ପେନସନଭୋଗୀଙ୍କୁ ବଡ ଉପହାର ଦେଲେ ମୋଦି ସରକାର, ଫେବୃଆରୀ ଯାଏ ମିଳିବ ଏହାର ଲାଭ

ନୂଆଦିଲ୍ଲୀ: 7th Pay Commission, 7th CPC Latest News, Central Government Pensioners: କୋରୋନା ସଙ୍କଟ ସମୟରେ ମୋଦି ସରକାର (Modi Government) ୬୫ ଲକ୍ଷରୁ ଅଧିକ କେନ୍ଦ୍ରୀୟ ପେନସନଭୋଗୀ (Central Government Pensioners) ଙ୍କୁ ଏକ ବଡ ଉପହାର ଦେଇଛନ୍ତି । ପେନସନଭୋଗୀଙ୍କୁ ବର୍ତ୍ତମାନ ସେମାନଙ୍କ ଜୀବନ ପ୍ରମାଣପତ୍ର (Life Certificate) ଦାଖଲ କରିବାର ସମୟସୀମା ବୃଦ୍ଧି କରାଯାଇଛି । ବର୍ତ୍ତମାନ ପେନସନଭୋଗୀମାନେ ଫେବୃଆରୀ ୨୦୨୧ ସୁଦ୍ଧା ଏହି କାର୍ଯ୍ୟ ଶେଷ କରିପାରିବେ । ଏହାର ସମୟସୀମା ଚଳିତ ବର୍ଷ ଡିସେମ୍ବର ୩୧ରେ ରଖାଯାଇଥିଲା, କିନ୍ତୁ ବର୍ତ୍ତମାନ ପ୍ରାୟ ୨ ମାସର ଅତିରିକ୍ତ ସମୟ ପେନସନଭୋଗୀଙ୍କୁ ଦିଆଯାଇଛି ।

ଅଧିକ ପଢ଼ନ୍ତୁ:-ନୂଆ ବର୍ଷରେ ବଦଳିଯିବ କଲ କରିବାର ଉପାୟ, ନୂଆ ନିୟମ ଜାରି କଲା କେନ୍ଦ୍ର ସରକାର

ଜୀବନ ପ୍ରମାଣପତ୍ର (Life Certificate) ପେନସନଭୋଗୀ (Central Government Pensioners) ଙ୍କ ବଞ୍ଚିବାର ପ୍ରମାଣ ଅଟେ । ଯଦି ଏହା ଜମା ନହୁଏ ତେବେ ସରକାର ପେନସନ ବନ୍ଦ କରିପାରନ୍ତି । ସାମାନ୍ୟ ଦିନରେ ଜୀବନ ପ୍ରମାଣପତ୍ର ନଭେମ୍ବର ୩୦ ସୁଦ୍ଧା ଦାଖଲ କରିବାକୁ ପଡିଥାଏ । ପ୍ରତିବର୍ଷ ଏହି ସାର୍ଟିଫିକେଟ୍ ଦାଖଲ କରିବା ଆବଶ୍ୟକ ।

ଅଧିକ ପଢ଼ନ୍ତୁ:-ଡିସେମ୍ବର ୧ରୁ ଆପଣଙ୍କ ଆକାଉଣ୍ଟକୁ ଟଙ୍କା ପଠାଇବେ ମୋଦି ସରକାର, ଏହି ଉପାୟରେ ଚେକ୍ କରନ୍ତୁ ନିଜ ନାଁ

ନିକଟ ଅତୀତରେ PPO ଉପରେ ନିଆଯାଇଛି ନିଷ୍ପତ୍ତି: ପେନସନଭୋଗୀମାନେ ବର୍ତ୍ତମାନ ଡିଜି ଲକରରେ ପେନସନ ପେମେଣ୍ଟ ଅର୍ଡର (PPO) ସଂରକ୍ଷଣ କରିପାରିବେ । ବାସ୍ତବରେ, ଅନେକ ପେନସନଭୋଗୀ ସମୟ ସହିତ ସେମାନଙ୍କର PPO ର ମୂଳ କପି ହଜାଇ ଦିଅନ୍ତି । ଯାହା ପରେ ସେମାନେ ପେନସନ ସମ୍ବନ୍ଧୀୟ କାର୍ଯ୍ୟ କରିବାରେ ଅସୁବିଧାର ସମ୍ମୁଖୀନ ହୁଅନ୍ତି । ଏପରି ପରିସ୍ଥିତିରେ ସେମାନେ ଡିଜି ଲକରରେ PPO ସଂରକ୍ଷଣ କରି ଏହି ଟେନସନରୁ ମୁକ୍ତି ପାଇପାରିବେ ।