ନୂଆଦିଲ୍ଲୀ: ପରିବେଶ ସୁରକ୍ଷା କ୍ଷେତ୍ରରେ ପ୍ରାକୃତିକ ପରିବେଶରେ ରହୁଥିବା ବନ୍ୟା ପ୍ରାଣୀଙ୍କ ରହିଥାଏ ଗୁରୁତ୍ୱପୂର୍ଣ୍ଣ ଭୂମିକା । ସେମାନଙ୍କ ସୁରକ୍ଷା ଏବଂ ସଂରକ୍ଷଣ ପାଇଁ ବିଶେଶ ଭାବେ ଧ୍ୟାନ ଦିଆଯାଇଥାଏ । ଏ କ୍ଷେତ୍ରରେ ପାଦେ ଆଗେଇ ବିଶ୍ୱସ୍ତରୀୟ ସଫଳତା ହାସଲ କରିଛି ଭାରତ । ବାଘ ସଂଖ୍ୟା ବୃଦ୍ଧିରେ ଆନ୍ତର୍ଜାତୀୟ ସ୍ତରରେ ନୂତନ ଗିନିଜ୍ ରେକର୍ଡ ସ୍ଥାପନ କରିଛି । 
  
ଦେଶରେ ବିଭିନ୍ନ ପ୍ରାନ୍ତରେ ରହୁଥିବା ବାଘଙ୍କ ଗଣନା ଲାଗି କ୍ୟାମେରା ଟ୍ରାପ ବନ୍ୟଜନ୍ତୁ ସର୍ବେକ୍ଷଣ(camera-trap wildlife survey) କ୍ଷେତ୍ରରେ ରେକର୍ଡ କରିଛି ଭାରତ । ଜାତୀୟ ପଶୁଙ୍କ ସଂଖ୍ୟା ବଢାଇବା ଲାଗି କାର୍ଯ୍ୟକାରୀ କରାଯାଉଥିବା ଅଭିଯାନକୁ ସଫଳତା ମିଳିବା ସହ ବାଘ ସଂଖ୍ୟା ବୃଦ୍ଧିପାଇଛି ।  


COMMERCIAL BREAK
SCROLL TO CONTINUE READING

ଏହି ଖବରକୁ ଟ୍ୱିଟରରେ ସେୟାର କରି କେନ୍ଦ୍ର ଜଙ୍ଗଲ ଏବଂ ପରିବେଶ ବିଭାଗ ମନ୍ତ୍ରୀ ପ୍ରକାଶ ଜାଭେଡକର କହିଛନ୍ତି, "ବାଘ ସଂଖ୍ୟାକୁ ଦୁଇ ଗୁଣ ବଢାଇବା ଲାଗି ଯେଉଁ ଲକ୍ଷ୍ୟ ରଖା ଯାଇଥିଲା, ତାହା ଧାର୍ଯ୍ୟ ସମୟର ୪ ବର୍ଷ ପୂର୍ବରୁ ପୂରଣ ହୋଇପାରେ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱରେ ସଙ୍କଳ୍ପ ସେ ସିଦ୍ଧି ଅଭିଯାନ ମାଧ୍ୟମରେ ବାଘ ସଂଖ୍ୟା ବଢାଇବା ଲାଗି ଲକ୍ଷ୍ୟଧାର୍ଯ୍ୟ ହୋଇଥିଲା । ଯାହା ବର୍ତ୍ତମାନ ପୂରଣ ହୋଇଛି। ସର୍ବ ବୃହତ କ୍ୟାମେରା ଟ୍ରାପ ୱାଇଲ୍ଡ ଲାଇଫ ସର୍ଭେ ମାଧ୍ୟମରେ ବାଘ ସଂଖ୍ୟା ବୃଦ୍ଧି କରିପାରେ ଗିନିଜ୍ ରେକର୍ଡ ସ୍ଥାପନ କରିଛି । ଏହା ଆମ ପାଇଁ ଏକ ଅବିସ୍ମରଣୀୟ ମୁହୂର୍ତ୍ତ ଏବଂ ଆତ୍ମନିର୍ଭର ଭାରତର ଏକ ଉଜ୍ଜ୍ୱଳ ଉଦାହରଣ । "


ଗତବର୍ଷ ହୋଇଥିବା ବାଘ ଗଣନା ଅନୁସାରେ ୨୦୧୮ ପର୍ଯ୍ୟନ୍ତ ଦେଶରେ ସର୍ବମୋଟ ୨୯୬୭ ବାଘ ଥିବାର ଜଣାପଡିଥିଲା । ସେମାନଙ୍କ ମଧ୍ୟରୁ ଅର୍ଦ୍ଧାଧିକ ମଧ୍ୟ ପ୍ରଦେଶ ଏବଂ କର୍ଣ୍ଣାଟକରେ ଥିବାର ଜଣାପଡିଥିଲା । ବାଘ ଗଣନା ଲାଗି ୧୩୯ଟି ଗଣନା କେନ୍ଦ୍ରର ୨୬୭୬୦ ସ୍ଥାନରେ କ୍ୟାମେରା ଲଗାଯାଇଥିଲା । ଏହା ମାଧ୍ୟମରେ ପ୍ରାୟ ୩୫ ନିୟୁତ ଫଟୋ କଏଦ କରାଯାଇଥିଲା । ଯାହା ମଧ୍ୟରେ ବାଘଙ୍କ ୭୬ ୫୨୩ ଏବଂ ଚିତାବାଘଙ୍କ ୫୧,୩୩୭ ଫଟୋ ରହିଥିଲା। 


ବାଘ ସଂଖ୍ୟା ବଢିଥିବା ନେଇ ସର୍ବ ପ୍ରଥମେ ଜଣାଇଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ୨୦୧୪ରେ ଦେଶରେ ମୋଟ ୨୨୨୬ ବାଘ ଥିବା ବେଳେ, ଏହା ବର୍ତ୍ତମାନ ୨୯୬୭କୁ ବୃଦ୍ଧି ପାଇଛି। ପୂର୍ବାପେକ୍ଷା ବାଘ ସଂଖ୍ୟା ୩୩ ପ୍ରତିଶତ ବୃଦ୍ଧି ପାଇଛି । ଭାରତରେ ବାଘ ସଂଖ୍ୟା ବୃଦ୍ଧି କେବଳ ରେକର୍ଡ ସୃଷ୍ଟ କରିନାହିଁ, ବାଘ ସଂରକ୍ଷଣ କ୍ଷେତ୍ରରେ ଭାରତର ଉଦ୍ୟମକୁ ପ୍ରମାଣିତ କରିଛି।


ଭାରତ ବାଘଙ୍କ ପାଇଁ ସବୁଠାରୁ ସୁରକ୍ଷିତ ବାସସ୍ଥାନ ବୋଲି ଏହି ଜଣାପଡିଛି । ଦୁନିଆର ଯେକୌଣସି ସ୍ଥାନରେ କରାଯାଇଥିବା ସର୍ବ ବୃହତ ବନ୍ୟଜନ୍ତୁ ସର୍ବେକ୍ଷଣ କି ନୁହେଁ ତାହା ଜାଣିବା ପାଇଁ ଗିନିଜ ବୁକ୍ ଅଫ୍ ୱାର୍ଲ୍ଡ ରେକର୍ଡକୁ ଏକ ଆବେଦନପତ୍ର ଭାରତ ପକ୍ଷରୁ ପଠାଯାଇଥିଲା ।