Hug Benefits: ଆଲିଙ୍ଗନରୁ ମିଳିଥାଏ ଏହି ଜବରଦସ୍ତ ଫାଇଦା, ଦୂର ହୋଇଥାଏ ଏହି ସବୁ ରୋଗ
Hug Benefits: ଜାତୀୟ ସ୍ତରରେ ଜାନୁଆରୀ ୨୧ ତାରିଖକୁ ନ୍ୟାସନାଲ ଆଲିଙ୍ଗନ ଦିବସ ଭାବେ ପାଳନ କରାଯାଏ। କାହାକୁ ଆଲିଙ୍ଗନ କରିବା ଏକ ଭଲ ଅନୁଭବ । ଯଦି କିଛି କଷ୍ଟ ସମୟରେ କେହି ଆଲିଙ୍ଗନ କରେ ବା ତାଙ୍କୁ ଆଲିଙ୍ଗନ କରାଯାଏ ତେବେ ତାଙ୍କର ଦୁଃଖ ମଧ୍ୟ କମିଯାଏ । ଆଲିଙ୍ଗନ ପ୍ରକୃତରେ ବହୁତ ଭଲ ବୋଲି ବିବେଚନା କରାଯାଏ। ଆଲିଙ୍ଗନ କରି ଲୋକଙ୍କ ମଧ୍ୟରେ ବିଭେଦ ଦୂର କରାଯାଇଥାଏ । ଏହାଦ୍ୱାରା ଅନେକ ସ୍ୱାସ୍ଥ୍ୟ ସମ୍ବନ୍ଧୀୟ ସମସ୍ୟା ମଧ୍ୟ ଦୂର ହୋଇଥାଏ। ତେବେ ଆସନ୍ତୁ ଜାଣିବା ଆଲିଙ୍ଗନ ସହିତ ଜଡିତ କିଛି ମଜାଦାର କଥା ବିଷୟରେ।
ଜାତୀୟ ଆଲିଙ୍ଗନ ଦିବସ ୧୯୮୬ ମସିହାରେ କେଭିନ ଜାବର୍ନିଙ୍କ ଦ୍ୱାରା ଆରମ୍ଭ ହୋଇଥିଲା । କେଭିନ ଜାବୋର୍ନି ବିଶ୍ୱାସ କରୁଥିଲେ ଯେ ଆମେରିକୀୟ ସମାଜର ଲୋକମାନେ ସର୍ବସାଧାରଣରେ ଏକତା ଦେଖାଇବାକୁ ଦ୍ୱିଧା କରନ୍ତି, ତେଣୁ ସେ ଜାତୀୟ ଆଲିଙ୍ଗନ ଦିବସ ଆରମ୍ଭ କଲେ ଯାହାଦ୍ୱାରା ସମାଜର ଲୋକମାନଙ୍କ ମଧ୍ୟରେ ପ୍ରେମ ଆଣିପାରିବ ।
ଆଲିଙ୍ଗନ କରିବାର ସ୍ୱାସ୍ଥ୍ୟ ସମ୍ବନ୍ଧୀୟ ଅନେକ ଲାଭ ଅଛି । ଆଲିଙ୍ଗନ ଚାପ ହ୍ରାସ କରେ ଏବଂ ଚାପ ହ୍ରାସ ହେତୁ ରୋଗ ପ୍ରତିରୋଧକ ଶକ୍ତି ଭଲ ରହିଥାଏ । ଅର୍ଥାତ୍ ରୋଗ ପ୍ରତିରୋଧକ ଶକ୍ତି ବୃଦ୍ଧି ହୋଇଥାଏ।
ମାନସିକ ସ୍ତରରେ ମଧ୍ୟ ଆଲିଙ୍ଗନ କରିବାର ଅନେକ ଲାଭ ଅଛି । ଆଲିଙ୍ଗନ କରିବା ଦ୍ୱାରା ଚାପ ଏବଂ ରକ୍ତଚାପ କମିଯାଏ । ଅର୍ଥାତ୍ ଜଣେ ଚୁପ୍ ରହିବା ସହ ମାନସିକ ସ୍ତରରେ ଚାପଗ୍ରସ୍ତ ରହିଲେ ଆତ୍ମହତ୍ୟା ପରି ଭାବନା ମଧ୍ୟ ଆସିଥାଏ । ତେବେ ଆଲିଙ୍ଗନ କରିବା ଦ୍ୱାରା ଦୁଃଖ ଓ ଯନ୍ତ୍ରଣା ମଧ୍ୟ କମିଥାଏ।
ଆଲିଙ୍ଗନ କରିବା ଦ୍ୱାରା ଶାରୀରିକ ସ୍ପର୍ଶ ହୋଇଥାଏ ଯାହା ଦ୍ୱାରା ଦମ୍ପତିଙ୍କ ପାଇଁ ଏକ ସୁନ୍ଦର ଅନୁଭବ । ଏହାଦ୍ୱାରା ଭଲ ପାଇବା ବଢିଥାଏ ଓ ବିଶ୍ୱାସ ବଢିଥାଏ। ଯାହାଫଳରେ ନିଜ ପାର୍ଟନର ପରସ୍ପର ପରସ୍ପର ସହ ସବୁ କଥା ସେୟାର କରିପାରନ୍ତି।
ଆଲିଙ୍ଗନ କରିବା ମଧ୍ୟ ସ୍ନାୟୁ ପ୍ରଣାଳୀରେ ମଧ୍ୟ ଉନ୍ନତି ପରିଲକ୍ଷିତ ହୋଇଥାଏ । ଆଲିଙ୍ଗନ କରିବାର ଅନେକ ଲାଭ ଅଛି। ଆଲିଙ୍ଗନ କରିବା ଦ୍ୱାରା ରକ୍ତଚାପ ପରି ଦୂରାରୋଗ୍ୟ ମଧ୍ୟ ହ୍ରାସ ପାଇଥାଏ।
(Disclaimer: ଏହି ଆର୍ଟିକିଲରେ ଦିଆଯାଇଥିବା ସୂଚନା ସାଧାରଣ ଅନୁମାନ ଉପରେ ଆଧାରିତ । ଜୀ ଓଡି଼ଶା ନ୍ୟୁଜ୍ ଏହାକୁ ନିଶ୍ଚିତ କରେ ନାହିଁ । କେବଳ ଜଣେ ବିଶେଷଜ୍ଞଙ୍କ ପରାମର୍ଶ ପରେ ଏହାକୁ ଅନୁସରଣ କରନ୍ତୁ ।)