ଆପ୍ ମୁଖ୍ୟଙ୍କୁ ଅପେକ୍ଷା କରିଛି `ବିଜୟ ରଥ`

ନୂଆଦିଲ୍ଲୀ: ଏକଜିଟ ପୋଲ ଦେଖି ଖୁସ ହୋଇଯାଇଥିଲା ଆପ୍ । ଆଉ ଏବେ ଭୋଟ ଗଣତି ଟ୍ରେଣ୍ଡ ଦେଖି ଏହି ଖୁସି ଦ୍ୱିଗୁଣିତ ହୋଇଯାଇଛି । ଦଳୀୟ କାର୍ଯ୍ୟାଳୟରେ ଖୁସିର ମାହୋଲ । ବର୍ତ୍ତମାନର ଟ୍ରେଣ୍ଡ କହୁଛି, ଆପ୍ ହାଫ୍ ସେଞ୍ଚୁରି ମାରିବ । ସେହିପରି ବିଜେପି ୨୦ ଆସନ ପାଇପାରେ । ଅନ୍ୟପଟେ କଂଗ୍ରେସ ଏଥର ମଧ୍ୟ ଖାତା ଖୋଲିବା କାଠିକର ପାଠ । 

ତେବେ ଭୋଟ ଗଣତି ଆରମ୍ଭ ପୂର୍ବରୁ ହିଁ ଆପ୍ କାର୍ଯ୍ୟାଳୟରେ ଖୁସିର ମାହୋଲ । କାର୍ଯ୍ୟାଳୟ ବାହାରେ ଏକ ଗାଡ଼ି ପ୍ରସ୍ତୁତ ରହିଛି । ଦଳର ବିଜୟ ସୁନିଶ୍ଚିତ ହେବା ପରେ ଏହି ଗାଡ଼ିରେ ବସି ରାଲି କରିବେ କେଜ୍ରିୱାଲ । ଆଉ ଏଇଥି ପାଇଁ ସମସ୍ତ ପ୍ରକାର ପ୍ରସ୍ତୁତି କରାଯାଉଛି । ସେହିପରି ଏବେ ଦିଲ୍ଲୀ ସ୍ଥିତ ଆପ୍ କାର୍ଯ୍ୟାଳୟରେ କାର୍ଯ୍ୟକର୍ତ୍ତାଙ୍କ ଭିଡ଼ ଜମିଛି । 

ଆଜି ଭୋଟ ଗଣତି ଆରମ୍ଭରୁ ହିଁ ଆପ୍ ଆଗୁଆ ଚାଲିଛି । ଯାହା ମନେ ହେଉଛି, ସତ ହେବ ଏକଜିଟ ପୋଲ । ପୁଣିଥରେ କ୍ଷମତାକୁ ଆପ୍ ଯେ ଆସୁଛି, ତାହା ଆଉ ଅଳ୍ପ ସମୟ ପରେ ଗୋଟିଏ ପ୍ରକାର ସ୍ପଷ୍ଟ ହୋଇଯିବ ।