Kylian Mbappe: ଅମାପ ସମ୍ପତ୍ତି ସହ ରାଜା ଭଳି ଜୀବନ, ଟ୍ରାନ୍ସଜେଣ୍ଡର ପ୍ରେମିକାଙ୍କ ପାଇଁ ଚର୍ଚ୍ଚାରେ ଫ୍ରାନ୍ସର ଏହି ଫୁଟବଲର୍
Kylian Mbappe Lifestyle: ଏମବାପେ ବର୍ତ୍ତମାନ ଦୁନିଆର ସର୍ବାଧିକ ଆୟ କରୁଥିବା ଖେଳାଳିଙ୍କ ମଧ୍ୟରୁ ଜଣେ ଏବଂ ତାଙ୍କ ନାମରେ ଅନ୍ୟାନ୍ୟ ରେକର୍ଡ ରହିଛି । ତେବେ ଚାଲନ୍ତୁ ଜାଣିବା ତାଙ୍କ ବ୍ୟକ୍ତିଗତ ଜୀବନ କିପରି ଏବଂ ତାଙ୍କର କେତେ ସମ୍ପତ୍ତି ରହିଛି। ଏମବାପେଙ୍କ ତିନୋଟି ଭାଇ । ଆଉ ସମସ୍ତେ ପ୍ରଫେସନାଲ ଫୁଟବଲ ଖେଳାଳି।
ଏମବାପେ ଙ୍କ ପିତା କେମରୁନ ର ମୂଳ ବାସିନ୍ଦା ହୋଇଥିବା ବେଳେ ତାଙ୍କ ମା ଅଲଜରିଆଇ ର ମୂଳ ବାସିନ୍ଦା ଅଟନ୍ତି। ସବୁଠାରୁ ବଡ଼ କଥା ହେଉଛି ଏମବାପେ ଙ୍କ ମା ମଧ୍ୟ ରାଷ୍ଟ୍ରୀୟ ସ୍ତରରେ ଜଣେ ହ୍ୟାଣ୍ଡ ବଲ ଖେଳାଳି ଥିଲେ । ଏମବାପେଙ୍କ ତିନୋଟି ଭାଇ । ଆଉ ସମସ୍ତେ ପ୍ରଫେସନାଲ ଫୁଟବଲ ଖେଳାଳି। ଏମବାପେ ଏକ ସାକ୍ଷାତକାରରେ କହିଥିଲେ ଯେ, ଖେଳ ଜିତିବା ପରେ ସେଲିବ୍ରେଟ କରିବା ତରିକା ସେ ନିଜ ସାନ ଭାଇଠାରୁ ଶିଖିଥିଲେ।
କେଲିଆନ୍ ଏମବାପେ ଙ୍କ ପ୍ରେମିକା ଇନେଶ ରାଉ ଜଣେ ଟ୍ରାନ୍ସଜେଣ୍ଡର ଅଟନ୍ତି। ଚଳିତବର୍ଷ ନିଜର ରିଲେସନସିପ୍ ର ଖୁଲାସା କରିଥିଲେ । ଦୁହିଁଙ୍କୁ ଚଳିତବର୍ଷ କାନ୍ସ ଫିଲ୍ମ ଫେଷ୍ଟିଭାଲରେ ଏକାସାଥିରେ ଦେଖିବାକୁ ମିଳିଥିଲା । ଏମବାପେ ନିଜ ପ୍ରେମିକାଙ୍କୁ ବାହୁରେ ଆଲିଙ୍ଗନ କରି ରଖିଥିବା ଫଟୋ ଭାଇରାଲ ହୋଇଥିଲା ।
ଆର୍ଜେଣ୍ଟିନା ଏବଂ ଫ୍ରାନ୍ସ ମଧ୍ୟରେ ଖେଳାଯାଇଥିବା ଫାଇନାଲ ମ୍ୟାଚରେ ଏମବାପେ ସର୍ବମୋଟ ଚାରୋଟି ଗୋଲ ସ୍କୋର କରିଥିଲେ। ପ୍ରଥମେ ଫ୍ରାନ୍ସ ଏବଂ ଆର୍ଜେଣ୍ଟିନାକୁ ସମାନ ଭାବରେ ଆଣିବା ପାଇଁ ସେ ୨ଟିଗୋଲ୍ ସ୍କୋର କରିଥିଲେ ଏବଂ ଏହା ପରେ ସେ ପେନାଲଟି ସମୟରେ ଆଉ ଏକ ଗୋଲ୍ ସ୍କୋର କରିଥିଲେ । ସେ ପେନାଲଟିରେ ଚତୁର୍ଥ ଗୋଲ ସ୍କୋର କରିଥିଲେ। ୮ ଟି ଗୋଲ ଦେଇ ସେ ଟୁର୍ଣ୍ଣାମେଣ୍ଟର ଶ୍ରେଷ୍ଠ ସ୍କୋରର ହୋଇଥିଲେ ଏବଂ ଗୋଲଡେନ୍ ବୁଟ୍ ପୁରସ୍କାର ମଧ୍ୟ ପାଇଥିଲେ । ଏହା ବ୍ୟତୀତ ସେ ଏପର୍ଯ୍ୟନ୍ତ ନିଜ କ୍ୟାରିୟରରେ ଅନେକ ପୁରସ୍କାର ଜିତିଛନ୍ତି । ୨୦୧୮ ମସିହାରେ ତାଙ୍କୁ କୋପା ପୁରସ୍କାର ପ୍ରଦାନ କରାଯାଇଥିଲା ।
ଏମବାପେଙ୍କୁ ମାତ୍ର ୨୨ବର୍ଷ ବୟସ ଏବଂ ବର୍ତ୍ତମାନ ସେ ଦୁନିଆର ପଞ୍ଚମ ଧନୀ ଫୁଟବଲର୍ । ତାଙ୍କର ସମ୍ପତ୍ତିର ମୂଲ୍ୟ ପ୍ରାୟ ୧୫୦ ମିଲିୟନ୍ ଡଲାର୍ ବୋଲି କୁହାଯାଉଛି। ସେ ନାଇକ୍ ସହିତ ଅନେକ ବଡ ବ୍ରାଣ୍ଡକୁ ପ୍ରମୋଟ କରନ୍ତି। ସେ ଏଣ୍ଡୋର୍ସମେଣ୍ଟ ମାଧ୍ୟମରେ ମଧ୍ୟ ବିପୁଳ ପରିମାଣର ଟଙ୍କା ରୋଜଗାର କରନ୍ତି । ଯଦି ଆମେ ତାଙ୍କ ସମ୍ପତ୍ତି ବିଷୟରେ କହିବା, ତା’ହେଲେ ତାଙ୍କର ମୋଟ ସମ୍ପତ୍ତି ମେସିଙ୍କଠାରୁ ୩ ଗୁଣ କମ୍ ଅଟେ। ତେବେ ତାଙ୍କ ଫର୍ମକୁ ଦେଖିଲେ ବିଶ୍ୱାସ କରାଯାଏ ଯେ ଚଳିତ ବର୍ଷ ତାଙ୍କ ଉପରେ ଟଙ୍କା ବର୍ଷା ହୋଇପାରେ।
ଏମବାପେଙ୍କ ଜୀବନଶୈଳୀ ବିଷୟରେ ଯଦି କହିବା ସେ ବହୁତ ବିଳାସପୂର୍ଣ୍ଣ ଜୀବନଯାପନ ଅତିବାହିତ କରନ୍ତି। ପ୍ୟାରିସର ସବୁଠାରୁ ଦାମୀ ଅଞ୍ଚଳରେ ତାଙ୍କର ଏକ ବିଳାସପୂର୍ଣ୍ଣ ବଙ୍ଗଳା ଅଛି ।ଏହା ବ୍ୟତୀତ ନିସ୍ ସହରରେ ତାଙ୍କର ଏକ ସମୁଦ୍ରକୂଳିଆ ଆପାର୍ଟମେଣ୍ଟ ମଧ୍ୟ ଅଛି । କେବଳ ଘର ନୁହେଁ ଦାମୀ କାର ମଧ୍ୟ ରହିଛି ଏମବାପେ ଙ୍କ ପାଖେ । ଯେଉଁଥିରେ ରୋଲ୍ସ ରୋଏସ୍, ଟେସଲା ସହିତ ବହୁ ଦାମୀ ଯାନ ଅନ୍ତର୍ଭୁକ୍ତ ରହିଛି ।