ପ୍ରଖ୍ୟାତ ସମାଜ ବିଜ୍ଞାନୀ ପ୍ରଫେସର ଯୋଗେନ୍ଦ୍ର ସିଂଙ୍କ ନିଧନ

ନୂଆଦିଲ୍ଲୀ: ସମାଜବିଜ୍ଞାନୀ ପ୍ରଫେସର ଯୋଗେନ୍ଦ୍ର ସିଂଙ୍କ ନିଧନ ହୋଇଯାଇଛି । ତାଙ୍କ ମୃତ୍ୟୁରେ ଉତ୍ତର ପ୍ରଦେଶର ଗୋରଖପୁରରେ ଶୋକର ଛାୟା ଖେଳିଯାଇଛି । ପ୍ରଖ୍ୟାତ ସମାଜ ବିଜ୍ଞାନୀ ତଥା ଜବାହରଲାଲ ନେହେରୁ ବିଶ୍ୱବିଦ୍ୟାଳୟ(ଜେଏନୟୁ)ର ଅଧ୍ୟାପକ ପ୍ରଫେସର ଯୋଗେନ୍ଦ୍ର ସିଂଙ୍କ ନିଧନରେ ରାଜୀବ ଗାନ୍ଧୀ ଷ୍ଟଡି ସର୍କଲର ସଂଯୋଜକ ଡକ୍ଟର ପ୍ରମୋଦ କୁମାର ଶୁକ୍ଲା ଶୋକ ପ୍ରକାଶ କରିଛନ୍ତି ।

ଜୁମ୍ ଆପରେ ଆୟୋଜିତ ସମବେଦନା ସଭାରେ ଅଧ୍ୟକ୍ଷତା କରିଥିବା ଡକ୍ଟର ପ୍ରମୋଦ କହିଛନ୍ତି ଯେ, ମୂଳତଃ ବସ୍ତିରୁ ଆସିଥିବା ଯୋଗେନ୍ଦ୍ର ସିଂ ସାମାଜିକ ପରିବର୍ତ୍ତନର ସିଦ୍ଧାନ୍ତକାର ଓ ଭାରତୀୟ ସମାଜବିଜ୍ଞାନର ବରିଷ୍ଠ-ଆଚାର୍ଯ୍ୟ ଥିଲେ । ସେ ଆଧୁନିକୀକରଣ, ସାମାଜିକ ଅସମାନତା ଏବଂ ଅହିଂସାକୁ ସମାଜବିଜ୍ଞାନ କ୍ଷେତ୍ରରେ ବିଶିଷ୍ଟ ଯୋଗଦାନ କରିଛନ୍ତି । ତାଙ୍କର ଡଜନ ଡଜନ ପୁସ୍ତକ ମଧ୍ୟରେ ମର୍ଡେନାଇଜେଶନ ଅଫ୍ ଇଣ୍ଡିଆନ୍ ଟ୍ରାଡିଶନ(1973), ଏସେୟ ଅନ ମର୍ଡେନାଇଜେଶନ (1977)  ଏବଂ ସୋସିଆଲ ସାଇଣ୍ଟିଫିକେଶନ ଏଣ୍ଡ ସୋସିଆଲ ଚେଞ୍ଜ ଇନ୍ ଇଣ୍ଡିଆ ବହୁ ଖ୍ୟାତି ଅର୍ଜନ କରିଛି ।