`ପରମାଣୁ ଆକ୍ରମଣ କରି ସବୁକିଛି ଶେଷ କରିଦେବି ଯଦି...`, କିମ ଜୋଙ୍ଗଙ୍କ ଭଉଣୀ ଦେଲେ ଧମକ

ନୂଆଦିଲ୍ଲୀ: ଉତ୍ତର କୋରିଆର ଏକଛତ୍ରବାଦୀ ଶାସକ କିମ ଜୋଙ୍ଗ ଉନ (North Korean dictator Kim Jong Un) ଙ୍କ ଭଉଣୀ ଦକ୍ଷିଣ କୋରିଆ (South Korea) କୁ ପରମାଣୁ ଆକ୍ରମଣ (Nuclear Attack) କରି ଧ୍ୱଂସ କରିବାକୁ ଧମକ ଦେଇଛନ୍ତି । କିମ୍ ୟୋ ଜୋଙ୍ଗ (Kim Yo-jong) କହିଛନ୍ତି ଯେ, ଆମେ ଯୁଦ୍ଧ ବିରୋଧୀ, କିନ୍ତୁ ଯଦି ଦକ୍ଷିଣ କୋରିଆ ଯୁଦ୍ଧ କରିବାକୁ ଚାହୁଁଛି, ତେବେ ଆମେ ପରମାଣୁ ଆକ୍ରମଣ କରିପାରିବା । ୟୋ ଜୋଙ୍ଗ ଶାସକ ଦଳର ଜଣେ ବରିଷ୍ଠ ଅଧିକାରୀ ।

ୟୋ ଜୋଙ୍ଗ (Kim Yo-jong) କହିଛନ୍ତି ଯେ, "ଦକ୍ଷିଣ କୋରିଆ (South Korea) ଏକ ଚର୍ଚ୍ଚା ସମୟରେ ସାମରିକ କ୍ଷମତା ବିଷୟରେ ଉଲ୍ଲେଖ କରିଥିଲା । ଦକ୍ଷିଣ କୋରିଆର ପ୍ରତିରକ୍ଷା ମନ୍ତ୍ରୀଙ୍କ ଏହି ବୟାନ ଯୋଗୁଁ ଆମର ସମ୍ପର୍କ ଖରାପ ହୋଇଯାଇଛି, ଯେଉଁଥିପାଇଁ ଆମର ସାମରିକ ଶକ୍ତି ପୂର୍ବ ଅପେକ୍ଷା ଅଧିକ ବୃଦ୍ଧି ପାଇଛି ।"

ଆପଣଙ୍କୁ କହି ରଖୁଛୁ ଯେ, ନିକଟ ଅତୀତରେ ଦକ୍ଷିଣ କୋରିଆର ମନ୍ତ୍ରୀ ସୁହ ୱୁକ୍ (South Korean Minister Suh Wook) ଏକ ବୟାନରେ କହିଥିଲେ ଯେ, ତାଙ୍କ ଦେଶରେ ଅନେକ ପ୍ରକାରର କ୍ଷେପଣାସ୍ତ୍ର (Missiles) ଅଛି ଯାହା ଉତ୍ତର କୋରିଆ (North Korea) ର ଯେକୌଣସି ଠିକଣା ଉପରେ ସଠିକ୍ ଭାବରେ ଆକ୍ରମଣ କରିପାରିବ । ସେ ଉତ୍ତର କୋରିଆକୁ ନିଜର ଶତ୍ରୁ ବୋଲି ମଧ୍ୟ କହିଛନ୍ତି । ଏଥି ସହିତ ଦକ୍ଷିଣ କୋରିଆର ଏହି ବୟାନ ଉପରେ ଉତ୍ତର କୋରିଆ କହିଛି ଯେ ଏହି ବୟାନର ଗୁରୁତର ପରିଣାମ ହୋଇପାରେ ।

ଏହା ବି ପଢ଼ନ୍ତୁ:-ପ୍ରଚଣ୍ଡ ଖରାରେ ଅଦିନିଆ ବର୍ଷା, ଆସନ୍ତା ୩ ଦିନ ଏହି ସବୁ ଜିଲ୍ଲାରେ ବର୍ଷିବ!

ଏହା ବି ପଢ଼ନ୍ତୁ:-ଏହି ଟ୍ରେଜେରୀରେ ୫୦ ବର୍ଷ ଧରି ପଡ଼ି ରହିଛି ୭୩ କିଲୋ ରୁପା, RBI ବି ନେବାକୁ କରିଦେଇଛି ମନା; ଜାଣନ୍ତୁ ଇନ୍ଦିରା ଗାନ୍ଧୀଙ୍କ ସହ କିପରି ରହିଛି କନେକ୍ସନ୍

ଏହା ବି ପଢ଼ନ୍ତୁ:-ରାହୁଲ ଗାନ୍ଧୀଙ୍କ ନାଁରେ ନିଜ ସମ୍ପତ୍ତି କଲେ ଏହି ବୃଦ୍ଧ ମହିଳା, ଜାଣନ୍ତୁ ଏହି ନିଷ୍ପତ୍ତି ପଛର କାରଣ

ବାସ୍ତବରେ, ଉତ୍ତର କୋରିଆ ଅତୀତରେ ଅନେକ ଥର ଚେତାବନୀ ଦେଇଛି ଯେ ଯଦି ଦକ୍ଷିଣ କୋରିଆ କିମ୍ବା ଆମେରିକା ସେମାନଙ୍କୁ ଚ୍ୟାଲେଞ୍ଜ କରେ, ତେବେ ସେମାନେ ପରମାଣୁ ଅସ୍ତ୍ର (Nuclear Weapons) ବ୍ୟବହାରରୁ ପଛଘୁଞ୍ଚା ଦେବେ ନାହିଁ । ଏଥି ସହିତ ମନେ କରାଯାଉଛି ଯେ ଯେପରି ଉତ୍ତର କୋରିଆ ଦୀର୍ଘ ଦିନ ଧରି କ୍ଷେପଣାସ୍ତ୍ର ପରୀକ୍ଷା କରୁଛି, ତାହାକୁ ଦୃଷ୍ଟିରୁ ରଖି ଦକ୍ଷିଣ କୋରିଆ ଏପରି ବୟାନ ଦେଇ ନିଜ ଦେଶର କ୍ଷେପଣାସ୍ତ୍ର ଶକ୍ତି ବିଷୟରେ ଉଲ୍ଲେଖ କରିଛି ।