ମୌସୂମୀ ସକ୍ରିୟ: ମଧ୍ୟ ଭାରତରେ ପ୍ରବଳ ବର୍ଷିବ, କଣ ରହିଛି ଓଡ଼ିଶା ପାଇଁ ଅପଡେଟ

ନୂଆଦିଲ୍ଲୀ: ଆସନ୍ତା କିଛି ଦିନ ମଧ୍ୟ ଭାରତରେ (India) ପ୍ରବଳ ବର୍ଷା (Heavy) ହେବାର ସମ୍ଭାବନା ରହିଛି। ଭାରତ ପାଣିପାଗ ବିଭାଗ (IMD) ଅନୁଯାୟୀ ଆସନ୍ତା ୫ଦିନ ମଧ୍ୟରେ ଭାରତର କେନ୍ଦ୍ରୀୟ ଅଂଶରେ ସକ୍ରିୟ ମୌସୁମୀ (Mansoon) ପରିସ୍ଥିତି ସମ୍ଭାବନା ରହିଛି। ଏହି ସମୟ ମଧ୍ୟରେ ଆଗାମୀ ଦୁଇ ଦିନ ମଧ୍ୟରେ ଉତ୍ତରପ୍ରଦେଶ (Uttarpradesh), ବିହାର (Bihar) ଏବଂ ଉତ୍ତର-ପୂର୍ବ ରାଜ୍ୟଗୁଡ଼ିକରେ କମ୍ ବୃଷ୍ଟିପାତ ହେବ। ଅଗଷ୍ଟ ୧୮ ପର୍ଯ୍ୟନ୍ତ ଦେଶର ରାଜଧାନୀ ଦିଲ୍ଲୀରେ (Delhi) ବର୍ଷା ହେବାର ସମ୍ଭାବନା ନାହିଁ। ଏହି ସମୟ ମଧ୍ୟରେ ଲୋକଙ୍କୁ ଗରମ ସାମ୍ନା କରିବାକୁ ପଡିବ। ତଥାପି ପାଗ ସମ୍ପୂର୍ଣ୍ଣ ଶୁଷ୍କ ରହିବ ନାହିଁ ଏବଂ କେତେକ ସ୍ଥାନରେ ହାଲୁକା ବର୍ଷା ହେବାର ସମ୍ଭାବନା ରହିଥିବା ନେଇ ପାଣିପାଗ ସୂଚନା ଦେଇଛି। 

ଆସନ୍ତା ୨୪ ଘଣ୍ଟା ମଧ୍ୟରେ ମୁମ୍ବାଇ ଏବଂ ଏହାର ଉପକଣ୍ଠରେ ମଧ୍ୟମ ବର୍ଷା ହେବ ବୋଲି ଭାରତୀୟ ପାଣିପାଗ ବିଭାଗ ପୂର୍ବାନୁମାନ କରିଛି। ପବନର ବେଗ ୪୦ ରୁ ୬୦ କିମି ବହିବାର ସମ୍ଭାବନା ରହିଛି। ସେହିପରି ଆରବ ସାଗରରେ ୫ ମିଟର ପର୍ଯ୍ୟନ୍ତ ଜୁଆର ଉଠିବାର ସମ୍ଭାବନା ରହିଛି। ଏଥି ସହିତ ଓଡିଶାର ଅଧିକାଂଶ ଜିଲ୍ଲାରେ ପ୍ରବଳ ବର୍ଷା ହେବାର ପୂର୍ବାନୁମାନ କରାଯାଇଛି। ପାଣିପାଗ ବିଭାଗ ରାଜ୍ୟରେ ଅରେଞ୍ଜ ଆଲର୍ଟ ଜାରି କରିଛି।

ଆଇଏମଡି ଅନୁଯାୟୀ, ଅଗଷ୍ଟ ୧୩ରେ ଉତ୍ତର ବଙ୍ଗୋପସାଗର ଏବଂ ଏହାର ଆଖପାଖ ଅଞ୍ଚଳରେ ଏକ ନୂତନ ଚାପ ପ୍ରଣାଳୀ ସୃଷ୍ଟି ହେବାର ସମ୍ଭାବନା ଅଧିକ। ଏହା ପରେ ଏହା ମଧ୍ୟ ଓଡ଼ିଶା, ଛତିଶଗଡ ଏବଂ ମଧ୍ୟପ୍ରଦେଶ ଦେଇ ଧିରେ ଧିରେ ପଶ୍ଚିମ ଦିଗକୁ ଯିବାର ସମ୍ଭାବନା ରହିଛି। ଏହି ପାଣିପାଗ ପ୍ରଣାଳୀର ପ୍ରଭାବ ଯୋଗୁଁ ରାଜସ୍ଥାନର ଅଧିକାଂଶ ଅଞ୍ଚଳରେ ଅଗଷ୍ଟ ୧୫ରୁ ପୁଣି ଥରେ ବର୍ଷା ବଢିବ ବୋଲି ପାଣିପାଗ ସୂଚନା ଦେଇଛି।

ଆଇଏମଡି ଏହାର ପାଣିପାଗ ବୁଲେଟିନ୍‌ରେ କହିଛି, ୧୩ ଏବଂ ୧୪ରେ ପଶ୍ଚିମ ମଧ୍ୟପ୍ରଦେଶରେ ବିଚ୍ଛିନ୍ନ ବଜ୍ରପାତ ସହିତ ବହୁ ପରିମାଣରେ ବର୍ଷା ହେବାର ସମ୍ଭାବନା ରହିଛି। ପାଣିପାଗ ବିଭାଗ ଅନୁଯାୟୀ, ଅଗଷ୍ଟ ୧୩ରେ ଛତିଶଗଡରେ, ଅଗଷ୍ଟ ୧୫ରେ ବିଦର୍ଭ, ଅଗଷ୍ଟ ୧୩ରେ ଗୁଜରାଟ ରାଜ୍ୟ, କୋଙ୍କଣ ଅଞ୍ଚଳ, ଗୋଆ ଏବଂ ମଧ୍ୟପ୍ରଦେଶ ମହାରାଷ୍ଟ୍ରରେ ଅଗଷ୍ଟ ୧୩ ରୁ ୧୫ ମଧ୍ୟରେ ବର୍ଷା ହେବାର ସମ୍ଭାବନା ରହିଛି। ଆଗାମୀ ୧୫ ତାରିଖରେ ମଧ୍ୟପ୍ରଦେଶର ପଶ୍ଚିମ ଭାଗରେ ମଧ୍ୟ ବର୍ଷାର ସମ୍ଭାବନା ରହିଛି। ସେହିପରି ୧୪ ତାରିଖରୁ ମଧ୍ୟ ପ୍ରଦେଶରେ ପ୍ରବଳରୁ ଅତି ପ୍ରବଳ ବର୍ଷା ହେବାର ସମ୍ଭାବନା ରହିଛି।