ଦୂର ହେବ ୱେଟିଂ ଲିଷ୍ଟ ଟିକେଟ ସମସ୍ୟା, ଟ୍ରାକରେ ଦୌଡିବ `କ୍ଲୋନ ଟ୍ରେନ`

ସାଗର ରଥ, ନୂଆଦିଲ୍ଲୀ: ରେଳରେ ଯାତ୍ରା କରୁଥିବା ଅଧିକାଂଶ  ଯାତ୍ରୀଙ୍କର ଏହି ଅଭିଯୋଗ ଥାଏ ଯେ କନଫର୍ମ ଟିକେଟ( Confirm Ticket) କୋଉ ମିଳୁଛି? ଏହି ସମସ୍ୟା ଦୂର କରିବାକୁ ଭାରତୀୟ ରେଳବାଇ (Indian Railway) ପକ୍ଷରୁ ଆରମ୍ଭ ହୋଇଛି ନୂଆ ପ୍ରୟାସ । ଆଜ୍ଞା ହଁ, ସେପ୍ଟେମ୍ବର ୨୧ ତାରିଖରୁ ୱେଟିଂ ଲିଷ୍ଟ ଟିକେଟକୁ (Waiting List Ticket) ଶେଷ କରିବା ପାଇଁ ରେଳବାଇ ପକ୍ଷରୁ 'କ୍ଲୋନ ଟ୍ରେନ' (Clone Train) ଚଳାଯିବାର ବ୍ୟବସ୍ଥା କରାଯାଉଛି। 

ଏହି ଟ୍ରେନର ଅର୍ଥ ହେଉଛି ଗୋଟିଏ ନାଁ ଓ ନମ୍ବରର ଦୁଇଟି ଟ୍ରେନ, ଆଗ ପଛ ହୋଇ କିଛି ସମୟର ବ୍ୟବଧାନ ଯାତ୍ରା କରିବ । ଉଦାହରଣ ସ୍ୱରୂପ, ଯଦି ଜଣେ ଯାତ୍ରୀ ନୂଆଦିଲ୍ଲୀ-ଭୁବନେଶ୍ୱର (Newdelhi-Bhubaneswar) ମଧ୍ୟରେ ଚଳାଚଳ କରୁଥିବା ରାଜଧାନୀ ଏକ୍ସପ୍ରେସ୍ (Rajdhani Express) ଅପରାହ୍ନ ୪ଟା ବେଳେ ବାହାରୁଥାଏ, ତେବେ ତାହାର 'କ୍ଲୋନ ଟ୍ରେନ' ୱେଟିଂ ଲିଷ୍ଟରେ ଥିବା ଯାତ୍ରୀଙ୍କୁ ଧରି ଅପରାହ୍ନ ୩ଟା କିମ୍ବା ୫ଟା ବେଳେ ବାହାରିବ । ଯାହା ଦ୍ୱାରା ଟିକେଟ କାଟିଥିବା ଯାତ୍ରୀ ବିନା କୌଣସି ଅସୁବିଧାରେ ଯାତ୍ରା କରିପାରିବେ ।     

ରେଲୱେ ଉପମହାନିର୍ଦେଶକଙ୍କ (Railway Deputy Director) ଅନୁଯାୟୀ ସେପ୍ଟମ୍ବର ୨୧ ତାରିଖରୁ ରେଳବାଇ ୨୦ଟି ରୁଟରେ ୪୦ଟି କ୍ଲୋନ ଟ୍ରେନ ସେବା ଆରମ୍ଭ କରିବା । ଏହି ଟ୍ରେନ ଲାଗି ବୁକିଂ ୧୯ ସେପ୍ଟେମ୍ବରରୁ ଆରମ୍ଭ କରାଯିବ । ଆଗକୁ ୧୦ ଦିନ ପୂର୍ବରୁ ଟିକେଟ କରିଥିବା ଯାତ୍ରୀ ମଧ୍ୟ ଏହି ଟ୍ରେନରେ ଯାତ୍ରା କରିପାରିବେ।     

ଏପରି ଟ୍ରେନର ବିଶେଷତ୍ଵ ହେଉଛି ଏଥିରେ କେବଳ ରହଣୀସ୍ଥଳ (Stoppage) କମ ରହିବ ତା ନୁହେଁ, ଏହାର ବେଗ ମଧ୍ୟ ଦ୍ରୁତତର (Fastest) ରହିବ । ଏହାର ଗନ୍ତବ୍ୟ ସ୍ଥଳରେ ନିର୍ଦ୍ଧାରିତ ସମୟ ପୂର୍ବରୁ ପହଞ୍ଚିବ। ଏପରି ଅତିରିକ୍ତ ସୁବିଧା ଲାଗି ଯାତ୍ରୀଙ୍କୁ କିଛି ଅଧିକ ଭଡା ଦେବାକୁ ହେବ । ଯେହେତୁ ୱେଟିଂ ଟିକେଟର (Waiting Ticket) ସମସ୍ୟା ରହିବ ନାହିଁ, ଯାତ୍ରୀ ନିଶ୍ଚୟ ସନ୍ତୋଷ ଲାଭ କରିବେ। ରେଳବାଇ ପକ୍ଷରୁ କେତେକ ରୁଟକୁ ଅଧୟନ କରାଯିବା ପରେ ଏହି ନିଷ୍ପତ୍ତି ନିଆଯାଇଛି । ଯଦି ଏହା ସଫଳ ହୁଏ, ଆଗକୁ ସମଗ୍ର ଦେଶର ଅନ୍ୟ କେତେକ ରୁଟରେ ଏହାକୁ  ପ୍ରୟୋଗ କରାଯିବାର ଯୋଜନା ରହିଛି ।