Hemant Soren Arrest: ଦୀର୍ଘ ସମୟ ଜେରା ପରେ ହେମନ୍ତଙ୍କୁ ବାନ୍ଧିଲା ଇଡ଼ି
ହେମନ୍ତ ସୋରେନଙ୍କ ଯୋଜନାରେ ତାଙ୍କୁ ଡେପୁଟି ସିଏମ୍ କରିବା ପାଇଁ ଏକ ପ୍ରସ୍ତାବ ମଧ୍ୟ ରହିଛି। ସୂତ୍ରରୁ ମିଳିଥିବା ସୂଚନା ଅନୁଯାୟୀ, ଯୋଜନା ବିରେ ଝାଡଖଣ୍ଡରେ ଦୁଇଜଣ ଉପମୁଖ୍ୟମନ୍ତ୍ରୀ ରହିବେ।
ନୂଆଦିଲ୍ଲୀ: ଝାଡ଼ଖଣ୍ଡର ମୁଖ୍ୟମନ୍ତ୍ରୀ ହେମନ୍ତ ସୋରେନ ଗିରଫ। ଦୀର୍ଘ ସମୟ ଜେରା ପରେ ଗିରଫ କରିଛି ପ୍ରବର୍ତ୍ତନ ନିର୍ଦେଶାଳୟ ବା ଇଡ଼ି। ମିଳିଥିବା ସୂଚନା ଅନୁଯାୟୀ କଥିତ ଜମି ଦୁର୍ନିତୀରେ ହେମନ୍ତ ସୋରେନଙ୍କୁ ଗିରଫ କରିଛି ଇଡ଼ି। ପାଖାପାଖି ୭ ଘଣ୍ଟା ଜେରା ପରେ ହେମନ୍ତଙ୍କୁ ଗିରଫ କରିଛି ଇଡ଼ି। ସେପଟେ ରାଜଭବନ ପହଞ୍ଚି ହେମନ୍ତ ସୋରେନ ତାଙ୍କର ଇସ୍ତଫା ପତ୍ର ପ୍ରଦାନ କରିଛନ୍ତି। ଏହି ସମୟରେ ଝାଡଖଣ୍ଡରେ ଶାସକ ଦଳର ବିଧାୟକମାନେ ରାଜ ଭବନରେ ପହଞ୍ଚିଛନ୍ତି। ଶାସକ ଦଳର ସମସ୍ତ ବିଧାୟକ ଚମ୍ପାଇ ସୋରେନଙ୍କୁ ସେମାନଙ୍କର ବିଧାୟକ ଦଳର ନେତା ଭାବରେ ମନୋନୀତ କରିଛନ୍ତି। ଏଭଳି ପରିସ୍ଥିତିରେ ଚମ୍ପାଇ ସୋରେନ୍ ଝାଡଖଣ୍ଡର ନୂତନ ମୁଖ୍ୟମନ୍ତ୍ରୀ ହେବା ନେଇ ଚର୍ଚ୍ଚା ଜୋର ଧରିଛି। ଏଠାରେ କହି ରଖୁ କି ଇଡି ଦଳ ହେମନ୍ତ ସୋରେନଙ୍କୁ ପ୍ରାୟ ୭ ଘଣ୍ଟା ଧରି ମୁଖ୍ୟମନ୍ତ୍ରୀଙ୍କ ବାସଭବନରେ ଜେରା ଚଳାଇଛନ୍ତି। ହେମନ୍ତ ସୋରେନଙ୍କୁ ଗିରଫ କରାଯିବା ପରେ ରାଞ୍ଚିର ବିଭିନ୍ନ ଅଞ୍ଚଳରେ ସିଏମ ନିବାସ, ରାଜ ଭବନ, ବିଜେପି କାର୍ଯ୍ୟାଳୟ ସମେତ ସୁରକ୍ଷା ବୃଦ୍ଧି କରାଯାଇଛି।
ସୂଚନାନୁସାରେ, ଜେରା ସମୟରେ ହେମନ୍ତ ସୋରେନଙ୍କ ଉତ୍ତରରେ ଇଡି ଅଧିକାରୀ ସନ୍ତୁଷ୍ଟ ନଥିଲେ। ହେମନ୍ତ ସୋରେନ୍ ଏପର୍ଯ୍ୟନ୍ତ ତଦନ୍ତରେ କେବଳ ହଁ ଓ ନାରେ ଉତ୍ତର ରଖିଛନ୍ତି। ଇଡି ଅଧିକାରୀମାନେ ହେମନ୍ତ ସୋରେନଙ୍କୁ ୪୦ରୁ ଅଧିକ ପ୍ରଶ୍ନ ପଚାରିଛନ୍ତି। ଅନେକ ପ୍ରଶ୍ନ ଶୁଣିବା ପରେ ହେମନ୍ତ ସୋରେନ୍ ଇଡି ଅଧିକାରୀଙ୍କ ଉପରେ ରାଗିଥିଲେ। ଏହି ସମୟରେ, ରାଞ୍ଚିର ଅନେକ ଅଞ୍ଚଳରେ ଧାରା ୧୪୪ ବଳବତ୍ତର ରହିଛି। ସିଏମ୍ ହାଉସ୍ ବାହାରେ ସୁରକ୍ଷା ବୃଦ୍ଧି କରାଯାଇଛି ଏବଂ ମାଇକିଂ ମଧ୍ୟ କରାଯାଉଛି।
ଚମ୍ପାଇ ସୋରେନ ହେବେ ନୂଆ ମୁଖ୍ୟମନ୍ତ୍ରୀ
ହେମନ୍ତ ସୋରେନଙ୍କୁ ଗିରଫ କରାଯିବା ପରେ ତାଙ୍କ ପତ୍ନୀ ଅର୍ଥାତ୍ କଳ୍ପନା ସୋରେନଙ୍କୁ ସିଏମ୍ କରିବା ନେଇ ଚର୍ଚ୍ଚା ଜୋର ଧରିଛି। କଳ୍ପନା ସୋରେନଙ୍କ ସହିତ ଚମ୍ପାଇ ସୋରେନଙ୍କ ନାଁ ମଧ୍ୟ ଦୌଡ଼ରେ ରହିଥିଲା। ତେବେ, ଜେଏମ୍ଏମ୍ ପ୍ଲାନ୍ ବି ଉପରେ ମଧ୍ୟ କାମ କରୁଛି। ବାସ୍ତବରେ, ହେମନ୍ତ ସୋରେନଙ୍କ ଯୋଜନାରେ ତାଙ୍କୁ ଡେପୁଟି ସିଏମ୍ କରିବା ପାଇଁ ଏକ ପ୍ରସ୍ତାବ ମଧ୍ୟ ରହିଛି। ସୂତ୍ରରୁ ମିଳିଥିବା ସୂଚନା ଅନୁଯାୟୀ, ଯୋଜନା ବିରେ ଝାଡଖଣ୍ଡରେ ଦୁଇଜଣ ଉପମୁଖ୍ୟମନ୍ତ୍ରୀ ରହିବେ।