Arvind Kejriwal: `ମୁଁ ଲେଖିଦେଉଛି, କଂଗ୍ରେସ ପାଇବ ୫ରୁ କମ୍ ଆସନ`
Gujarat Assembly Election 2022: ଗୁଜରାଟରେ ରାଜନୈତିକ ଦଳର ବୟାନବାଜି ବଢିବାରେ ଲାଗିଛି। କେଜ୍ରିୱାଲ ଭବିଷ୍ୟତବାଣୀ କରି କହିଛନ୍ତି କଂଗ୍ରେସକୁ ମିଳିବନି ୫ରୁ ଅଧିକ ଆସନ ।
Arvind Kejriwal on Congress: ନିଜ ଆତ୍ମବିଶ୍ୱାସକୁ ବଢ଼ାଇ ଶନିବାର ଅରବିନ୍ଦ କେଜ୍ରିୱାଲ କହିଛନ୍ତି ଯେ ଗୁଜୁରାଟରେ ହେବାକୁ ଥିବା ଆସନ୍ତା ବିଧାନସଭା ନିର୍ବାଚନରେ କଂଗ୍ରେସ ପାଞ୍ଚରୁ କମ୍ ସିଟ୍ ପାଇବ। ଗୁଜରାଟ ବିଧାନସଭା ନିର୍ବାଚନ ତାରିଖ ଘୋଷଣା ସହ ରାଜନୈତିକ ଦଳର ବୟାନବାଜି ଉଷ୍ଣତାକୁ ବଢାଇଦେଇଛି । ଅଭିଯୋଗ ଏବଂ ପାଲଟା ଅଭିଯୋଗ ପରେ ଏବେ ଭବିଷ୍ୟତବାଣୀ ମଧ୍ୟ ଆରମ୍ଭ ହୋଇଛି। କେଜ୍ରିୱାଲ ଭବିଷ୍ୟତବାଣୀ କରି କହିଛନ୍ତି ଯେ, ‘ମୁଁ ଲେଖିକି ଦେଉଛି, ଗୁଜରାଟରେ କଂଗ୍ରେସକୁ ମିଳିବନି ୫ ରୁ ଅଧିକ ଆସନ।
ଏକ ରିପୋର୍ଟକୁ ଭିତ୍ତିକରି କେଜ୍ରିୱାଲ କହିଛନ୍ତି ଯେ, ଆସନ୍ତା ବିଧାନସଭା ନିର୍ବାଚନରେ ଆପ୍ (Aam Aadmi Party)୩୦ ପ୍ରତିଶତ ଭୋଟ୍ ପାଇବ। ଗୁଜୁରାଟର ଲୋକମାନେ ପରିବର୍ତ୍ତନ ଚାହୁଁଛନ୍ତି । ଯଦି ଲୋକମାନେ ପରିବର୍ତ୍ତନ ଚାହୁଁ ନଥାନ୍ତେ, ତେବେ ଆମକୁ କୌଣସି ସ୍ଥାନ ମିଳି ନଥାନ୍ତା । ଆମକୁ ୩୦ ପ୍ରତିଶତ ଭୋଟ୍ ମିଳିବ। ଆମେ ପଞ୍ଜାବରେ ଏକ ସରକାର ଗଠନ କରିଛୁ। ଗୁଜୁରାଟରେ ମଧ୍ୟ କିଛି ଅଲଗା କଥା ଅଛି। ତେବେ ଏକ ମିଡିଆ କନକ୍ଲେଭକୁ ସମ୍ୱୋଧିତ କରି କେଜ୍ରିୱାଲ କହିଛନ୍ତି, "ଗୁଜରାଟରେ କଂଗ୍ରେସ ୫ ରୁ କମ୍ ଆସନ ଜିତିବ। କେଜ୍ରିୱାଲ କଂଗ୍ରେସ ଉପରେ କଟାକ୍ଷ କରି କହିଛନ୍ତି, ଗୁଜରାଟରେ ଏହି ପୁରୁଣା ଦଳକୁ କେହି ମଧ୍ୟ ଗୁରୁତ୍ୱ ଦେଉ ନାହିଁ। ଆମେ ଦୁଇ ନମ୍ବର ରେ ରହିବୁ।" ବିବୃତ୍ତି ସମୟରେ ଦିଲ୍ଲୀ ମୁଖ୍ୟମନ୍ତ୍ରୀ ତଥା ଆପ୍ ସୁପ୍ରିମୋ (Delhi Chief Minister Arvind Kejriwal)ନାଟକୀୟ ଢଙ୍ଗରେ ସେହି ଭବିଷ୍ୟବାଣୀ କରିବା ସହିତ ଏକ ଲେଖା ହୋଇଥିବା କାଗଜ ଖଣ୍ଡ ଦେଇଥିଲେ।
ଅନ୍ୟପଟେ ବିଭିନ୍ନ ସର୍ଭେ ସଂସ୍ଥା ଭିନ୍ନ ଭିନ୍ନ ଆକଳନ କରିଛନ୍ତି । ସି-ଭୋଟର ସର୍ଭେ ଅନୁଯାୟୀ, ବିଜେପି(Bhartiya Janata Party) ଶାସକ ଦଳ ଭାବରେ ଗୁଜରାଟରେ ପୁଣି ପ୍ରତ୍ୟାବର୍ତ୍ତନ କରିବ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଗୃହ ରାଜ୍ୟରେ ଆଉ ବିଜେପିର ଆଉ ଏକ ବିଜୟ ହେବା ସୁନିଶ୍ଚିତ । କରାଯାଇଥିବା ସର୍ଭେରେ ୨୩,୦୦୦ରୁ ଅଧିକ ଲୋକ ବିଜେପିକୁ ଭୋଟ୍ ଦେବାକୁ ଯୋଜନା କରିଥିବା କହିଥିଲେ । କୋଡ଼ିଏ ପ୍ରତିଶତ ଲୋକ ଆପ୍(AAP)ଏବଂ ୧୭ ପ୍ରତିଶତ କଂଗ୍ରେସକୁ ସମର୍ଥନ କରିଛନ୍ତି । ସାଧାରଣତଃ ଅନେକ ରାଜ୍ୟରେ ବିଜେପି ବନାମ କଂଗ୍ରେସ ର ଲଢ଼େଇ ଦେଖିବାକୁ ମିଳିଥାଏ,ହେଲେ ଏକ ପ୍ରାଥମିକ ବିରୋଧୀ ଦଳ ଭାବରେ ଆପ୍ କଂଗ୍ରେସର ସ୍ଥାନ ନେଇପାରିବ ବୋଲି କୁହାଯାଇଛି ।
କେଜ୍ରିୱାଲଙ୍କ ଦଳ ଶୁକ୍ରବାର ଦିନ ମୁଖ୍ୟମନ୍ତ୍ରୀ ପ୍ରାର୍ଥୀ ଘୋଷଣା କରିଛି । ନ୍ୟୁଜ୍ ଆଙ୍କର୍ ତଥା ସାମାଜିକ କର୍ମୀ ଇସୁଦାନ ଗଡ଼ଓ୍ୱୀ(Isudan Gadhvi)ଙ୍କୁ ଏହାର ମୁଖ୍ୟମନ୍ତ୍ରୀ ପ୍ରାର୍ଥୀ ଭାବରେ ଘୋଷଣା କରିଛି । ଜନତାଙ୍କ ମତାମତ ପରେ ମୁଖ୍ୟମନ୍ତ୍ରୀ ପ୍ରାର୍ଥୀ ଘୋଷଣା କରାଯାଇଥିଲା,ଯେମିତିକି ପଞ୍ଜାବରେ ଭଗବାନ୍ ମାନଙ୍କୁ ସିଏମ୍ ପ୍ରାର୍ଥୀଭାବେ ଘୋଷଣା କରିଥିଲା ଆପ୍ ।
ଗୁଜୁରାଟରେ ଦୁଇଟି ପର୍ଯ୍ୟାୟରେ ମତଦାନ ହେବ । ଡିସେମ୍ବର ୧ ଏବଂ ଡିସେମ୍ବର ୫ ରେ। ଫଳାଫଳ ଡିସେମ୍ବର ୮ ରେ ପ୍ରକାଶ ପାଇବ । ବିଜେପି ଶାସିତ ହିମାଚଳ ପ୍ରଦେଶର ମଧ୍ୟ ସମାନ ସମୟରେ ନିର୍ବାଚନ ହେବ । ଏହି ସମୟରେ ପୂର୍ବତନ ଆପ୍ ନେତା ଇନ୍ଦ୍ରନିଲ ରାଜ୍ୟଗୁରୁ ଶନିବାର ଅଭିଯୋଗ କରିଛନ୍ତି ଯେ, ଗୁଜୁରାଟର ଆପ୍ କାର୍ଯ୍ୟାଳୟରେ ସେ ଅତ୍ୟଧିକ ପରିମାଣର ଟଙ୍କା ଦେଖିଛନ୍ତି । ସେ ଆପ୍ ରୁ ଇସ୍ତଫା ଦେଇ କଂଗ୍ରେସରେ ଯୋଗଦେବାର ଗୋଟିଏ ଦିନ ପରେ ତାଙ୍କ ବିବୃତ୍ତି ଆସିଛି । ସେ ମାତ୍ର ଛଅ ମାସ ପୂର୍ବରୁ କଂଗ୍ରେସ ଛାଡିଥିଲେ।