ଚୀନରେ ଚିନ୍ତା ବଢାଉଛି କୋରୋନାର ନୂଆ ଷ୍ଟ୍ରେନ, ନିର୍ମାଣ ହେଉଛି ୩ ହଜାର ରୁମ ବିଶିଷ୍ଟ କ୍ୱାରେଣ୍ଟାଇନ

ନୂଆଦିଲ୍ଲୀ: ଚୀନରେ ପୁଣି ଥରେ ଉଗ୍ର ହେଉଛି କୋରୋନା (Corona)। କୋରୋନା ନୂଆ ଷ୍ଟ୍ରେନ (Corona New Strain) ବର୍ତ୍ତମାନ ଚୀନର ମୁଣ୍ଡ ବିନ୍ଧାଇବାରେ ଲାଗିଛି । ବର୍ତ୍ତମାନ ଚୀନରେ ଦୈନିକ କୋରୋନା ସଂକ୍ରମିତଙ୍କ (Corona) ସୂଚନା ବୃଦ୍ଧି ପାଇବାରେ ଲାଗିଛି । ତେବେ ଏହାକୁ ଦେଖି ଚୀନ ସରକାର ଏକ ନୂଆ କ୍ୱାରେଣ୍ଟାଇନ ସେଣ୍ଟର (Quarentine Centre) ନିର୍ମାଣ କରୁଥିବା ଜଣାପଡ଼ିଛି ।

କୋଭିଡ -୧୯ର ଦ୍ୱିତୀୟ ତରଙ୍ଗ ଅଧିନରେ ହେବ ପ୍ରଦେଶର ଶିଜିଆଜୁଆଙ୍ଗଙ୍କ ନିକଟରୁ ଅନେକ ମାମଲା ସାମ୍ନାକୁ ଆସିଛି। ଏହି ବିସ୍ଫୋରଣ ପରେ ଚୀନ୍ କର୍ତ୍ତୃପକ୍ଷ ବଢୁଥିବା ମାମଲା ମଧ୍ୟରେ ଡାକ୍ତରୀ ନିରୀକ୍ଷଣ ପାଇଁ ବୃହତ କ୍ୟାଣ୍ଟିନ୍ କେନ୍ଦ୍ର ନିର୍ମାଣ ଆରମ୍ଭ କରିଛନ୍ତି। ଏକ ଭୟଙ୍କର କୋଭିଡ଼ ୧୯ ବିସ୍ଫୋରଣକୁ ରୋକିବାରେ ଚୀନ୍ ହେଓ୍ୱାଇ ପ୍ରଦେଶରେ ଏକ ମେଡିକାଲ ନିର୍ମାଣ ଆରମ୍ଭ କରିଛି। ଚୀନ୍ ସରକାରଙ୍କ ମୁଖପତ୍ର ଗ୍ଲୋବାଲ୍ ଟାଇମ୍ସ ଅନୁଯାୟୀ, ଏହା ପ୍ରାୟ ୩୩ ହେକ୍ଟରରେ ଏହି ଡାକ୍ତରଖାନା ଓ କ୍ୱାରେଣ୍ଟାଇନ ସେଣ୍ଟର ନିର୍ମାଣ କରାଯାଉଛି । ଏହିଠାରେ କୋରୋନା ସଂକ୍ରମିତ ଓ ସେମାନଙ୍କର ସମ୍ପର୍କିୟ ରହିବା ପାଇଁ ଏହାକୁ ନିର୍ମାଣ କରାଯାଇଥିବା ନେଇ ସୂଚନା ଦେଇଛନ୍ତି । 

ରିପୋର୍ଟ ଅନୁସାରେ ଚୀନର ଉତ୍ତରାଞ୍ଚଳରେ କୋରୋନା ସଂକ୍ରମିତଙ୍କ ସଂଖ୍ୟା ଦ୍ରୁତ ବେଗରେ ବୃଦ୍ଧି ପାଇବାରେ ଲାଗିଛି । ବିଶେଷ କରି ସିଜୁଆଙ୍ଗ ଅଞ୍ଚଳରେ ୨୦ ହଜାରରୁ ଊର୍ଦ୍ଧ୍ୱ ସଂକ୍ରମିତଙ୍କୁ ଅସ୍ଥାୟୀ କେନ୍ଦ୍ରକୁ ସ୍ଥାନାନ୍ତର କରାଯାଇଛି ବୋଲି ଜଣାପଡ଼ିଛି । ଏଠାରେ ୩ ହଜାର ଓ୍ୱାର୍ଡ ନିର୍ମାଣ କରାଯାଉଥିବା ଜଣାପଡ଼ିଛି । ଏହି କ୍ୱାରେଣ୍ଟାଇନ ସେଣ୍ଟର ପ୍ରସ୍ତୁତ ହୋଇଯିବା ପରେ ଏଠାରେ ହଜାର ହଜାର ସଂଖ୍ୟାରେ କୋରୋନା ସଂକ୍ରମିତ ଓ ସେମାନଙ୍କର ସମ୍ପର୍କୀୟ ରହିବାର ବ୍ୟବସ୍ଥା କରାଯିବ । 

ବର୍ତ୍ତମାନ ଆସିଥିବା ରିପୋର୍ଟ ମୁତାବକ ଚୀନର ହିଲାଂଗଜିଆଙ୍ଗ ଓ ହେବୈ ଅଞ୍ଚଳରେ କୋରୋନା ସଂକ୍ରମିତଙ୍କ ସଂଖ୍ୟା ଦ୍ରୁତ ବେଗରେ ବୃଦ୍ଧି ପାଇବାରେ ଲାଗିଛି । ତେବେ ଏଠାରେ ପୂର୍ବରୁ ମଧ୍ୟ କୋରୋନା ପାଇଁ ଲକଡାଉନ ଭଳି ସ୍ଥିତି ଜାରି ରହିଛି । ଏଠାରେ ବର୍ତ୍ତମାନ ମଧ୍ୟ ୨୮ ମିଲିୟନ ଲୋକ ପୂର୍ବରୁ ମଧ୍ୟ ଘରେ ବନ୍ଦୀ ରହିଛନ୍ତି । ଚୀନ୍‌ର ଉତ୍ତର ଏବଂ ଉତ୍ତର-ପୂର୍ବରେ କୋରୋନା ସଂକ୍ରମିତଙ୍କ ସଂଖ୍ୟା ପୁନର୍ବାର ଦ୍ରୁତବେଗରେ ବୃଦ୍ଧି ପାଇବାରେ ଲାଗିଛି ।