିତ ରାତିରେ ଚାଇନାର ଗାନସୁ ପ୍ରଦେଶରେ 6.2 ମ୍ୟାଗ୍ନିଚ୍ୟୁଡର ଏକ ଭୂକମ୍ପ ଘଟିଛି। ବର୍ତ୍ତମାନ ସୁଦ୍ଧା ୧୧୧ ଜଣଙ୍କର ମୃତ୍ୟୁ ଘଟିଛି ଏବଂ ୨୩୦ରୁ ଅଧିକ ଲୋକ ଆହତ ହୋଇଛନ୍ତି। ଏହି ଭୂକମ୍ପ ଏତେ ଶକ୍ତିଶାଳୀ ଥିଲା ଯେ ଅନେକ ବିଶାଳକାୟ ଅଟ୍ଟାଳିକା ଧରାସାୟୀ ହୋଇ ପଡ଼ିଛି। ସ୍ଥାନୀୟ ଗଣମାଧ୍ୟମ ଅନୁଯାୟୀ, ଅନେକ ଲୋକ ଏବେ ବି ମାଟିତଳେ ପୋତି ହୋଇ ରହିଥିବାର ଆଶଙ୍କା କରାଯାଉଛିଷ ବର୍ତ୍ତମାନ ରିଲିଫ ଓ ଉଦ୍ଧାର କାର୍ଯ୍ୟ ଚାଲିଛି। ମୃତ୍ୟୁ ସଂଖ୍ୟା ବଢିପାରେ ବୋଲି ବିଶ୍ୱାସ କରାଯାଏ। ଏହି ଭୂକମ୍ପ ଏତେ ଶକ୍ତିଶାଳୀ ଥିଲା ଯେ ଚୀନ୍ ବ୍ୟତୀତ ପାକିସ୍ତାନରେ ମଧ୍ୟ ପ୍ରବଳ କମ୍ପନ ଅନୁଭୂତ ହୋଇଥିଲା।
ବର୍ତ୍ତମାନ ସୁଦ୍ଧା ୧୧୧ ଲୋକଙ୍କ ମୃତ୍ୟୁ ଘଟିଛି
ଚୀନର ଗାଂସୁ ଜରୁରୀକାଳୀନ ବିଭାଗ କହିଛି ଯେ ଭୂକମ୍ପ ଏତେ ଭୟଙ୍କର ରହିଥିଲା ଯେ ଏକାଧିକ ବଡ଼ ବଡ଼ ଅଟ୍ଟାଳିକା ଆଖିପିଛୁଳାକେ ମାଟିରେ ମିଶିଥିଲା। ଚୀନ୍ର ମିଡ଼ିଆ ଅନୁଯାୟୀ, ଗାନସୁ ଏବଂ କଳିଙ୍ଗ ପ୍ରଦେଶରେ ୬.୨ ମ୍ୟାଗ୍ନିଚ୍ୟୁଡର ଭୂକମ୍ପରେ ଏପର୍ଯ୍ୟନ୍ତ ୧୧୧ ଜଣଙ୍କର ମୃତ୍ୟୁ ଘଟିଛି। ଏଥିସହିତ ୨୩୦ ରୁ ଅଧିକ ଆହତ ହୋଇଥିଲେ। ଉଦ୍ଧାର ଓ ରିଲିଫ ପାଇଁ ଅପରେସନ ଚାଲିଛି। ଏହି ଭୂକମ୍ପର ଗଭୀରତା ୧୦ କିଲୋମିଟର ବୋଲି କୁହାଯାଉଛି। ଏହି ଶକ୍ତିଶାଳୀ ଭୂକମ୍ପରେ ଅନେକ କ୍ଷତି ଘଟିଛି। ସିସିଟିଭି ଅନୁଯାୟୀ ଏହି ବିପର୍ଯ୍ୟୟ ଯୋଗୁଁ ଜଳ ଓ ବିଦ୍ୟୁତ ଲାଇନ ଭାଙ୍ଗି ଯାଇଛି। ଏହା ସହିତ ପରିବହନ ଏବଂ ଯୋଗାଯୋଗ ଭିତ୍ତିଭୂମି ମଧ୍ୟ ଯଥେଷ୍ଟ କ୍ଷତିଗ୍ରସ୍ତ ହୋଇଛି । ରାଜଧାନୀ ବେଜିଂଠାରୁ ପ୍ରାୟ ୧୪୫୦ କିଲୋମିଟର (୯୦୦ ମାଇଲ) ଦକ୍ଷିଣରେ ଥିବା ଗାନସୁ ପ୍ରାଦେଶିକ ରାଜଧାନୀ ଲାନଜୋରେ ଏହି ଭୂକମ୍ପ ଅନୁଭୂତ ହୋଇଛି।