Riva Arora: ଅଭିନେତ୍ରୀଙ୍କ ବୟସ ୧୩, କିନ୍ତୁ ମା’ ଦେଲେ ୪୪ ଲକ୍ଷର କାର୍ ଉପହାର

ବର୍ତ୍ତମାନ ଅଭିନେତ୍ରୀଙ୍କ ଫଲୋୱର ସଂଖ୍ୟା ୧୦ମିଲିୟନରେ ପହଞ୍ଚିବା ପରେ ତାଙ୍କ ମା’ ତାଙ୍କୁ ୪୪ଲକ୍ଷ ଟଙ୍କାର ଅଡି କ୍ୟୁ୩ ଉପହାର (car worth Rs 44 lakh) ଦେଇଛନ୍ତି।

ଏହାର ଫଟୋ ଇନଷ୍ଟାରେ ସେୟାର କରି ରିବା ନିଜର ଖୁସି ବ୍ୟକ୍ତ କରିଥିବା ବେଳେ ଲୋକ‌େ ତାଙ୍କୁ ଟ୍ରୋଲ କରୁଥିବା ଦେଖାଯାଇଛି। 

ଜଣେ ୟୁଜର୍ସ ଲେଖିଛନ୍ତି, ପ୍ରଥମେ ଡ୍ରାଇଭିଙ୍ଗ ଲାଇସେନ୍ସ (driving licence)କର। ଅନ୍ୟଜଣେ ୟୁଜର୍ସ ଲେଖିଛନ୍ତି, ସରକାର ଇନଷ୍ଟାଗ୍ରାମ ଉପରେ ପ୍ରତିବନ୍ଧକ ଲଗାଇବା ଆବଶ୍ୟକ। ତେବେ କିଛି ତାଙ୍କୁ ଟ୍ରୋଲ କରୁଥିଲେ ବି ତାଙ୍କ ପ୍ରଶଂସକ ଅଭିନେତ୍ରୀଙ୍କ ଖୁସିରେ ଖୁସିଥିବା କହିଛନ୍ତି।

ଏହି ଅଭିନେତ୍ରୀ ୨୦୧୧ ମସିହାରେ ଚଳଚ୍ଚିତ୍ର ‘ରକଷ୍ଟାର୍’ ସହିତ ନିଜର ଅଭିନୟ କ୍ୟାରିୟର ଆରମ୍ଭ କରିଥିଲେ ଏବଂ ଏହା ପରେ ସେ ଫିଲ୍ମ ‘ମମ୍’,‘ଉରି: ଦି ସର୍ଜିକାଲ୍ ଷ୍ଟ୍ରାଇକ୍’, ‘ଗୁଞ୍ଜନ ସକ୍ସେନା: ଦି କାର୍ଗିଲ୍ ଗର୍ଲ’ ଆଦିରେ ଅଭିନୟ କରିଥିଲେ। 

ସେ ଅନେକ ଟିଭି ଶୋ’ରେ ମଧ୍ୟ କାମ କରିଛନ୍ତି ଏବଂ ସେ ଜଣେ ଇନଷ୍ଟାଗ୍ରାମ ଇନଫ୍ଲୁଏନ୍ସର ମଧ୍ୟ।