Sharad Pawar on 2024 elections: ବିରୋଧୀଙ୍କୁ ନିର୍ବାଚନ ଜିତିବାର ସୂତ୍ର କହିଲେ ପାୱାର, କହିଲେ- ଏପରି କଲେ ହାରିଯିବ ମୋଦି ସରକାର

Sharad Pawar on 2024 elections: ୨୦୨୪ ରେ ଲୋକସଭା ନିର୍ବାଚନ ପାଇଁ ଆହୁରି ଅନେକ ସମୟ ବାକି ଅଛି, କିନ୍ତୁ ରାଜନୈତିକ ଦଳମାନେ ବର୍ତ୍ତମାନ ଠାରୁ ଏହାର ପ୍ରସ୍ତୁତିରେ ବ୍ୟସ୍ତ ଥିବା ପରି ମନେ ହେଉଛି । ସେପଟେ ଏନସିପି ମୁଖ୍ୟ ଶରଦ ପାୱାରଙ୍କ ଏକ ବଡ ବୟାନ ସାମ୍ନାକୁ ଆସିଛି ।

Sharad pawer on opposition party: ୨୦୨୪ ଲୋକସଭା ନିର୍ବାଚନକୁ ନେଇ ଶରଦ ପାୱାର (Sharad Pawar) ଏକ ବଡ ବୟାନ ଦେଇଛନ୍ତି । ମିଶନ୍ ୨୦୨୪ ପାଇଁ ବିରୋଧୀଙ୍କୁ ଶରଦ ପାୱାର ବିଜୟୀ ହେବାର ସୂତ୍ର କହିଛନ୍ତି । ସେ କହିଛନ୍ତି ଯେ ବିରୋଧୀ ଦଳମାନେ ୨୦୨୪  ନିର୍ବାଚନରେ ​​ଏକାଠି ଲଢ଼ିପାରିବେ । ସେ କହିଛନ୍ତି ଯେ ସାଧାରଣ ସର୍ବନିମ୍ନ କାର୍ଯ୍ୟକ୍ରମ ଅଧୀନରେ ବିରୋଧୀ ଦଳ ଏକଜୁଟ ହୋଇପାରିବେ । ବାସ୍ତବରେ ଶରଦ ପାୱାର ମୋଦି ସରକାର (Modi government) ବିରୋଧରେ ବିରୋଧୀଙ୍କୁ ଏକଜୁଟ କରିବାରେ ନିୟୋଜିତ ଅଛନ୍ତି । ଏହି ପର୍ଯ୍ୟାୟରେ ସେ ଏହି ବୟାନ ଦେଇଛନ୍ତି।

ତାଙ୍କର ଏହି ବୟାନ ଏପରି ଏକ ସମୟରେ ଆସିଛି, ଯେତେବେଳେ ସେ ପ୍ରଧାନମନ୍ତ୍ରୀଙ୍କ ରେସରୁ ସେ ନିଜକୁ ଦୂରେଇ ରଖିଥିଲେ ଓ କହିଥିଲେ ଯେ ଦେଶର କ୍ଷମତା ପାଇଁ ସେ ଆଉ କୌଣସି ଦାୟିତ୍ୱ ଗ୍ରହଣ କରିବେ ନାହିଁ ଓ ତାଙ୍କର ଏପରି କିଛି ଇଚ୍ଛା ନାହିଁ । ସେ ଏହା ମଧ୍ୟ କହିଛନ୍ତି ଯେ କେନ୍ଦ୍ରର ଦମନ ବିରୋଧରେ ସେ ସମସ୍ତ ବିରୋଧୀ ଦଳକୁ ଏକଜୁଟ କରିବା ପାଇଁ କାର୍ଯ୍ୟ କରିବେ ।

ସେ ଏହା ମଧ୍ୟ କହିଛନ୍ତି ଯେ ତାଙ୍କ ଆଙ୍ଗୁଠି ଧରିଥିବା ବ୍ୟକ୍ତି ଦେଶ ଉପରେ ଏତେ ଭାରୀ ପଡିବେ ବୋଲି ସେ ଜାଣି ନ ଥିଲେ । ବାସ୍ତବରେ ତାଙ୍କୁ ପ୍ରଶ୍ନ କରାଯାଇଥିଲା ଯେ ନରେନ୍ଦ୍ର ମୋଦି ବାରାମାଟିରେ କହିଥିଲେ ଯେ ସେ ଶରଦ ପାୱାରଙ୍କ ଆଙ୍ଗୁଠି ଧରି ରାଜନୀତିରେ ଅଗ୍ରଗତି କରିଛନ୍ତି । ପୱାର ଏହି ପ୍ରଶ୍ନର ଉତ୍ତର ଦେଇଥିଲେ । ଶରଦ ପାୱାର ଏହା ମଧ୍ୟ କହିଛନ୍ତି ଯେ ମୋଦି ସରକାର କ୍ଷମତାକୁ ଆସିବା ପରଠାରୁ ଗୋଟିଏ ବି ପ୍ରତିଶ୍ରୁତି ପୂରଣ କରିନାହାଁନ୍ତି । ବିରୋଧୀ ଦଳଗୁଡ଼ିକୁ ଏକାଠି କରିବା ଓ ବିଜେପି ବିରୋଧରେ ଜନମତ ପ୍ରସ୍ତୁତ କରିବା ପାଇଁ ଜାତୀୟ ସ୍ତରରେ ଉଦ୍ୟମ କରାଯାଉଛି । ସେ ଆହୁରି ମଧ୍ୟ କହିଛନ୍ତି କେବଳ ବିଜେପି ବିରୋଧରେ ଜନମତ ସୃଷ୍ଟି କରିବାକୁ ମୁଁ ବିରୋଧୀ ଦଳଗୁଡ଼ିକୁ ଏକାଠି କରିବାକୁ ଚେଷ୍ଟା କରିବି ।

ସେ ଏହା ମଧ୍ୟ କହିଥିଲେ ଯେ ମୋରାରଜୀ ଦେଶାଇ ୮୧ ବର୍ଷ ବୟସରେ ପ୍ରଧାନମନ୍ତ୍ରୀ ହୋଇଥିଲେ। ବର୍ତ୍ତମାନ ମୋତେ ୮୨ ବର୍ଷ ହେଲାଣି। କେନ୍ଦ୍ର ସରକାରଙ୍କ ଦମନ ବିରୋଧରେ ସେ ଦେଶର ସମସ୍ତ ବିରୋଧୀ ଦଳକୁ ଏକଜୁଟ କରିବା ପାଇଁ କାର୍ଯ୍ୟ କରିବେ। ଶିବସେନା ଶିବ ସଂଗ୍ରାମ ସମେତ ଅନ୍ୟ ଦଳକୁ ଏକାଠି ଆଣିବା ଓ ମହା ବିକାଶ ଅଘାଡ଼ି ମେଣ୍ଟରେ ସାମିଲ ହୋଇଥିବା ଅଂଶୀଦାର ଦଳଙ୍କ ସହ ମିଶି ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବା ଉପରେ ପ୍ରତିକ୍ରିୟା ରଖି ସେ କହିଛନ୍ତି ଯେ ବର୍ତ୍ତମାନ ପର୍ଯ୍ୟନ୍ତ ଏନେଇ କୌଣସି ନିଷ୍ପତ୍ତି ନିଆଯାଇ ନାହିଁ । ହେଲେ ମୁଁ ଚାହୁଁଛି ଯେ ସମସ୍ତେ ଏକାଠି ହୁଅନ୍ତୁ।

ସେ କହିଛନ୍ତି ଯେ ବିରୋଧୀ ଦଳ ବିରୋଧରେ ବିଜେପି ଯାହା କରୁଛି ତାହା ସଂସଦୀୟ ଗଣତନ୍ତ୍ର ଉପରେ ଆକ୍ରମଣ ଛଡା ଆଉ କିଛି ନୁହେଁ । ସମସ୍ତ ଅଣ-ବିଜେପି ଶାସିତ ରାଜ୍ୟରେ ଏହା ବିଧାୟକମାନଙ୍କୁ ଭାଙ୍ଗିବା ଓ କ୍ଷମତା ହାସଲ କରିବାକୁ ଚେଷ୍ଟା କରୁଛି ।