Whatsapp: ବିଶ୍ୱର ବଡ଼ ସୋସିଆଲ ମିଡି଼ଆ ପ୍ଲାଟଫର୍ମ ହ୍ୱାଟ୍ସ ଆପର(Whtsapp) ବଡ଼ ଧରଣର ନିଷ୍ପତ୍ତି ପରେ ଅନେକ ମନ୍ଦ ଉଦ୍ଦେଶ୍ୟ ରଖି ଏହାକୁ ଅପବ୍ୟବହାର କରୁଥିବା ୟୁଜର୍ସ ଏବେ ଚିନ୍ତାରେ । ଲକ୍ଷାଧିକ ଆକାଉଣ୍ଟ ବନ୍ଦ କରି ଏବେ ୟୁଜର୍ସଙ୍କୁ ସଠିକ ଢଙ୍ଗରେ ଏହାର ବ୍ୟବହାର କରିବା ପାଇଁ ପରୋକ୍ଷ ଭାବରେ କଡ଼ା ଆଭିମୁଖ୍ୟ ସହ ଚେତାବନୀ ଦେଇଛି ଆପ୍ । ରିପୋର୍ଟ ଅନୁସାରେ ଆପ୍ ଡିସେମ୍ବର ୨୦୨୨ରେ ଭାରତରେ ୩୬.୭୭ ଲକ୍ଷରୁ ଅଧିକ ଆକାଉଣ୍ଟ ଉପରେ ପ୍ରତିବନ୍ଧକ ଲଗାଇଛି । ବୁଧବାର ଦିନ କମ୍ପାନୀ ଏହି ଆକାଉଣ୍ଟ ଗୁଡିକ ଉପରେ ପ୍ରତିବନ୍ଧକ ଲଗାଇବା ସୂଚନା ମିଳିଛି। ନୂଆ ଆଇଟି ନିୟମ ୨୦୨୧ ଅନୁଯାୟୀ ଡିସେମ୍ବର ୨୦୨୨ରେ ଏହି ଆକାଉଣ୍ଚ ଉପରେ ନିଷିଦ୍ଧାଦେଶ ଜାରି କରିଛି ।


COMMERCIAL BREAK
SCROLL TO CONTINUE READING

ଡିସେମ୍ବର ୧ରୁ ଡିସେମ୍ବର ୩୧ ମଧ୍ୟରେ ୩,୬୭୭,୦୦୦ ହ୍ବାଟ୍ସଆପ୍‌ ଆକାଉଣ୍ଟ ଉପରେ ପ୍ରତିବନ୍ଧକ ଲଗାଯାଇଛି । ଏଥିମଧ୍ୟରୁ ଉପଭୋକ୍ତାଙ୍କ ୧,୩୮୯,୦୦୦ ଆକାଉଣ୍ଟଙ୍କୁ ସିଧାସଳଖ ବ୍ୟାନ କରାଯାଇଛି । ଦେଶରେ ୪୦୦ ମିଲିୟନରୁ ଅଧିକ ୟୁଜର୍ସ ଅଛନ୍ତି । ଗତ ଡିସେମ୍ବର ମାସରେ ପ୍ରାୟ ୧୬୭୦ଟି ଅଭିଯୋଗ ଆସିଥିଲା।  ପରେ କମ୍ପାନୀ ପକ୍ଷରୁ ୧୬୪ଟି ଆକାଉଣ୍ଟ ଉପରେ ଆକ୍ସନ ନିଆଯାଇଥିଲା ।


ହ୍ୱାଟସ ଆପ୍ ଏହାର ଇଣ୍ଡିଆ ମାସିକ ରିପୋର୍ଟରେ କହିଛି ଯେ “ଡିସେମ୍ବର ୧, ୨୦୨୨ ରୁ ଡିସେମ୍ବର ୩୧, ୨୦୨୨ ମଧ୍ୟରେ ଆପ୍ ୩୬ .୭୭ ଲକ୍ଷ ଆକାଉଣ୍ଟ ଉପରେ ପ୍ରତିବନ୍ଧକ ଲଗାଇଛି। ୨୦୨୧ ର ନୂତନ ଆଇଟି ନିୟମ ପରେ, ପ୍ରତ୍ୟେକ ପ୍ରମୁଖ ଡିଜିଟାଲ୍ ପ୍ଲାଟଫର୍ମକୁ ପ୍ରତି ମାସରେ କମ୍ପ୍ଲାଏନ୍ସ  ରିପୋର୍ଟ ଦେବାକୁ ପଡିବ । ଏହି ରିପୋର୍ଟରେ, ସୋସିଆଲ୍ ମିଡିଆ ( Social Media Platform) ପ୍ଲାଟଫର୍ମ ଗୁଡ଼ିକ ୟୁଜର୍ସଙ୍କ ପ୍ଲାଟଫର୍ମକୁ ସୁରକ୍ଷିତ କରିବା ଦିଗରେ ସୂଚନା ପ୍ରଦାନ କରଥାନ୍ତି |


କାହିଁକି ଆକାଉଣ୍ଟ ଉପରେ ପ୍ରତିବନ୍ଧ ଲଗାଏ ହ୍ୱାଟସ ଆପ୍?


ହେଟ ସ୍ପିଚ, ଭୁଲ ତଥ୍ୟ ଓ ମିଥ୍ୟା ଖବର ପ୍ରସାରଣ ପାଇଁ ବର୍ତ୍ତମାନ ସମୟରେ ସୋସିଆଲ ମିଡ଼ିଆ ପ୍ଲାଟଫର୍ମକୁ ବହୁଳ ମାତ୍ରାରେ ବ୍ୟବହାର କରାଯାଇଛି । ଏଭଳି ବିଭ୍ରାନ୍ତିକର ଓ ଅପ୍ରୀତିକର ପରିସ୍ଥିତିକୁ ଏଡାଇବା ପାଇଁ ସୋସିଆଲ ମିଡିଆ ପ୍ଲାଟଫର୍ମକୁ ଆକାଉଣ୍ଟ ବ୍ୟାନ କରିବା ଭଳି କଡା଼ ପଦକ୍ଷେପ ନେବାକୁ ପଡ଼ଥାଏ ।


ଅନ୍ୟପଟେ ହ୍ୱାଟସ ଆପ୍ କହିଛି ଡିସେମ୍ବର ମାସରେ ସେମାନେ ୧୪୫୯ଟି ଅଭିଯୋଗ ଗ୍ରହଣ କରିଛନ୍ତି, ସେଥିମଧ୍ୟରୁ ହ୍ୱାଟସ ଆପ୍ କେବଳ ୧୬୪ ଆକାଉଣ୍ଟ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିଛି ।