Aditya L-1: ଏହି ଦିନ କକ୍ଷପଥରେ ସ୍ଥାପିତ ହେବ ଆଦିତ୍ୟ, ସୂଚନା ଦେଲା ଇସ୍ରୋ

Aditya L-1: ନୂଆଦିଲ୍ଲୀ: ଆସନ୍ତା କାଲି କକ୍ଷପଥରେ ସ୍ଥାପିତ ହେବ ଆଦିତ୍ୟ। ଗତ ସେପ୍ଟେମ୍ବର ମାସ ୨ ତାରିଖରେ ଉତକ୍ଷେପଣ କରାଯାଇଥିବା ଆଦିତ୍ୟ ଏଲ-୧ ଆସନ୍ତା କାଲି ନିଜ କକ୍ଷ ପଥ ଲାଗ୍ରେଞ୍ଜ-୧ (L-1)ରେ ଅବସ୍ଥାପିତ ହେବ। ଏହା ସହିତ ଭାରତ ଆଉ ଏକ ଇତିହାସ ଲେଖିବ ବୋଲି ଇସ୍ରୋ ପକ୍ଷରୁ ସୂଚନା ପ୍ରଦାନ କରାଯାଇଛି। ସୂଚନାଯୋଗ୍ୟ ଚନ୍ଦ୍ରର ଦକ୍ଷିଣ ମେରୁ ଅଞ୍ଚଳରେ ଚନ୍ଦ୍ରାୟଣ-୩ର ସଫଳ ଅବତରଣ ପରେ ଭାରତ ବର୍ତ୍ତମାନ ସୂର୍ଯ୍ୟଙ୍କ ଉପରେ ପତାକା ଉତ୍ତୋଳନ କରିସାରିଛି। ଭାରତର ପ୍ରଥମ ସୂର୍ଯ୍ୟ ମିଶନ ବର୍ତ୍ତମାନ ଲକ୍ଷ୍ୟରେ ପହଞ୍ଚିବାର ଶେଷ ପର୍ଯ୍ୟାୟରେ ଅଛି। ଏହି ସମୟରେ, ଭାରତୀୟ ମହାକାଶ ଅନୁସନ୍ଧାନ ସଂଗଠନ (ISRO) ଏକ ବଡ଼ ସୂଚନା ଦେଇଛି। କୁହାଯାଉଛି ଯେ ଆଦିତ୍ୟ ଏଲ-୧ ଜାନୁଆରୀ ୬ରେ ସୂର୍ଯ୍ୟର ଏଲ-୧ ପଏଣ୍ଟରେ ପ୍ରବେଶ କରିବ ବୋଲି ଇସ୍ରୋ ସୂଚନା ପ୍ରଦାନ କରିଛି। 

ଏହି ସମୟରେ ଅବସ୍ଥାପିତ ହେବ ଆଦିତ୍ୟ
ISRO ମୁଖ୍ୟ ଏସ୍. ସୋମନାଥ କହିଛନ୍ତି ଯେ ଭାରତର ପ୍ରଥମ ସୂର୍ଯ୍ୟ ମିଶନ ଆଦିତ୍ୟ ଏଲ-1 ସଠିକ୍ ଭାବରେ କାର୍ଯ୍ୟ କରୁଛି ଏବଂ ଲକ୍ଷ୍ୟ ସ୍ଥଳ ଆଡ଼କୁ ଧିରେଧିରେ ଅଗ୍ରସର ହେଉଛି। ଜାନୁଆରୀ ୬ରେ ଅପରାହ୍ନ ୪ଟାରେ ଏହା ଲାଗ୍ରେଞ୍ଜ-1 ପଏଣ୍ଟରେ ଅର୍ବିଟ୍ କକ୍ଷପଥରେ ପହଞ୍ଚିବ। ଏଠାରେ କହି ରଖୁ କି L-1 ପଏଣ୍ଟ ହେଉଛି ସେହି ସ୍ଥାନ ଯେଉଁଠାରେ ପୃଥିବୀ ଏବଂ ସୂର୍ଯ୍ୟର ଉଭୟ ଗ୍ରହର ମାଧ୍ୟାକର୍ଷଣ ମଧ୍ୟରେ ସନ୍ତୁଳନ ଅଛି। ଏହି ବିନ୍ଦୁ ପୃଥିବୀଠାରୁ ୧୫ ଲକ୍ଷ କିଲୋମିଟର ଦୂରରେ, ଯାହା ସୂର୍ଯ୍ୟ ଏବଂ ପୃଥିବୀ ମଧ୍ୟରେ ମାତ୍ର ଗୋଟିଏ ପ୍ରତିଶତ ଦୂରତା ଅଟେ।

୨ ଡିସେମ୍ବରରେ ଉତକ୍ଷେପଣ କରାଯାଇଥିଲା
ISRO ଦେଶର ପ୍ରଥମ ସୌର ମିଶନ ଆଦିତ୍ୟ-L1 ସେପ୍ଟେମ୍ବର ୨ରେ ଶ୍ରୀହାରିକୋଟାସ୍ଥିତ ସତୀଶ ଧାୱନ ମହାକାଶ କେନ୍ଦ୍ରରୁ ଆରମ୍ଭ କରିଥିଲା। ଲାଗ୍ରେଞ୍ଜ ପଏଣ୍ଟ ଯଥା L-1 ଗଣିତଜ୍ଞ ଜୋସେଫ-ଲୁଇ ଲାଗ୍ରେଞ୍ଜଙ୍କ ପରେ ଏହି ନାମ ଦିଆଯାଇଛି। ସେ ହିଁ ଏହି ଲାଗ୍ରେଞ୍ଜ ପଏଣ୍ଟଗୁଡିକ ଆବିଷ୍କାର କରିଥିଲେ। ପୃଥିବୀଠାରୁ ପ୍ରାୟ ୧.୫ ନିୟୁତ କିଲୋମିଟର ଦୂରରେ ଅବସ୍ଥିତ ପ୍ରଥମ ସୂର୍ଯ୍ୟ-ପୃଥିବୀ ଲାଗ୍ରାଙ୍ଗିଆନ୍ ପଏଣ୍ଟ (L1) ଚାରିପାଖରେ ଏକ ହାଲୋ କକ୍ଷପଥରୁ ସୂର୍ଯ୍ୟଙ୍କୁ ଅଧ୍ୟୟନ କରିବାକୁ ଏହି ମିଶନ୍ ଲକ୍ଷ୍ୟ ରଖିଛି।