Ollywood Actress Sunmeera Nagesh: କାହିଁକି ସନମୀରାଙ୍କ ସାଙ୍ଗିଆକୁ ନେଇ ଆଜିବି ଦ୍ବନ୍ଦରେ ଫ୍ୟାନ୍ସ ? ଜାଣନ୍ତୁ ଏହା ପଛର ବଡ଼ କାରଣ
Ollywood Actress Sunmeera Nagesh: ଓଲିଉଡ଼ର ଚୁଲବୁଲି ନାୟିକା ସନମୀରା ନାଗେଶ (Ollywood Actress Sunmeera Nagesh) । ଦମଦାର ଅଭିନୟ ଓ ଡାନ୍ସ ମାଧ୍ୟମରେ ଦର୍ଶକଙ୍କ ମନ କିଣନ୍ତି । ଓଡିଆ ଫିଲ୍ମର ଏକାଧିକ ଚଳଚ୍ଚିତ୍ରରେ ସେ ଅଭିନୟ କରିସାରିଲେଣୀ । ତେବେ, ଆସନ୍ତୁ ଜାଣିବା ସନମୀରା ନାଗେଶଙ୍କ ବିଷୟରେ କିଛି ଖାସ୍ କଥା ।
ତେବେ ସନମୀରାଙ୍କ ନାମକୁ ନେଇ ସବୁବେଳେ ଦର୍ଶକ ତଥା ସିନେପ୍ରେମୀ ଦ୍ୱନ୍ଦ୍ୱରେ ରୁହନ୍ତି। ତାଙ୍କ ପିତାଙ୍କ ନାମ ପ୍ରକାଶ ଚନ୍ଦ୍ର ସାହୁ ଓ ମା’ଙ୍କ ନାମ ବୈଜୟନ୍ତୀ ଦାସ ହୋଇଥିବାବେଳେ ସନମୀରାଙ୍କ ସାଙ୍ଗିଆ ହେଉଛି ନାଗେଶ। ଏଣୁ ସନମୀରା ଓଡ଼ିଆ ନୁହେଁ ବୋଲି ଚର୍ଚ୍ଚା ହୁଏ। ହେଲେ ନାଗସ୍ୟ ଗୋତ୍ର ଯୋଗୁଁ ସେ ନାଗେଶ ସାଙ୍ଗିଆ ରଖିଛନ୍ତି ବୋଲି ଚର୍ଚ୍ଚା ହୁଏ।
୨୦୧୭ ମସିହାରେ 'ସପନର ପଥେ ପଥେ' ଫିଲ୍ମରେ (Sunmeera Nagesh film) ନାୟିକା ଭାବେ ପ୍ରଥମେ ଡେବ୍ୟୁ କରିଥିଲେ । ତାଙ୍କ ବିପକ୍ଷରେ ହିରୋ ସାଜିଥିଲେ ଅମ୍ଲାନ ।
ପରେ 'ଲୈଲା ଓ ଲୈଲା ' ଫିଲ୍ମରେ ନାୟିକା ଭାବେ ଅଭିନୟ କରିଥିଲେ ସନମୀରା । ଏଥିରେ ତାଙ୍କ ବିପକ୍ଷରେ ହିରୋ ସାଜିଥିଲେ ସ୍ବରାଜ ବାରିକ୍ ।
୨୦୧୮ରେ 'ଲଭ ଏକ୍ସପ୍ରେସ'ରେ ମଧ୍ୟ ଅଭିନୟ କରିଥିଲେ। ଏଥିରେ ତାଙ୍କର ନାୟକ ଥିଲେ ସ୍ବରାଜ। ସେହିବର୍ଷ ସନମୀରାଙ୍କ ଆଉ ଏକ ଫିଲ୍ମ ମଧ୍ୟ ରିଲିଜ୍ ହୋଇଥିଲା 'ଲୋକାଲ ଟୋକା ଲଭ୍ ଚୋଖା '। ଏଥିରେ ତାଙ୍କ ନାୟକ ସାଜିଥିଲେ ଓଲିଉଡ ଚକଲେଟ ବଏ ବାବୁଶାନ୍ ।
ସେହିପରି ୨୦୨୨ରେ ରିଲିଜ ହୋଇଥିଲା ଫିଲ୍ମ 'ଗୁପଚୁପ୍ '। ଏଥିରେ ଶୈଳେନ୍ଦ୍ର ଓ ଅମ୍ଲାନଙ୍କ ସହ ନଜର ଆସିଥିଲେ ସନମୀରା ।