Supreme Court: ସୁପ୍ରିମକୋର୍ଟର ଓକିଲ (Supreme Court Advocate) ମାନଙ୍କ ଦ୍ବାରା ବାରମ୍ବାର ସ୍ଥଗିତାଦେଶ ଦାବିରେ ଅସନ୍ତୋଷ ବ୍ୟକ୍ତ କରି ଜଷ୍ଟିସ୍ ଡି.ଓ୍ବାଇ ଚନ୍ଦ୍ରଚୁଡ (Justice D.Y. Chandrachud) କହିଛନ୍ତି ଯେ, ଆମେ ଚାହୁଁନାହୁଁ ଯେ ସୁପ୍ରିମକୋର୍ଟ 'ତାରିଖ୍ ପେ ତାରିଖ' (Tareekh Pe Tareekh)ର କୋର୍ଟ ହୁଅନ୍ତୁ। ଜଷ୍ଟିସ ଚନ୍ଦ୍ରଚୂଡ ଏବଂ ଜଷ୍ଟିସ ହିମା କୋହଲିଙ୍କ ଏକ ବେଞ୍ଚ ବିରକ୍ତ ହୋଇ ଯେତେବେଳେ ଓକିଲ ଏକ ମାମଲା ଯୁକ୍ତି ରଖିବାକୁ ସମୟ ମାଗିଥିଲେ ଏବଂ କହିଥିଲେ ଯେ ସେ ସ୍ଥଗିତାଦେଶ ପାଇଁ ଏକ ଚିଠି ଦେଇଛନ୍ତି। ଏହା ଉପରେ ବେଞ୍ଚ କହିଥିଲେ ଯେ, ଆମେ ଶୁଣାଣି ସ୍ଥଗିତ ରଖିପାରିବୁ ନାହିଁ। ଅଧିକନ୍ତୁ ଆମେ ଏହି ଶୁଣାଣିର ସମୟକୁ ଗଡାଇପାରିବୁ। କିନ୍ତୁ, ଆପଣଙ୍କୁ ଏହି ପ୍ରସଙ୍ଗରେ ବିତର୍କ କରିବାକୁ ପଡିବ। ଆମେ ଚାହୁଁନାହୁଁ ଯେ, ସୁପ୍ରିମକୋର୍ଟ ଏକ 'ତାରିଖ୍ ପେ ତାରିଖ' କୋର୍ଟ ହୁଅନ୍ତୁ ଏବଂ ଆମେ ଏହି ଧାରଣାକୁ ପରିବର୍ତ୍ତନ କରିବାକୁ ଚାହୁଁଛୁ।


COMMERCIAL BREAK
SCROLL TO CONTINUE READING

ଫିଲ୍ମ 'ଦାମିନୀ'ର ଏକ ପ୍ରସିଦ୍ଧ ସଂଳାପକୁ ଦୋହରାଇ ଜଷ୍ଟିସ୍ ଚନ୍ଦ୍ରଚୂଡ ଏକ ସିଭିଲ୍ ଆବେଦନରେ ଜଣେ ହିନ୍ଦୁ ପୁରୋହିତଙ୍କ ପକ୍ଷରୁ ଥିବା ଓକିଲଙ୍କୁ କହିଛନ୍ତି ଯେ, ଏହା ହେଉଛି ସର୍ବୋଚ୍ଚ ନ୍ୟାୟାଳୟ ଏବଂ ଆମେ ଚାହୁଁ ଯେ ଏହି କୋର୍ଟର ସମ୍ମାନ ରକ୍ଷା କରାଯାଉ। ବେଞ୍ଚ କହିଛନ୍ତି ଯେ, ବିଚାରପତିମାନେ କେସ୍ ଫାଇଲକୁ ଭଲଭାବେ ପଢିବା ପରେ ପରଦିନ ଶୁଣାଣି ପାଇଁ ମଧ୍ୟରାତ୍ରି ପର୍ଯ୍ୟନ୍ତ ପ୍ରସ୍ତୁତି ଜାରି ରଖିଥିବା ବେଳେ ଓକିଲ ମାନେ ଆସି ସ୍ଥଗିତାଦେଶ ମାଗୁଛନ୍ତି।



ଜଷ୍ଟିସ ଚନ୍ଦ୍ରଚୂଡ କହିଛନ୍ତି, “ଏଭଳି ଛୋଟ ମାମଲା ହେତୁ ସୁପ୍ରିମକୋର୍ଟ ପ୍ରଭାବହୀନ ହେବାକୁ ଯାଉଛି। ବର୍ତ୍ତମାନ ଏକ ଶକ୍ତ ବାର୍ତ୍ତା ଦେବାର ସମୟ, ନଚେତ୍ ସବୁକିଛି କଷ୍ଟକର ହୋଇପଡିବ। ଏହିପରି ଆବେଦନରେ ନଷ୍ଟ କରାଯାଉଥିବା ପ୍ରତି ୫ରୁ ୧୦ ମିନିଟ୍ ଜଣେ ବାସ୍ତବବାଦୀଙ୍କ ସମୟ ଛଡ଼ାଇ ନେଇଥାଏ, ଯିଏ ବର୍ଷ ବର୍ଷ ଧରି ନ୍ୟାୟକୁ ଅପେକ୍ଷା କରି ରହିଥାଏ। ସେ କହିଛନ୍ତି ଆଜିକାଲି ପାଖାପାଖି ୬୦ ମାମଲାକୁ ଭିନ୍ନ ଭିନ୍ନ ଦିନରେ ଲିଷ୍ଟ କରାଯାଇଥାଏ, ଯେଉଁଥିରେ କିଛି ମାମଲାକୁ ବିଳମ୍ବିତ ରାତିରେ ଲିଷ୍ଟିଂ କରାଯାଇଥାଏ। ସେ ଅସନ୍ତୋଷ ବ୍ୟକ୍ତ କରି କହିଛନ୍ତି, ''ମତେ କେଶର ଫାଇଲ ପଢିବା ପାଇଁ ସକାଳ ସାଢେ ତିନିଟାରୁ ଉଠିବାକୁ ପଡିଥାଏ, କିନ୍ତୁ ଓକିଲ ନିଜ ମାମଲାରେ ତର୍କ କରିବା ପାଇଁ ପ୍ରସ୍ତୁତ ନୁହେଁ, ଏହା ଜମା ଠିକ ନୁହଁ।''


ଅତୀତରେ ଓକିଲ ମାନଙ୍କ ଦ୍ବାରା ଦିଆଯାଇଥିବା ସ୍ଥଗିତାଦେଶ ଦାବିକୁ ମଧ୍ୟ ବିଚାରପତି ମାନେ ଆପତ୍ତି କରିଥିଲେ ଏବଂ ବରିଷ୍ଠ ଓକିଲଙ୍କ ଅନୁପସ୍ଥିତିରେ ଯୁକ୍ତି କରିବାକୁ ଯୁବ ଆଇନଜୀବୀଙ୍କୁ କହିଥିଲେ। ବିଚାରପତି ସେମାନଙ୍କୁ ମଧ୍ୟ ଆଶ୍ୱାସନା ଦେଇଛନ୍ତି ଯେ, ଯଦି ସେମାନେ ଭୁଲ କରନ୍ତି ତେବେ କୋର୍ଟର କାର୍ଯ୍ୟକାରୀତା ଉଦାରବାଦୀ ରହିବ। ପ୍ରଧାନ ବିଚାରପତି ହେବା ଧାଡିରେ ଥିବା ଜଷ୍ଟିସ ଚନ୍ଦ୍ରଚୂଡ ଏହି ସପ୍ତାହ ଆରମ୍ଭରେ ଜଣେ ଜୁନିଅର ଓକିଲଙ୍କୁ କହିଥିଲେ ଯେ, ଆପଣ ବର୍ତ୍ତମାନ ଆମ ପାଇଁ ଜଣେ ବରିଷ୍ଠ ଓକିଲ ଅଟନ୍ତି, ଦ୍ବିପହର ପ୍ରଯ୍ୟନ୍ତ ଆମେ ଆପଣଙ୍କୁ ଏହି ପଦବୀ ଦେଲୁ, ଆସନ୍ତୁ ବର୍ତ୍ତମାନ ଏହି ମାଲାରେ ବିତର୍କ କରିବା। ଆମେ ଆପଣଙ୍କୁ ନିଶ୍ଚିତ କରୁଛୁ ଯେ, ଆମେ ଆପଣଙ୍କ ସହିତ ଉଦାର ପରି ରହିବୁ।


ଜଷ୍ଟିସ୍ ଚନ୍ଦ୍ରଚୁଦ୍ କହିଛନ୍ତି, 'ଯଦି ଆପଣ ଯୁକ୍ତି କରୁନାହାନ୍ତି, ତେବେ ଆମେ ନ୍ୟାୟ ପ୍ରଦାନ କରିକୁ, କାରଣ ଆମେ ନ୍ୟାୟ ଦେବା ପାଇଁ ସମ୍ବିଧାନର ଶପଥ ନେଇଛୁ।' ଜୁନିୟର ଓକିଲ ସ୍ଥଗିତାଦେଶର ଦାବି କରି କହିଥିଲେ ଯେ, ମୋର ସିନିୟର ଓକିଲ ଅନ୍ୟ ଅଦାଲତରେ ତର୍କ କରୁଛନ୍ତି। ବିଚାରପତି ଚନ୍ଦ୍ରଚୂଡ ଅସନ୍ତୋଷ ବ୍ୟକ୍ତ କରି କହିଥିଲେ, ସୁପ୍ରିମକୋର୍ଟରେ ବିଭିନ୍ନ ପକ୍ଷର ଓକିଲଙ୍କ ମଧ୍ୟରେ ଗୋଟିଏ ସମାନତା ହେଉଛି, ସେମାନେ ସ୍ଥଗିତ ପାଇଁ ସର୍ବଦା ପ୍ରସ୍ତୁତ।