ଏହା ରାଜ୍ୟର ବିଧାୟକଙ୍କୁ ମିଳିବ ଉପହାର, ଲାପଟପ୍ କିଣିବା ପାଇଁ ସରକାର ଦେବ ୫୦ ହଜାର ଟଙ୍କା

ଭୋପାଳ: ଶିବରାଜ ସରକାର (Shivraj Govt) ମଧ୍ୟପ୍ରଦେଶର ସମସ୍ତ ବିଧାୟକ (Madhya Pradesh MLA) ଙ୍କୁ ଲାପଟପ୍ (Laptop) କିଣିବା ପାଇଁ ୫୦ ହଜାର ଟଙ୍କାର ଅନୁଦାନ ଦେବାକୁ ଯାଉଛନ୍ତି । ସରକାରଙ୍କ ଅନୁଯାୟୀ, ବିଧାନସଭାରେ ଏକ ଡିଜିଟାଲ୍ ବଜେଟ୍ (Digital Budget) ଉପସ୍ଥାପିତ ହେବାକୁ ଯାଉଛି । ତେଣୁ ଏହି ବିଧାୟକମାନଙ୍କୁ ଏହି ବଜେଟ୍ ପଢ଼ିବା ପାଇଁ ଲାପଟପ୍ କିମ୍ବା କମ୍ପ୍ୟୁଟର ଆବଶ୍ୟକ ହେବ । ସେଥିପାଇଁ ଏହାର କ୍ରୟ ପାଇଁ ୫୦ ହଜାର ଟଙ୍କାର ଅନୁଦାନ ଦେବାକୁ ନିଷ୍ପତ୍ତି ନିଆଯାଇଛି ।

ଅଧିକ ପଢ଼ନ୍ତୁ:-କୋରୋନା ପରେ ଆମେରିକାରେ ବରଫର ତାଣ୍ଡବ: ଘରେ-କାରରେ ମରୁଛନ୍ତି ଲୋକ, ଖାଦ୍ୟ-ଜଳ ପାଇଁ ଲାଗିଛି ଲମ୍ବା ଲାଇନ

ସରକାର ଏକ ବିଜ୍ଞପ୍ତି ଜାରି କରି କହିଛନ୍ତି ଯେ, ଯେଉଁ ବିଧାୟକମାନେ ଏପର୍ଯ୍ୟନ୍ତ ଲାପଟପ୍ କିଣି ନାହାଁନ୍ତି ସେମାନେ ଆସନ୍ତା ଅଧିବେଶନ ପୂର୍ବରୁ ଏହା ଜଣାଇବା  ଆବଶ୍ୟକ । ଯାହା ଦ୍ୱାରା ଅନୁଦାନ ପ୍ରକ୍ରିୟା ଯଥାଶୀଘ୍ର କାର୍ଯ୍ୟକାରୀ ହୋଇପାରିବ ।