କୋଲକାତାରେ ପଶ୍ଚିମବଙ୍ଗ ବିଜେପି ସଭାପତିଙ୍କ ଉପରେ ଆକ୍ରମଣ

କୋଲକାତା ଠାରେ ଆକ୍ରମମଣର ଶିକାର ହୋଇଛନ୍ତି ପଶ୍ଚିମବଙ୍ଗ ବିଜେପି ସଭାପତି ଦିଲ୍ଲୀପ ଘୋଷ |

କୋଲକାତା: ପଶ୍ଚିମବଙ୍ଗ ବିଜେପି ରାଜ୍ୟ ଶାଖା ସଭାପତି ତଥା ମେଦୀନପୁର ସାଂସଦ ଦିଲ୍ଲୀପ ଘୋଷ କୋଲକାତାସ୍ଥିତ ନ୍ୟୁଟାଉନ ଠାରେ ଆକ୍ରମଣର ଶୀକାର ହୋଇଛନ୍ତି | ଏପରିକି ତାଙ୍କ ସୁରକ୍ଷାକର୍ମୀ ଆକ୍ରମଣରୁ ବାଦ ପଡିନଥିବା ବେଳେ, ସଭାପତିଙ୍କ ଗାଡିକୁ ଭଙ୍ଗା ରୁଜା କରାଯାଇଛି | ଏ ଘଟଣା ପରେ ତାଙ୍କୁ ଜଣେ ଦଳୀୟ କର୍ମକର୍ତ୍ତାଙ୍କ ଘରକୁ ପଠାଇ ଦିଆଯାଇଥିଲା |     

କୋଲକାତାରେ ନ୍ୟୁଟାଉନ ଠାରେ ଆୟୋଜିତ 'ଚାଇ ପେ ଚର୍ଚ୍ଚା'( chai pe charcha) କାର୍ଯ୍ୟକ୍ରମରେ ଦଳୀୟ ସମର୍ଥକଙ୍କ ସହ ଯୋଗ ଦେଇଥିଲେ | ଏନେଇ ହୋଇଥିବା ଅଭିଯୋଗ ଅନୁସାରେ ସେଠାରେ ଶାସକ ତୃଣମୂଳ କଂଗ୍ରେସ କର୍ମକର୍ତ୍ତା ସେଠାରେ ପହଞ୍ଚି ବିଶୃଙ୍ଖଳା ସୃଷ୍ଟି କରିବା ପରେ ଉଭୟ ପକ୍ଷ ମଧ୍ୟରେ କଳହ ଆରମ୍ଭ ହୋଇଥିଲା |         

ଏପରିକି ତୃଣମୂଳ କଂଗ୍ରେସ କର୍ମକର୍ତ୍ତା ବିଜେପି ନେତା ଏବଂ କର୍ମୀଙ୍କ ଗାଡି ଭଙ୍ଗାରୁଜା କରିଥିଲେ | ଏହି ଆକ୍ରମଣ ପଛରେ ତୃଣମୂଳ କଂଗ୍ରେସ ନେତା ମୋହସିନ ଗାଜୀଙ୍କ ଭୂମିକା ରହିଥିବା ରାଜ୍ୟ ବିଜେପି ସଭାପତି ଅଭିଯୋଗ କରିଛନ୍ତି | ଅନ୍ୟପଟେ ଟିଏମସି ତାପସ ଚାଟାର୍ଜୀ ଏପରି ଘଟଣା ବିଷୟରେ ବାବଦରେ କିଛି ଜାଣି ନାହାଁନ୍ତି ବୋଲି କହିଛନ୍ତି |  

ପଶ୍ଚିମବଙ୍ଗ ବିଜେପି ରାଜ୍ୟ ସଭାପତି ଦିଲ୍ଲୀପ ଘୋଷଙ୍କ ଉପରେ ହୋଇଥିବା ଆକ୍ରମଣକୁ ନିନ୍ଦା କରିଛନ୍ତି କଂଗ୍ରେସ ସଂସଦୀୟ ଦଳ ନେତା ତଥା ରାଜ୍ୟର ବ୍ରହ୍ମପୁର ଲୋକସଭା ଆସନର ସାଂସଦ ଅଧିର ରଞ୍ଜନ ଚୌଧୁରୀ | ଏନେଇ ସେ କହିଛନ୍ତି ଘୋଷଙ୍କ ସହ ରାଜନୈତିକ ମତଭେଦ ରହିଛି ହେଲେ ଜଣେ ରାଜନେତାଙ୍କ ଉପରେ ହୋଇଥିବା ଆକ୍ରମଣକୁ ଦୃଢ ଭାବେ ନିନ୍ଦା କରୁଛନ୍ତି |