Taali Teaser: କିନ୍ନର ଭୂମିକାରେ ସୁସ୍ମିତା ସେନ୍, ଗୌରୀ ସାବନ୍ତଙ୍କ ଗାଳିରୁ ତାଳି ପର୍ଯ୍ୟନ୍ତ କାହାଣୀ...
Taali Teaser: ନିଜର ଦମଦାର ଅଭିନୟ ପାଇଁ ବେଶ ଜଣାସୁଣା ଅଭିନେତ୍ରୀ ସୁସ୍ମିତା ସେନ୍ । ନିକଟରେ ଅଭିନେତ୍ରୀଙ୍କ ଧମାକେଦାର କମବ୍ୟାକକୁ ନେଇ ସବୁଠି ଚର୍ଚ୍ଚା । `ଆର୍ଯ୍ୟ`ର ସଫଳତା ପରେ ସୁସ୍ମିତା `ତାଲି` ୱେବ୍ ସିରିଜରେ ନଜର ଆସିବେ । ଏହି ୱେବ୍ ସିରିଜଟି ଅଗଷ୍ଟ ୧୫ ତାରିଖରେ ରିଲିଜ୍ ହେବାକୁ ଯାଉଥିଲା ବେଳେ ଶନିବାର ଦିନ ଏହାର ଟିଜର ରିଲିଜ୍ ହୋଇଛି ।
ଏହି ୱେବ ସିରିଜଟି ସମାଜସେବୀ କିନ୍ନର ଶ୍ରୀ ଗୌରୀ ସାବନ୍ତଙ୍କ ଜୀବନ କାହାଣୀକୁ ନେଇ ତିଆରି ହୋଇଛି । ଏହି ଟିଜରରୁ ସୁସ୍ମିତା ସେନ୍ ଗୌରୀ ସାବନ୍ତଙ୍କ ଭୂମିକାରେ ଅଭିନୟ କରୁଥିବା ଜଣାପଡ଼ିଛି ।
ଗୌରୀ ସାବନ୍ତଙ୍କ ଜୀବନରେ ଗାଳିରୁ ତାଳି ପର୍ଯ୍ୟନ୍ତ ଘଟିଥିବା ସମସ୍ତ ଘଟଣାବଳୀ ଓ ଦେଶରେ ତୃତୀୟ ଲିଙ୍ଗ ପାଇଁ ତାଙ୍କ ଲଢେଇର କାହାଣୀକୁ ନେଇ ଏହି ୱେବ ସିରିଜଟି ଗତିଶୀଳ ।
ୟୁଟ୍ୟୁବ ଜିଓ ସିନେମାରେ ଏହି ଟିଜର ରିଲିଜ ହୋଇଥିବା ବେଳେ ନିଜ ଇନଣ୍ଟାଗ୍ରାମ ଆକାଉଣ୍ଟରେ ଏକ ପୋଷ୍ଟ କରି ଏନେଇ ସୂଚନା ଦେଇଛନ୍ତି ସୁସ୍ମିତା ସେନ୍ ।
ଟିଜର ରିଲିଜ ହେବା ପରେ ଲୋକଙ୍କ ମଧ୍ଯରେ ଉତ୍ସାହ ଦେଖିବାକୁ ମିଳିଛି । ସୁସ୍ମିତାଙ୍କ ଏହି ଇନଣ୍ଟାଗ୍ରାମ ପୋଷ୍ଟରେ କମେଣ୍ଟ କରି ଅନେକ ଫ୍ୟାନ୍ସ ଏହି ଟିଜରର ପ୍ରସଂଶା କରୁଥିବା ଦେଖିବାକୁ ମିଳିଛି ।
କିଛିଦିନ ପୂର୍ବରୁ ‘ତାଲି’ର ପୋଷ୍ଟର ରିଲିଜ ହୋଇଥିଲା । ଯେଉଁଥିରେ ସୁସ୍ମିତାଙ୍କ ଲୁକ୍ ସମସ୍ତଙ୍କୁ ଆଶ୍ଚର୍ଯ୍ୟ କରିଥିଲା ।
ପୁରୁଷଙ୍କ ଭଳି ଚେହେରା, ଦେହରେ ଶାଢୀ, କପାଳରେ ବଡ଼ ଲାଲ ସିନ୍ଦୁର ଟୋପା ଓ ବେକରେ ଫୁଲମାଳ ପକାଇ ନଜର ଆସିଥିଲେ ଅଭିନେତ୍ରୀ ।