Vastu Tips for Marriage: ବିବାହରେ ହେଉଛି କି ବିଳମ୍ବ? ଆପଣାନ୍ତୁ ଏହି ସବୁ ଉପାୟ…

ଯେଉଁ ଯୁବକଯୁବତୀଙ୍କର ବିବାହରେ ବିଳମ୍ବ ହେଉଛି, ସେମାନଙ୍କ ଶୟନକକ୍ଷରେ ମାଣ୍ଡାରିନ୍‌ ବତକଙ୍କ ଯୋଡ଼ି ମୂର୍ତ୍ତି ରଖନ୍ତୁ। ବିବାହଯୋଗ୍ୟ ସନ୍ତାନଙ୍କର ଶୟନକକ୍ଷ ଉତ୍ତର-ପଶ୍ଚିମ, ଅର୍ଥାତ୍‌ ବାୟୁ କୋଣରେ ହେବା ଉଚିତ। ଯଦି ଏଭଳି ସୁବିଧା ନାହିଁ, ତାହେଲେ ଏହାର ବିକଳ୍ପ ଭାବେ ଉତ୍ତର ଦିଗ ବା ଈଶାନ କୋଣର ଉତ୍ତର-ପଶ୍ଚିମ ଦିଗରେ ତାଙ୍କର ରହିବା ଓ ଶୋଇବା ବ୍ୟବସ୍ଥା କରିବା ଉଚିତ।

ବିବାହଯୋଗ୍ୟ ଯୁବକଯୁବତୀଙ୍କ କୋଠରିର ରଙ୍ଗ ହାଲୁକା ଗୋଲାପି ହେବା ଉଚିତ। ଗଭୀର ରଙ୍ଗର ବ୍ୟବହାର ନକାରାତ୍ମକ ଶକ୍ତି ସୃଷ୍ଟି କଲେ। ଦକ୍ଷିଣ ଦିଗ ଓ ନୈଋତ୍ୟ କୋଣରେ ଥିବା କୋଠରିରେ ଶୋଇବା ଯୋଗୁଁ ବିବାହରେ ବିଳମ୍ବ ହୋଇଥାଏ। ତେଣୁ ଏ ପ୍ରତି ଧ୍ୟାନ ଦେବା ଦରକାର।

ଶୋଇବା ଘରର ପଲଙ୍କକୁ ଘରର କାନ୍ଥ ସହିତ ଲଗାଇ ରଖିବା ଉଚିତ ନୁହେଁ। ପଲଙ୍କ ଉପରେ ଥିବା ଛାତରେ କୌଣସି ବିମ୍‌ ରହିବା ଉଚିତ ନୁହେଁ। ଏହାଦ୍ବାରା ବିବାହ ପ୍ରସ୍ତାବ ନିର୍ଣ୍ଣୟ କରିବାରେ ଅସୁବିଧା ଉପୁଜିଥାଏ। ଶୟନ କକ୍ଷର ଉତ୍ତର ଦିଗ କାନ୍ଥରେ ରାଧା-କୃଷ୍ଣ, ଶିବ-ପାର୍ବତୀ କିମ୍ବା କୌଣସି ବିବାହିତ ଯୋଡ଼ିଙ୍କ ଫଟୋ ରଖିବା ଦ୍ବାରା ବିଳମ୍ବ ବିବାହ ଜନିତ ବାସ୍ତୁଦୋଷ ଦୂର ହୋଇଥାଏ।

ବିବାହଯୋଗ୍ୟ ଯୁବକ-ଯୁବତୀ ଗୋଲାପି ରଙ୍ଗର ଫୁଲ ପକା ବେଡ୍‌ସିଟ୍‌ ବ୍ୟବହାର କରନ୍ତୁ। ଏହାଦ୍ବାରା ବିବାହରେ ଦେଖାଯାଉଥିବା ସମସ୍ୟାରେ ଦୂର ହୋଇଥାଏ।

ଘରେ ଯେତେସମ୍ଭବ ତାଜା ମଲ୍ଲୀ ଓ ଗୋଲାପ ଫୁଲ ରଖନ୍ତୁ। ଶୁଖିଯାଇଥିବା ଫୁଲଗୁଡ଼ିକୁ ବାହାର କରି ଦିଅନ୍ତୁ।

(Disclaimer: ଏହି ଆର୍ଟିକିଲରେ ଦିଆଯାଇଥିବା ସୂଚନା ସାଧାରଣ ଅନୁମାନ ଉପରେ ଆଧାରିତ। ZEE ODISHA NEWS ଏହାକୁ ନିଶ୍ଚିତ କରେ ନାହିଁ। )