ଆପଣ ବି ମୋବାଇଲକୁ ଆସିଛି କି ଏହି ମେସେଜ ? ପଢ଼ିଥିଲେ ରହିବେ ଲାଭରେ, ଅଣଦେଖା କଲେ ପଡ଼ିପାରେ ମହଙ୍ଗା

ଡିଜିଟାଲ ଯୁଗରେ ମଧ୍ୟ ଚୋରମାନେ ହାଇଟେକ୍ ହୋଇଯାଇଛନ୍ତି। ଘରେ ବସି ସେମାନେ ଲୋକଙ୍କୁ ଠକିବା ପାଇଁ ନୂଆ ଉପାୟ ଅବଲମ୍ବନ କରୁଛନ୍ତି । ଲୋକଙ୍କୁ ଠକିବା ଭଳି ଅନେକ ମାମଲା କେବେ ବ୍ୟାଙ୍କ ଆକାଉଣ୍ଟ ନାଁ'ରେ ତ କେବେ ଆଧାର ଏବଂ KYC ନାମରେ ସାମ୍ନାକୁ ଆସିଛି। ବର୍ତ୍ତମାନ ଏହି ସାଇବର ଅପରାଧୀମାନେ ମୋବାଇଲ୍ ଟାୱାରରୁ ଟଙ୍କା ରୋଜଗାରର ପ୍ରଲୋଭନ ଦେଖାଇ ଲୋକଙ୍କୁ ଠକିବାକୁ କରିବାକୁ ଚେଷ୍ଟା କରୁଛନ୍ତି।

ଦେଶର ଟେଲିକମ୍ ନିୟାମକ ସଂସ୍ଥା ଟ୍ରାଇ (ଟେଲିକମ୍ ରେଗୁଲେଟୋରୀ ଅଥରିଟି ଅଫ୍ ଇଣ୍ଡିଆ) ଲୋକଙ୍କୁ ଏଭଳି ଠକେଇରୁ ଦୂରେଇ ରହିବାକୁ କହିଛି। TRAI ମେସେଜ ମାଧ୍ୟମରେ ମୋବାଇଲ୍ ବ୍ୟବହାରକାରୀଙ୍କୁ ଏକ ସ୍ୱତନ୍ତ୍ର ବାର୍ତ୍ତା ପଠାଉଛି । ଆସନ୍ତୁ ଜାଣିବା ଏହି ବାର୍ତ୍ତାରେ କ’ଣ ଲେଖା ହୋଇଛି ଯାହା ପ୍ରତ୍ୟେକ ବ୍ୟକ୍ତି ଜାଣିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ 

ମୋବାଇଲ୍ ଫୋନର ବ୍ୟବହାର ସହିତ ଟେଲିକମ୍ ଭିତ୍ତିଭୂମିର ଚାହିଦା ମଧ୍ୟ ଦ୍ରୁତ ଗତିରେ ବୃଦ୍ଧି ପାଇଛି । ବିଶେଷକରି ଉନ୍ନତ କଭରେଜ୍ ପ୍ରଦାନ କରିବାକୁ ଟେଲିକମ୍ କମ୍ପାନୀଗୁଡିକ ଦ୍ରୁତ ଗତିରେ ମୋବାଇଲ୍ ଟାୱାର ସଂଖ୍ୟା ବୃଦ୍ଧି କରୁଛନ୍ତି । ଏହି ଟାୱାରଗୁଡିକ ମୁଖ୍ୟତଃ ବଜାର ଏବଂ ଘଞ୍ଚ ଜନବହୁଳ ଅଞ୍ଚଳରେ ଅବସ୍ଥିତ ଅଟ୍ଟାଳିକା ଉପରେ ସ୍ଥାପିତ ହେଉଛି । ଏଥିପାଇଁ ଟେଲିକମ୍ କମ୍ପାନୀଗୁଡିକ ବିଲଡିଂ ମାଲିକଙ୍କୁ ଭଡା ପ୍ରଦାନ କରୁଛନ୍ତି

ବ୍ୟାଙ୍କ ଏଟିଏମ୍ ପରି ମୋବାଇଲ୍ ଟାୱାର ମଧ୍ୟ ଲୋକଙ୍କ ପାଇଁ ଅତିରିକ୍ତ ଆୟର ଉତ୍ସ ହୋଇପାରିଛି । କିଛି ଲୋକ ନିଜ ଘରର ଛାତରେ ମୋବାଇଲ୍ ଟାୱାର ଲଗାଇ ଭଡ଼ା ଭାବରେ ଭଲ ଟଙ୍କା ରୋଜଗାର କରୁଛନ୍ତି । ସରଳ ଭାବରେ, ସାଇବର ଅପରାଧୀମାନେ ମୋବାଇଲ୍ ଟାୱାରକୁ ଏକ ମାଧ୍ୟମ ଭାବରେ ବ୍ୟବହାର କରି ଲୋକଙ୍କୁ ପ୍ରତାରଣା କରିବା ଆରମ୍ଭ କରିଛନ୍ତି । 

ବାସ୍ତବରେ, ଏହି ଠକମାନେ ଘରେ ମୋବାଇଲ୍ ଟାୱାର ସ୍ଥାପନ ପାଇଁ ଅନୁମତି ପତ୍ର କିମ୍ବା NOC ସାର୍ଟିଫିକେଟ୍ ଦେବାକୁ ଲୋକଙ୍କଠାରୁ ଟଙ୍କା ମାଗୁଛନ୍ତି, କିନ୍ତୁ TRAI ଏହାକୁ ଅସ୍ୱୀକାର କରିଛି ।