Tulsi vastu tips: ତୁଳସୀ ଗଛ ନିକଟରେ ଭୁଲରେ ମଧ୍ୟ ଲଗାନ୍ତୁ ନାହିଁ ଏହିସବୁ ଗଛ, ନେଚତ୍ ହେବ ବଡ଼ କ୍ଷତି!
Tulsi vastu tips: ସନାତନ ଧର୍ମରେ ତୁଳସୀ ଗଛକୁ ଅତ୍ୟନ୍ତ ପବିତ୍ର ବୋଲି ବିବେଚନା କରାଯାଇଥାଏ । ବିଶ୍ୱାସ ରହିଛି ଯେ, ଯେଉଁଠାରେ ତୁଳସୀ ଗଛ ଥାଏ ସେଠାରେ ନକାରାତ୍ମକ ଶକ୍ତି ପ୍ରବେଶ କରିନଥାଏ। ସେହି ସ୍ଥାନରେ ମାତା ଲକ୍ଷ୍ମୀ ବାସ କରିଥାଆନ୍ତି। ଘରେ ତୁଳସୀ ଗଛ ଲଗାଇବା ଦ୍ବାରା ସୁଖ, ଶାନ୍ତି ଓ ସମୃଦ୍ଧି ବଢିଥାଏ । କିନ୍ତୁ ଶାସ୍ତ୍ର ଅନୁଯାୟୀ, ତୁଳସୀ ଗଛ ଲଗାଇବା ସମୟରେ କେତେକ ସତର୍କତା ଅବଲମ୍ବନ କରିବା ଉଚିତ୍। ତେଣୁ ଆସନ୍ତୁ ଆଲୋଚନା କରିବା ତୁଳସୀ ଗଛ ନିକଟରେ କେଉଁ ସବୁ ଗଛ ଲଗାଇବା ଉଚିତ୍ ନୁହେଁ।
କାକଟସ୍ ଗଛକୁ ଏକ ନକାରାତ୍ମକ ଗଛ ଭାବେ ବିବେଚନା କରାଯାଇଥାଏ । ସେଥିପାଇଁ ତୁଲସୀ ନିକଟରେ ଏହି ଗଛ ଲଗାଇବା ଉଚିତ୍ ନୁହେଁ । ତୁଳସୀ ନିକଟରେ କାକଟସ୍ ଗଛ ଲଗାଇବା ଏହା ପ୍ରତି ଅପମାନ ସଦୃଶ୍ୟ ହୋଇଥାଏ ।
ତୁଳସୀ ଗଛ ନିକଟରେ ଲାଜକୁଳି ଲତା ଲଗାଇବା ଠିକ୍ ନୁହେଁ । ତୁଳସୀ ଗଛଠାରୁ ଅତି କମରେ ଚାରିରୁ ପାଞ୍ଚ ଫୁଟ ଛାଡ଼ି ଏହି ଗଛ ଲଗାନ୍ତୁ। ଲାଜକୁଳି ଲତା ଗଛ ଶନୀଙ୍କୁ ସୂଚିତ କରିଥାଏ । ଏଥିଲାଗି ଭୁଲରେ ମଧ୍ୟ ତୁଳସୀ ଗଛ ନିକଟରେ ଏହି ଗଛ ଲଗାନ୍ତୁ ନାହିଁ ।
ତୁଳସୀ ଗଛ ନିକଟରେ କୌଣସି ମୋଟା ଗଣ୍ତିର ଗଛ ଲଗାଇବା ଉଚିତ୍ ନୁହେଁ । ଏହାଦ୍ବାରା ତୁଳସୀ ଗଛର ବୃଦ୍ଧି ସଠିକ୍ ଭାବରେ ହୋଇନଥାଏ ।
ତୁଳସୀ ଗଛ ନିକଟରେ ଅରଖ ଗଛ ଲଗାନ୍ତୁ ନାହିଁ । କାରଣ, ଏହି ଗଛରୁ କ୍ଷୀର ବାହାରିଥାଏ । ଏହି କ୍ଷୀର ତୁଳସୀ ଗଛ ଉପରେ ପଡି଼ଲେ ଏହା ନଷ୍ଟ ହୋଇପାରେ ।
ତୁଳସୀ ଗଛକୁ ଛାତ ଉପରେ ରଖିବା ପରିବର୍ତ୍ତେ ଘରର ଦୁଆର ମୁହଁ ଓ ବାଲକୋନୀରେ ଲଗାଇବା ଉଚିତ୍ । ଯେଉଁ କୁଣ୍ତରେ ତୁଳସୀ ଗଛ ଲଗାଯାଇଥାଏ ସେଥିରେ ଅନ୍ୟ କୌଣସି ଗଛ ଲଗାଇବା ଉଚିତ୍ ନୁହେଁ ।
Disclaimer: ଏଠାରେ ଦିଆଯାଇଥିବା ସୂଚନା ଜ୍ୟୋତିଷ ଶାସ୍ତ୍ର ଓ ସାଧାରଣ ଅନୁମାନ ଉପରେ ଆଧାରିତ। କେବଳ ସୂଚନା ପାଇଁ ଦିଆଯାଇଛି। ZEE ODISHA NEWS ଏହା ନିଶ୍ଚିତ କରେ ନାହିଁ। କୌଣସି ଉପାୟ କରିବା ପୂର୍ବରୁ ସମ୍ପୃକ୍ତ ବିଷୟର ବିଶେଷଜ୍ଞଙ୍କ ସହିତ ପରାମର୍ଶ କରି ନିଶ୍ଚିତ ହୁଅନ୍ତୁ।