ନୂଆଦିଲ୍ଲୀ: 'ବିଗ୍ ବସ୍ ୧୩'ର ବିଜେତା ସିଦ୍ଧାର୍ଥ ଶୁକ୍ଲାଙ୍କର ହଠାତ୍ ଦେହାନ୍ତ ହୋଇଛି । ୪୦ ବର୍ଷ ବୟସରେ ସିଦ୍ଧାର୍ଥ ଦୁନିଆରୁ ବିଦାୟ ଦେଇଛନ୍ତି । ଟିଭି ଅଭିନେତା ସିଦ୍ଧାର୍ଥ ଶୁକ୍ଲାଙ୍କର (Sidharth Shukla) ହୃଦଘାତରେ ମୃତ୍ୟୁ ଘଟିଛି । ସିଦ୍ଧାର୍ଥ ଶୁକ୍ଲାଙ୍କର ଦେଶରେ ବହୁତ ପ୍ରଶଂସକ ଥିଲେ । ବର୍ତ୍ତମାନ ସେ ନିଜ ମଧ୍ୟ କ୍ୟାରିୟରର ଶିଖରରେ ଥିଲେ । ସେ ଅନେକ ଟିଭି ସୋ ଓ ଫିଲ୍ମରେ କାମ କରିଥିଲେ । ସେ 'ବିଗ୍ ବସ୍ ୧୩'ରେ ଅନେକ ସମ୍ପର୍କ ସ୍ଥାପନ କରିଥିଲେ । ଯଦି କାହା ସହିତ ଗଭୀର ବନ୍ଧୁତା ଥାଏ ତେବେ ସେ ହେଉଛନ୍ତି ଏହି ଶୋ’ର ହୋଷ୍ଟ ସଲମାନ ଖାନ (Salman Khan) ।


COMMERCIAL BREAK
SCROLL TO CONTINUE READING

ସଲମାନ ଖାନଙ୍କ ନିକଟତର ଥିଲେ ସିଦ୍ଧାର୍ଥ 
ସିଦ୍ଧାର୍ଥ ଶୁକ୍ଲା ସଲମାନ ଖାନଙ୍କ (Salman Khan) ପ୍ରତ୍ୟେକ ନିର୍ଦ୍ଦେଶ ପାଳନ କରୁଥିଲେ । ସେ ତାଙ୍କୁ ବଡ଼ ଭାଇ ଭଳି ବ୍ୟବହାର କରୁଥିଲେ । ସିଦ୍ଧାର୍ଥ ଶୁକ୍ଲା ସଲମାନ ଖାନଙ୍କ ପ୍ରତ୍ୟେକ ଟାର୍ଗେଟକୁ ହାସଲ କରୁଥିଲେ ଓ ଏହିସବୁ ଅନୁସରଣ କରି ସିଦ୍ଧାର୍ଥ ଶୋ’ର ବିଜେତା ମଧ୍ୟ ହୋଇଥିଲେ । ଆଜି ଯେତେବେଳେ ସଲମାନ ଖାନ ଅଭିନେତାଙ୍କ ମୃତ୍ୟୁ ଖବର ପାଇଥିଲେ, ସେତେବେଳେ ସେ ଆଶ୍ଚର୍ଯ୍ୟ ହୋଇ ଯାଇଥିଲେ ଓ ଅଭିନେତାଙ୍କ ମୃତ୍ୟୁକୁ ନେଇ ସେ ଦୁଃଖ ପ୍ରକାଶ କରିଥିଲେ । ଏହି ଦୁଃଖଦ ଘଟଣାରେ ଟ୍ୱିଟ୍ କରି ସଲମାନ ଖାନ ଦୁଃଖ ପ୍ରକାଶ କରିଛନ୍ତି ।



ଦୁନିଆରୁ ବିଦାୟ ନେଇଛନ୍ତି ସିଦ୍ଧାର୍ଥ ଶୁକ୍ଲା 
ସିଦ୍ଧାର୍ଥ ଶୁକ୍ଲାଙ୍କ ପ୍ରଶଂସକ ଏବଂ ପରିବାର ସଦସ୍ୟଙ୍କ ପାଇଁ ଏହା ଏକ ବଡ଼ ଧକ୍କା । ସିଦ୍ଧାର୍ଥ (ସିଦ୍ଧାର୍ଥ ଶୁକ୍ଲା) ସଂପୂର୍ଣ୍ଣ ସୁସ୍ଥ ଥିଲେ, ତେଣୁ ତାଙ୍କର ଆକସ୍ମିକ ମୃତ୍ୟୁ ପରିବାର ଓ ତାଙ୍କ ପ୍ରିୟଜନଙ୍କୁ ଭାଙ୍ଗି ଦେଇଛି । ବୁଧବାର ରାତିରେ ସିଦ୍ଧାର୍ଥ ଶୁକ୍ଲା କିଛି ଔଷଧ ସେବନ କରିଥିଲେ କିନ୍ତୁ ପରେ ସେ ଉଠି ପାରିନଥିଲେ, ପରେ ତାଙ୍କୁ ହସ୍ପିଟାଲ ନିଆଯାଇଥିଲା । କପୁର୍ ହସ୍ପିଟାଲ୍ ତାଙ୍କ ମୃତ୍ୟୁକୁ ନିଶ୍ଚିତ କରିଥିଲା ।


ଅଧିକ ପଢ଼ନ୍ତୁ: Fake News: ୱେବ୍ ପୋର୍ଟାଲ୍ ଓ ୟୁଟ୍ୟୁବ୍ ଚ୍ୟାନେଲଗୁଡିକର ବିଷୟବସ୍ତୁକୁ ନେଇ ଏହି ମତ ରଖିଲେ ସୁପ୍ରିମକୋର୍ଟ


ଏହି ଶୋ ଯୋଗୁଁ ସିଦ୍ଧାର୍ଥ ଶୁକ୍ଲା ଘରେ ଘରେ ପ୍ରସିଦ୍ଧ ଥିଲେ
୧୨ ଡିସେମ୍ବର ୧୯୮୦ ରେ ମୁମ୍ବାଇରେ ଜନ୍ମଗ୍ରହଣ କରିଥିବା ସିଦ୍ଧାର୍ଥ ଶୁକ୍ଲା ନିଜ କ୍ୟାରିଅରର ପ୍ରାରମ୍ଭରେ ମଡେଲିଂ କରିଥିଲେ । ୨୦୦୪ ମସିହାରେ ସେ ଡେବ୍ୟୁ କରିଥିଲେ । ୨୦୦୮ ମସିହାରେ ସେ 'ବାବୁଲ କା ଆଙ୍ଗନ ଛୋଟେ ନା' ନାମକ ଏକ ଟିଭି ସିରିଏଲରେ ଅଭିନୟ କରିଥିଲେ । ସେ ବାଲିକା ବଧୂରେ ଶିବଙ୍କ ଚରିତ୍ରରୁ ପ୍ରକୃତ ସ୍ୱୀକୃତି ପାଇଲେ । ଏହି ଶୋ’ରେ ଲୋକପ୍ରିୟ ହୋଇଥିବା ସିଦ୍ଧାର୍ଥ ଶୁକ୍ଲା ମଧ୍ୟ ଅନେକ ରିଆଲିଟି ସୋରେ ଭାଗ ନେଇଥିଲେ । ସେ 'ଖତେରେ କେ ଖିଲାଡି' ଏବଂ 'ଝଲକ୍ ଦିଖଲାଜା' ଭଳି ଶୋ’ର ବିଜେତା ହୋଇଥିଲେ ।