ପିକନିକ୍ ଯିବା ପାଇଁ ଭାବୁଛନ୍ତି କି ? ଥରେ ବୁଲିଯାଆନ୍ତୁ ସାପୁଆ ଡ୍ୟାମ
ପ୍ରକୃତିକ ସୌନ୍ଦର୍ଯ୍ୟରେ ଭରପୁର ଏହି ପର୍ଯ୍ୟଟନସ୍ଥଳୀରେ ଶୀତ ଦିନ ଜମୁଛି ପର୍ଯ୍ୟଟକଙ୍କ ଭିଡ
ପ୍ରଭାତ ପୃଷ୍ଟି, ହିନ୍ଦୋଳ: ଚାଲିଛି ପିକନିକ୍ ଟାଇମ୍ । ରାଜ୍ୟର ବିଭିନ୍ନ ପର୍ଯ୍ୟଟନସ୍ଥଳୀରେ ପର୍ଯ୍ୟଟକଙ୍କ ଭିଡ ଜମୁଥିବା ବେଳେ ଆଉ ବଣଭୋଜିର ମଜା ନେଉଛନ୍ତି ପର୍ଯ୍ୟଟକ । ପ୍ରକୃତି କୋଳରେ ନିଜକୁ ହଜେଇ ଦେବାକୁ ଚାହୁଁଛନ୍ତି କି? ତେବେ ବୁଲିବାକୁ ଯାଆନ୍ତୁ ହିନ୍ଦୋଳର ପର୍ଯ୍ୟଟନସ୍ଥଳୀ ସାପୁଆ ଡ୍ୟାମ ।
ହିନ୍ଦୋଳ ସବଡଭିଜନରେ ରହିଛି ସାପୁଆ ଡ୍ୟାମ । ପ୍ରକୃତିକ ସୌନ୍ଦର୍ଯ୍ୟରେ ଭରପୁର ଏହି ପର୍ଯ୍ୟଟନସ୍ଥଳୀରେ ଶୀତ ଦିନ ଜମୁଛି ପର୍ଯ୍ୟଟକଙ୍କ ଭିଡ । ବଣ ଭୋଜିର ପ୍ରାକୃତିକ ଶୋଭାରାଜିକୁ ମନଭରି ଉପଭୋଗ କରୁଛନ୍ତି ପର୍ଯ୍ୟଟକ ।
ସବୁଜ ବନାନୀର ମନଲୋଭା ଦୃଶ୍ୟକୁ ଉପଭୋଗ କରିବା ସହ , ଝରଣା ପାଣି ଓ କାଠ ଚୁଲିରେ ବଣଭୋଜି କରି ଆନନ୍ଦିତ ହେଉଛନ୍ତି ପର୍ଯ୍ୟଟକ । ଏଠାରେ ପାନୀୟ ଜଳର ସୁବିଧା, ସ୍ୱଚ୍ଛତା ଓ ସୌନ୍ଦର୍ଯ୍ୟକରଣ ଉପରେ ଗୁରୁତ୍ୱ ଦିଆଗଲେ ଦେଶ ବିଦେଶରେ ଏହି ସୁନ୍ଦର ସ୍ଥାନର ଖ୍ୟାତି ଆହୁରୀ ବଢନ୍ତା ବୋଲି ମତ ଦିଅନ୍ତି ପର୍ଯ୍ୟଟକ ।