PM Narendra Modi: ୟୁକ୍ରେନ-ପୋଲାଣ୍ଡ ଗସ୍ତରେ ମୋଦୀ, ଦେଲେ ଶାନ୍ତିର ବାର୍ତ୍ତା
PM Narendra Modi: ପୋଲାଣ୍ଡ-ୟୁକ୍ରେନ ଗସ୍ତରେ ଅଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ଏହି ସମୟରେ ସେ ଦୁଇ ଦେଶର ଦ୍ୱିପାକ୍ଷିକ ସମ୍ପର୍କକୁ ସୁଦୃଢ଼ କରିବା ଉପରେ ଆଲୋଚନା କରିଛନ୍ତି। ଏହିଗସ୍ତ ସମୟରେ ମୋଦୀ ପୋଲାଣ୍ଡ ର ରାଷ୍ଟ୍ରପତି ଆଣ୍ଡ୍ରେଜ ସେବାଷ୍ଟିଆନ ଡୁଡାଙ୍କ ସହ ମଧ୍ୟ ଆଲୋଚନା କରିବେ । ଗତ ୪୫ ବର୍ଷ ମଧ୍ୟରେ କୌଣସି ଭାରତୀୟ ପ୍ରଧାନମନ୍ତ୍ରୀଙ୍କ ଏହା ହେଉଛି ପ୍ରଥମ ପୋଲାଣ୍ଡ ଗସ୍ତ।
ପିଏମ୍ ମୋଦୀଙ୍କ ଏହି ଗସ୍ତ ଉପରେ ସାରା ବିଶ୍ୱର ନଜର ରହିଥିଲା । ୧୯୯୧ରେ ୟୁକ୍ରେନ ସ୍ୱାଧିନ ରାଷ୍ଟ୍ରର ମାନ୍ୟତା ପାଇବା ପରେ ପ୍ରଥମ ଥର ପାଇଁ ସେହି ରାଷ୍ଟ୍ରକୁ କୌଣସି ଭାରତୀୟ ପ୍ରଧାନମନ୍ତ୍ରୀ ଗସ୍ତ କରିଛନ୍ତି ।
ୟୁକ୍ରେନ ଋଷ ବିପକ୍ଷରେ ଆକ୍ରମଣାତ୍ମକ ସୈନ୍ୟ ଅଭିଯାନ ଚଳାଇଥିବା ମଧ୍ୟରେ ମୋଦୀ ୟୁକ୍ରେନ ଗସ୍ତ କରିଛନ୍ତି । ୟୁକ୍ରେନ ରାଷ୍ଟ୍ରପତି ଜେଲେନସ୍କି ଭାରତୀୟ ପ୍ରଧାନମନ୍ତ୍ରୀଙ୍କୁ ସ୍ୱାଗତ କରିବା ସହ ହାତ ମିଳାଇଥିଲେ ଓ ଆଲିଙ୍ଗନ କରିଥିଲେ । ଏହାସହ ମୋଦୀ ସେଠାରୁ ଶାନ୍ତିର ବାର୍ତ୍ତା ପ୍ରଦାନ କରିଥିଲେ। ଭାରତ କେବଳ ଶାନ୍ତିର ସପକ୍ଷେରେ ବୋଲି କହିଛନ୍ତି ମୋଦୀ।
ଏହି ଗସ୍ତ ପରିପ୍ରେକ୍ଷୀରେ ଭାରତ-ୟୁକ୍ରେନ ମଧ୍ୟରେ ୪ଟି ଗୁରୁତ୍ୱପୂର୍ଣ୍ଣ ବୁଝାମଣା ସ୍ୱାକ୍ଷରିତ ହୋଛି । ପ୍ରଥମ ଏମଓୟୁ- ବିଦେଶ ମନ୍ତ୍ରୀ ଏସ. ଜୟଶଙ୍କର ଓ ୟୁକ୍ରେନ ମନ୍ତ୍ରୀଙ୍କ ମଧ୍ୟରେ ସ୍ୱାକ୍ଷରିତ ହୋଇଛି ।
ସେହିପରି ପ୍ରଥମେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବୁଧବାର ପୋଲାଣ୍ଡରେ ପହଞ୍ଚିଥିଲେ। ପୋଲାଣ୍ଡର ଡେପୁଟି ପିଏମ ତାଙ୍କୁ ସ୍ୱାଗତ କରିବା ପାଇଁ ବିମାନ ବନ୍ଦରରେ ଉପସ୍ଥିତ ଥିଲେ । ପ୍ରଧାନମନ୍ତ୍ରୀ ମୋଦୀ ୱାର୍ସାର ଏକ ହୋଟେଲରେ ପହଞ୍ଚିବା ମାତ୍ରେ ସେଠାରେ ଉପସ୍ଥିତ ଶତାଧିକ ଭାରତୀୟ ତାଙ୍କୁ ସ୍ୱାଗତ କରିଥିଲେ।
ପରେ ନବନଗରର ଜାମ୍ ସାହେବ ସ୍ମାରକୀରେ ପହଞ୍ଚିଥିଲେ ମୋଦୀ। ଏହି ସ୍ମାରକୀ ଭାରତୀୟ ମହାରାଜାଙ୍କ ନାମରେ ନାମିତ ହୋଇଛି, ଯିଏ କି ପୋଲାଣ୍ଡର ୧୦୦୦ ଅନାଥ ପିଲାଙ୍କୁ ପିତାମାତାଙ୍କ ପରି ପାଳନ କରିଥିଲେ । ତା'ପରେ ସେ ପିଲାମାନଙ୍କୁ କହିଲେ, ନିଜକୁ ଅନାଥ ଭାବିବେ ନାହିଁ, ମୁଁ ତୁମର ପିତା ମୋଦୀ।