ରେଳ ଯାତ୍ରୀଙ୍କ ପାଇଁ ଗୁଡ୍ ନ୍ୟୁଜ୍: ଶସ୍ତା ହେଲା ଟ୍ରେନ୍ ଭଡ଼ା, ଜାଣନ୍ତୁ କେତେ ଶସ୍ତା ହେବ ଯାତ୍ରା

ନୂଆଦିଲ୍ଲୀ: Indian Railways/IRCTC New Special Train: ଟ୍ରେନରେ ଯାତ୍ରା କରୁଥିବା ଯାତ୍ରୀମାନଙ୍କ ପାଇଁ ଭଲ ଖବର ଅଛି । କୋରୋନା ଅବଧିରେ ଗତ ଦେଢ଼ ବର୍ଷ ଧରି ଚାଲୁଥିବା ସ୍ୱତନ୍ତ୍ର ଟ୍ରେନ୍ ଗୁଡିକ ବର୍ତ୍ତମାନ ନିୟମିତ ଭାବେ ପୂର୍ବର ନମ୍ୱର ଓ ସ୍ଥିର ସମୟ ସାରଣୀ ସହିତ ଚାଲିବ । ଏହାଦ୍ୱାରା ଯାତ୍ରୀଙ୍କ ଯାତ୍ରା ପୂର୍ବ ଅପେକ୍ଷା ଶସ୍ତା ହେବ । ଏହି ପରିପ୍ରେକ୍ଷୀରେ ରେଲୱେ ବୋର୍ଡ ଭଡ଼ା ଫଣ୍ଡିଂ ପାଇଁ CRIS କୁ ଏକ ସପ୍ତାହ ସମୟ ଦେଇଛି । ଏ ବାବଦରେ ରେଳ ବୋର୍ଡର ଆଦେଶ ଲକ୍ଷ୍ନୌ ବିଭାଗର DRM ନିକଟରେ ପହଞ୍ଚିଛି ।

ଗତ ବର୍ଷ ମାର୍ଚ୍ଚରେ କୋରୋନା କାରଣରୁ ରେଳ ଚଳାଚଳ ବନ୍ଦ କରି ଦେଇଥିଲେ ସରକାର । ଶ୍ରମିକ ସ୍ୱତନ୍ତ୍ର ଟ୍ରେନ୍ ମେ ୧,୨୨୦ରୁ ଆରମ୍ଭ ହୋଇଥିଲା । ଯେଉଁଥିରେ ତତ୍କାଳ ଭଡ଼ାରେ ଶ୍ରମିକମାନେ ଯାତ୍ରା କରିଥିଲେ । ପ୍ରାରମ୍ଭରେ କେବଳ ନିଶ୍ଚିତ ହୋଇଥିବା ଟିକେଟ୍ ଦିଆଯାଇଥିଲା । ଏହା ପରେ ୱେଟିଂ ତାଲିକା ପ୍ରକାଶ ପାଇଥିଲା । ଯାହାର ଭଡ଼ା ୨୦ରୁ ୩୦ ପ୍ରତିଶତ ମହଙ୍ଗା ହୋଇଥିଲା ।

ଯେଉଁମାନେ ପ୍ରଥମେ ବୁକ୍ କରିସାରିଛନ୍ତି ସେମାନେ ଶସ୍ତା ଭଡାର ଲାଭ ପାଇବେ ନାହିଁ

ରେଳ ବୋର୍ଡର ଆଦେଶରେ ଏହା ସ୍ପଷ୍ଟ ହୋଇଛି ଯେ ଯେଉଁ ଯାତ୍ରୀମାନେ ପୂର୍ବରୁ ସଂରକ୍ଷଣ କରିସାରିଛନ୍ତି ସେମାନେ ଶସ୍ତା ଭଡା (Reduced Train fare) ର ଲାଭ ପାଇବେ ନାହିଁ ।

ଏହିପରି ଟ୍ରେନ୍ ଭଡା ହ୍ରାସ ପାଇବ 

ଲକ୍ଷ୍ନୌରୁ ମୁମ୍ବାଇ ଟ୍ରେନ ଭଡ଼ା ୩୩୦ ଟଙ୍କା କମ୍ ହେବ: ଲକ୍ଷ୍ନୌରୁ ମୁମ୍ବାଇ ପର୍ଯ୍ୟନ୍ତ LTT ସ୍ପେଶାଲର ଏସି ସେକେଣ୍ଡ ଭଡ଼ା ୨୭୮୦ ଟଙ୍କା ବଦଳରେ ୨୩୮୫ ଟଙ୍କା ହେବ । ଥର୍ଡ ଏସି ପାଇଁ ୨୦୧୫ ବଦଳରେ ୧୬୬୫ ଟଙ୍କା ଏବଂ ସ୍ଲିପର କ୍ଲାସରେ ୮୦୫ ବଦଳରେ ୬୩୫ ଟଙ୍କା ଖର୍ଚ୍ଚ ହେବ ।

ଲକ୍ଷ୍ନୌରୁ ଦିଲ୍ଲୀ ସ୍ଲିପରରେ ୫୦ ଟଙ୍କା ହ୍ରାସ ହେବ: ଲକ୍ଷ୍ନୌରୁ ଦିଲ୍ଲୀ ମଧ୍ୟରେ ଲକ୍ଷ୍ନୌ ମେଲ ଟ୍ରେନର ଫର୍ଷ୍ଚ ଏସିର ଭଡା ୨୩୦୫ ଟଙ୍କା ବଦଳରେ ୧୯୬୦ ଟଙ୍କା, ସେକେଣ୍ଡ ଏସିରେ ୧୪୪୦ ଟଙ୍କା ବଦଳରେ ୧୧୭୦ ଟଙ୍କା, ଥାର୍ଡ ଏସିରେ ୧୦୫୦ ବଦଳରେ ୮୩୫ ଟଙ୍କା ଏବଂ ସ୍ଲିପର କ୍ଲାସରେ ୩୮୫ ବଦଳରେ ୩୨୫ ଟଙ୍କା ହୋଇଯିବ ।

ଲକ୍ଷ୍ନୌରୁ କୋଲକାତା ଭଡ଼ା ୧୫୯୦ ଟଙ୍କା ହେବ କମ୍: ସେହିପରି କୋଲକାତାର ଫର୍ଷ୍ଚ ଏସିର ଭଡା ୩୭୪୦ ବଦଳରେ ୩୨୮୫ ଟଙ୍କା, ସେକେଣ୍ଡ ଏସିରେ ୨୩୮୫ ବଦଳରେ ୧୯୪୫ ଟଙ୍କା, ସେକେଣ୍ଡ ଏସିରେ ୧୭୫୦ ବଦଳରେ ୧୩୫୫ ଟଙ୍କା ଏବଂ ସ୍ଲିପର କ୍ଲାସରେ ୬୭୦ ବଦଳରେ ୫୦୫ ଟଙ୍କା ହେବ ।