SRK New Car: ଶାହାରୁଖ ଖାନ୍ ଙ୍କ ଘରକୁ ଆସିଲା Rolls Royce, ଜାଣନ୍ତୁ ଦାମ କେତେ?

ବାସ୍ତବରେ କିଙ୍ଗ ଖାନ ନିକଟରେ ତାଙ୍କ ଘରକୁ ରୋଲ୍ସ ରୋଏସ୍ କୁଲିନାନ୍ ବ୍ଲାକ୍ ବ୍ୟାଜ୍ ଆଣିଛନ୍ତି। ମିଡିଆ ରିପୋର୍ଟ ଅନୁଯାୟୀ, ଏହି କାରର ଶୋ’ରୁମ୍ ମୂଲ୍ୟ ପ୍ରାୟ ଆଠ କୋଟି ୨୦ ଲକ୍ଷ ଟଙ୍କା ଅଟେ।

ଏଥି ସହିତ, ଏହାକୁ ପର୍ସନାଲାଇଜ କରିବା ପରେ ଏହାର ମୂଲ୍ୟ ପାଖାପାଖି ଦଶ କୋଟିର ହୋଇଛି। ଏହି କାର ସହ ଜଡିତ ଏକ ଭିଡିଓ ସୋସିଆଲ ମିଡିଆରେ ଦିନକୁ ଦିନ ଭାଇରାଲ ହେବାରେ ଲାଗିଛି।

ଏହି କ୍ଲିପ୍ ରେ, ଏହି କାର୍ ମନ୍ନତ ଭିତରକୁ ଯାଉଥିବାର ଦେଖାଯାଉଛି । ଏଠାରେ କହିରଖୁଛୁ ଯେ, ଏହା ପ୍ରଥମ ଘଟଣା ନୁହେଁ ଯେତେବେଳେ ଶାହାରୁଖ କିଛି ବିଳାସପୂର୍ଣ୍ଣ ଜିନିଷ ଯୋଗୁଁ ଲାଇମଲାଇଟରେ ଆସିଛନ୍ତି । ଏହାପୂର୍ବରୁ ତାଙ୍କର ଏକ ଘଣ୍ଟାକୁ ନେଇ ଚର୍ଚ୍ଚା ହୋଇଥିଲା। ଅନେକ ରିପୋର୍ଟରେ ଏହାର ମୂଲ୍ୟ ପାଞ୍ଚ କୋଟି ଟଙ୍କା ବୋଲି କୁହାଯାଇଥିଲା

ଉଲ୍ଲେଖନୀୟ କଥା ହେଉଛି, ପଠାନର ସଫଳତା ପରେ ଆଜିକାଲି ଶାହାରୁଖଙ୍କ ଫ୍ୟାନ୍ସ ଫଲୋଅର୍ସ ବି ବୃଦ୍ଧି ପାଇବାରେ ଲାଗିଛନ୍ତି। ନିକଟରେ ତାଙ୍କ ଚଳଚ୍ଚିତ୍ର ବାହୁବଳୀ ଟୁ କୁ ଅତିକ୍ରମ କରି ସର୍ବାଧିକ ଆୟ କରିଥିବା ହିନ୍ଦୀ ଚଳଚ୍ଚିତ୍ରରେ ପରିଣତ ହୋଇଛି । ଏହି ଚଳଚ୍ଚିତ୍ର ପରେ ପ୍ରଶଂସକମାନେ ଉତ୍ସାହର ସହିତ ଏସଆରକେଙ୍କ ପରବର୍ତ୍ତୀ ଫିଲ୍ମକୁ ଅପେକ୍ଷା କରି ରହିଛନ୍ତି।

ଏସଆରକେ ଙ୍କ ଆଗାମୀ ଫିଲ୍ମ ଜୱାନରେ ନୟନ୍ତରା ଏବଂ ବିଜୟ ସେଥୁପତୀ ମଧ୍ୟ ତାଙ୍କ ସହ ଏହି ଫିଲ୍ମରେ ନଜର ଆସିବେ। ଏଥି ସହିତ, ଏହା ପରେ ତାଙ୍କୁ ରାଜକୁମାର ହିରାନୀଙ୍କ ଫିଲ୍ମ ଡଙ୍କିରେ ମଧ୍ୟ ଦେଖିବାକୁ ମିଳିବ । ବର୍ତ୍ତମାନ ଉଭୟ ଫିଲ୍ମରେ କାମ ଦ୍ରୁତ ଗତିରେ ଚାଲିଛି। ମିଡିଆ ରିପୋର୍ଟ ଅନୁଯାୟୀ, ଡଙ୍କି ଚଳିତ ବର୍ଷ ଡିସେମ୍ବର ମାସରେ ମୁକ୍ତିଲାଭ କରିବାକୁ ଯାଉଛି।