LIC ର ବନ୍ଦ ପଲିସି ଉପରେ ମିଳିବ ଜବରଦସ୍ତ ଲାଭ! ଅକ୍ଟୋବର ୨୨ ପର୍ଯ୍ୟନ୍ତ ରହିଛି ସୁଯୋଗ, ଶୀଘ୍ର କରନ୍ତୁ ଏହି କାମ

ନୂଆଦିଲ୍ଲୀ: ଯଦି ଆପଣଙ୍କର କୌଣସି ଭାରତୀୟ ଜୀବନ ବୀମା ନିଗମ (LIC) ର  ପଲିସି ଲେପ୍ସ ହୋଇଯାଇଛି, ତେବେ ଅକ୍ଟୋବର ୨୨ ପର୍ଯ୍ୟନ୍ତ ଆପଣଙ୍କ ପାଖରେ ଏକ ସୁବର୍ଣ୍ଣ ସୁଯୋଗ ରହିଛି । ଭାରତୀୟ ଜୀବନ ବୀମା ନିଗମ (LIC) ଅଗଷ୍ଟ ୨୩ରୁ ଏକ ସ୍ୱତନ୍ତ୍ର ରିଭାଇବଲ ଅଭିଯାନ ଆରମ୍ଭ କରିଛି । ଏହା ଅନ୍ତର୍ଗତ ଆପଣ ଅଗଷ୍ଟ ୨୩ରୁ ଅକ୍ଟୋବର ୨୨ ମଧ୍ୟରେ ଯେକୌଣସି ସମୟରେ ଆପଣଙ୍କର ବନ୍ଦ ପଲିସି ଆରମ୍ଭ କରିପାରିବେ । ଆସନ୍ତୁ ଜାଣିବା ଏହାର ସମ୍ପୂର୍ଣ୍ଣ ପ୍ରକ୍ରିୟା ବିଷୟରେ...

ମୋଟ ପ୍ରିମିୟମରେ ମିଳିବ ରିହାତି 

LIC ଏହି ସୂଚନା ଦେଇଛି ଯେ ଏକ ସ୍ୱତନ୍ତ୍ର ରିଭାଇବଲ ଅଭିଯାନ ଅନ୍ତର୍ଗତ ଗ୍ରାହକଙ୍କୁ ଏଥିପାଇଁ ମୋଟ ପ୍ରିମିୟମ ଉପରେ ରିହାତି ଦିଆଯିବ । କିନ୍ତୁ ମେଡିକାଲର ଯେକୌଣସି ଆବଶ୍ୟକତା ରହିଛି, ତାହା ଉପରେ କୌଣସି ରିହାତି ଦିଆଯିବ ନାହିଁ । ଏଥିରେ ବିଳମ୍ବିତ ଫିରେ ଉଭୟ ମାକ୍ରୋ ବୀମା ଓ ସ୍ୱାସ୍ଥ୍ୟ ଉପରେ ବିଳମ୍ବ ଶୁଳ୍କ ଛାଡ କରାଯିବ । ଏହି ସ୍ୱତନ୍ତ୍ର ରିଭାଇବଲ ଅଭିଯାନ ଅଧୀନରେ ସେହି ସ୍ୱତନ୍ତ୍ର ବୀମା ଆରମ୍ଭ ହୋଇପାରିବ, ଯାହା ୫ ବର୍ଷରୁ କମ୍ ସମୟ ଧରି ବନ୍ଦ ପଡ଼ିଛି । ତଥାପି, ଟର୍ମ ଇନସୁରାନ୍ସ ଓ ମଲ୍ଟିପଲ ରିସ୍କ ପଲିସି ଉପରେ କୌଣସି ରିହାତି ମିଳିବ ନାହିଁ । ଏଥିପାଇଁ ଆପଣଙ୍କୁ ସମ୍ପୂର୍ଣ୍ଣ ଫି ଦେବାକୁ ପଡିବ ।

୩୦ ପ୍ରତିଶତ ପର୍ଯ୍ୟନ୍ତ ରିହାତି

ବାର୍ଷିକ ୧ ଲକ୍ଷ ଟଙ୍କା ପ୍ରିମିୟମ ଥିବା ବୀମା ଉପରେ ୨୦ ପ୍ରତିଶତ ରିହାତି କିମ୍ବା ସର୍ବାଧିକ ୨ ହଜାର ଟଙ୍କା ରିହାତି ମିଳିବ ବୋଲି LIC କହିଛି । ଯେତେବେଳେ କି,  ୧ ଲକ୍ଷରୁ ୩ ଲକ୍ଷ ଟଙ୍କା ପର୍ଯ୍ୟନ୍ତ ବାର୍ଷିକ ପ୍ରିମିୟମ ଥିବା ପଲିସି ଉପରେ ୨୫ ପ୍ରତିଶତ ରିହାତି କିମ୍ବା ସର୍ବାଧିକ ୨,୫୦୦ ଟଙ୍କାର ରିହାତି ମିଳିବ । ୩ ଲକ୍ଷ ୧ ଟଙ୍କା ଓ ତଦୁର୍ଦ୍ଧ୍ୱ ପ୍ରିମିୟମ ଥିବା ପଲିସି ପାଇଁ ୩୦ ପ୍ରତିଶତ ରିହାତି କିମ୍ବା ସର୍ବାଧିକ ୩ ହଜାର ଟଙ୍କା ରିହାତି ମିଳିବ ।

ଅଧିକ ପଢ଼ନ୍ତୁ:-Tokyo Paralympic 2020: ଜାଭେଲିନ୍ ଥ୍ରୋ ଇଭେଣ୍ଟରେ ଭାରତର ଡବଲ୍ ଧମାଲ, ଝାଝରିଆ ରୌପ୍ୟ ତ ସୁନ୍ଦର ବ୍ରୋଞ୍ଜ ଜିତି ରଚିଲେ ଇତିହାସ

ଟର୍ମକୁ ପୁରା କରିବା ଅନିବାର୍ଯ୍ୟ

ଏହି ରିଭାଇବଲ ଅଭିଯାନ ଅଧୀନରେ ସେହି ବୀମା ପଲିସିଗୁଡିକ ଅନ୍ତର୍ଭୂକ୍ତ କରାଯିବ, ଯାହା ପଲିସି ଟର୍ମ ପୂରଣ କରିଥାଏ ଏବଂ ପ୍ରିମିୟମର ପେମେଣ୍ଟର ନିୟମ ପୂରଣ କରିଥାଏ । LIC କହିଛି ଯେ ଏହି ଅଭିଯାନ ସେହି ଗ୍ରାହକଙ୍କ ପାଇଁ ଆରମ୍ଭ କରାଯାଇଛି ଯେଉଁମାନେ କୌଣସି କାରଣରୁ ପ୍ରିମିୟମ ଠିକ୍ ସମୟରେ ଦେଇପାରୁ ନାହାଁନ୍ତି । ଚାଲୁ ହେବାକୁ ଯାଉଥିବା ପଲିସିରେ ଆପଣଙ୍କ ପୁରୁଣା ପଲିସିର ଯାହା କଭର ହେବ, ତାହା ମିଳିବ । ତେଣୁ ଆଜି ହିଁ ଏହି ଜବରଦସ୍ତ ଅଫରର ଲାଭ ଉଠାନ୍ତୁ ।