କେବଳ ୪ ମାସ ମଧ୍ୟରେ ଚାକିରି ହରାଇଲେ ୬୬ ଲକ୍ଷ ଇଞ୍ଜିନିୟର୍, ଶିକ୍ଷକ, ଆକାଉଣ୍ଟାଣ୍ଟ ପରି ପେସାଦାର
ନୂଆଦିଲ୍ଲୀ: Unemployment in India: କୋରୋନା କାଳରେ ମାତ୍ର ୪ ମାସ ମଧ୍ୟରେ ୬୬ ଲକ୍ଷ ପେସାଦାର ବ୍ୟକ୍ତି ଚାକିରି ହରାଇଛନ୍ତି । ଏହି ଲୋକମାନଙ୍କ ମଧ୍ୟରେ ଇଞ୍ଜିନିୟର, ଚିକିତ୍ସକ, ଶିକ୍ଷକ ଆଦି ସାମିଲ ଅଛନ୍ତି । CMIE ର ତଥ୍ୟ ଅନୁଯାୟୀ, ମେ ମାସରୁ ଅଗଷ୍ଟ ମାସ ମଧ୍ୟରେ ଏହି ପରିସ୍ଥିତି ଉପୁଜିଛି । ଏହିପରି ପେସାଦାରଙ୍କ ନିଯୁକ୍ତି ସଂଖ୍ୟା ୨୦୧୬ ପର ଠାରୁ ସର୍ବନିମ୍ନ ସ୍ତରରେ ପହଞ୍ଚିଛି । ଏହା ସ୍ପଷ୍ଟ ଯେ ଗତ ୪ ବର୍ଷରେ ରୋଜଗାର ମାମଲାରେ ଯାହା ମଧ୍ୟ ଅଭିବୃଦ୍ଧି ଘଟିଥିଲା, ତାହା ସମାପ୍ତ ହୋଇଛି ।
ସେଣ୍ଟର ଫର ମନିଟରିଂ ଇଣ୍ଡିଆନ୍ ଇକୋନୋମିର ତଥ୍ୟ ଅନୁଯାୟୀ, ଏହି ୪ ମାସ ମଧ୍ୟରେ ୫୦ ଲକ୍ଷ ଶିଳ୍ପ କର୍ମଚାରୀ ଚାକିରି ହରାଇଛନ୍ତି । CMIE ଗ୍ରାହକ ପିରାମିଡ୍ ହାଉସହୋଲ୍ଡ ସର୍ଭେ ଅନୁଯାୟୀ, ଏହି ସମୟ ମଧ୍ୟରେ ଚାକିରୀର ସବୁଠାରୁ ଅଧିକ କ୍ଷତି ହ୍ୱାଇଟ କଲର ପ୍ରଫେସନାଲ୍ସଙ୍କୁ ହୋଇଛି ।
ଗତ ୪ ମାସ ମଧ୍ୟରେ ଯେଉଁମାନେ ଅଧିକ ପ୍ରଭାବିତ ହୋଇଛନ୍ତି, ସେମାନଙ୍କ ମଧ୍ୟରେ ଇଞ୍ଜିନିୟର୍, ଚିକିତ୍ସକ, ଶିକ୍ଷକ, ଆକାଉଣ୍ଟାଣ୍ଟ, ଆନାଲିଷ୍ଟ ଏବଂ ଅନ୍ୟାନ୍ୟ ବୃତ୍ତି ସହ ଜଡ଼ିତ ବ୍ୟକ୍ତି ସାମିଲ ଅଛନ୍ତି । ତଥାପି, ଏହି ତଥ୍ୟରେ ଏପରି ବ୍ୟକ୍ତି ଅନ୍ତର୍ଭୁକ୍ତ ନୁହଁନ୍ତି ଯେଉଁମାନେ ନିଜସ୍ୱ ଚାକିରୀ କରନ୍ତି । ଯଦି ଏହାକୁ ସାମିଲ କରାଯାଇଥାନ୍ତା, ତେବେ ଏହି ସଂଖ୍ୟା ଅଧିକ ହୋଇଥାନ୍ତା ।
CMIE ଅନୁଯାୟୀ, ମେ-ଅଗଷ୍ଟ ୨୦୧୯ରେ ୧୮.୮ ମିଲିୟନ କିମ୍ବା ୧.୮୮ କୋଟି ବୃତ୍ତିଗତ ବ୍ୟକ୍ତି ଚାକିରି କରୁଥିଲେ । ବର୍ତ୍ତମାନ ଏହି ସଂଖ୍ୟା ୧୨.୨ ମିଲିୟନ ସ୍ତରକୁ ଖସି ଆସିଛି । ଏଥିରୁ ସ୍ପଷ୍ଟ ଯେ ୬୬ ଲକ୍ଷ ପ୍ରଫେସନାଲ ଚାକିରି ହରାଇଛନ୍ତି । ୨୦୧୬ ପରେ ଏହି ପେସାଦାରଙ୍କ ରୋଜଗାରର ଏହା ହେଉଛି ସବୁଠାରୁ ଦୁର୍ବଳ ସଂଖ୍ୟା ।
ଏହା ପରେ ସବୁଠାରୁ ଅଧିକ କ୍ଷତି ଶିଳ୍ପ ଶ୍ରମିକଙ୍କୁ ସହିବାକୁ ପଡ଼ିଛି । ଗତ ବର୍ଷ ତୁଳନାରେ ଚଳିତ ବର୍ଷ ମେ ରୁ ଅଗଷ୍ଟ ମଧ୍ୟରେ ୫୦ ଲକ୍ଷ ଶିଳ୍ପ ଶ୍ରମିକ ଚାକିରି ହରାଇଛନ୍ତି । ଏହାର ଅର୍ଥ ହେଉଛି ଶିଳ୍ପ ଶ୍ରମିକମାନଙ୍କ ନିଯୁକ୍ତି ଗୋଟିଏ ବର୍ଷରେ ୨୬ ପ୍ରତିଶତ ହ୍ରାସ ପାଇଛି । ଅନ୍ୟପକ୍ଷେ ଛୋଟ ଶିଳ୍ପ ୟୁନିଟରେ ଶିଳ୍ପ ଶ୍ରମିକଙ୍କ ନିଯୁକ୍ତିରେ ସବୁଠାରୁ ବଡ ହ୍ରାସ ଘଟିଛି । CMIE ର ବିଶ୍ଳେଷଣ ବର୍ତ୍ତମାନ ମଧ୍ୟମ କ୍ଷୁଦ୍ର ଏବଂ ମାଇକ୍ରୋ ଇଣ୍ଡଷ୍ଟ୍ରିଆଲ୍ ୟୁନିଟ୍ (MSME’s) ର ସଙ୍କଟ ଦେଖାଉଛି ।
ଅବଶ୍ୟ, ଲକଡାଉନ୍ ହ୍ୱାଇଟ କଲର କିରାଣୀ ଚାକିରି ଉପରେ ଅଧିକ ପ୍ରଭାବ ପକାଇ ନଥିଲା । ଯେଉଁଥିରେ ଡେସ୍କ ୱାର୍କ କର୍ମଚାରୀଙ୍କ ଠାରୁ ଆରମ୍ଭ କରି ସେକ୍ରେଟାରୀ, ଅଫିସ୍ କିରାଣୀ, ବିପିଓ / କେପିଓ କର୍ମଚାରୀ, ଡାଟା ଏଣ୍ଟ୍ରି ଅପରେଟର ଇତ୍ୟାଦି ସାମିଲ ଅଛନ୍ତି । ଏହାର କାରଣ ହେଉଛି ସେମାନଙ୍କ ଚାକିରିର ୱାର୍କ ଫର୍ମ ହୋମ ସିଫ୍ଟ ହେବା ।
CMIE ତଥ୍ୟ ଅନୁଯାୟୀ, ୨୦୧୬ ଠାରୁ ଏହି କର୍ମଚାରୀମାନଙ୍କ ଶ୍ରେଣୀରେ କୌଣସି ଅଭିବୃଦ୍ଧି ହୋଇନାହିଁ, ବରଂ ୨୦୧୮ରୁ ଚାକିରିରେ ବହୁତ ହ୍ରାସ ଘଟିଛି । ଯାହା ୨୦୧୮ରେ ୧.୫ କୋଟିରୁ ହ୍ରାସ ପାଇ ୨୦୨୦ରେ ୧.୨ କୋଟିକୁ ଖସି ଆସିଛି । ଅବଶ୍ୟ ଲକଡାଉନ୍ ସମୟରେ କୌଣସି ବିଶେଷ ହ୍ରାସ ଘଟି ନଥିଲା ।