Shinde Against Urmila Matondkar :ଉର୍ମିଳାଙ୍କ ବିରୋଧରେ ରାଜ୍ୟପାଳଙ୍କୁ ଚିଠି ଲେଖିଲେ ସିନ୍ଦେ, କାହିଁକି ପଢନ୍ତୁ

Shinde Against Urmila Matondkar : ମୁମ୍ବାଇ: ମହାରାଷ୍ଟ୍ରରେ (Maharastra) ଏକନାଥ ସିନ୍ଦେ (Eknath Shinde) ମୁଖ୍ୟମନ୍ତ୍ରୀ (Chief Minister) ପଦ ଗ୍ରହଣ କରିବା ପରଠାରୁ ରାଜ୍ୟରେ ରାଜନୀତି ଝଡ଼ ଥମିବାର ନାଁ ଧରୁନାହିଁ। ଦୈନିକ କିଛି ନା କିଛି ପ୍ରସଂଗରେ ଚର୍ଚ୍ଚାରେ ରହୁଛନ୍ତି ସିନ୍ଦେ। ଏବେ ବଲିଉଡ଼ (Boollywood) ଅଭିନେତ୍ରୀ (Actress) ଉର୍ମିଳା ମାତୋଣ୍ଡକରଙ୍କ (Urmila Matondkar) ବିରୋଧରେ ରାଜ୍ୟପାଳଙ୍କୁ (Governor) ଚିଠି ଲେଖି ଚର୍ଚ୍ଚାକୁ ଆସିଛନ୍ତି ମୁଖ୍ୟମନ୍ତ୍ରୀ ସିନ୍ଦେ। ମୁଖ୍ୟମନ୍ତ୍ରୀ (Chief Minister) ଏକନାଥ ସିନ୍ଦେ (Eknath Shinde) ମହାରାଷ୍ଟ୍ରର (Maharastra) ରାଜ୍ୟପାଳ ଭାଗବତ ସିଂ କୋଶାରିଙ୍କୁ ପଠାଇଥିବା ଚିଠିରେ ଲେଖିଛନ୍ତି ଯେ ଉଦ୍ଧବ ସରକାରଙ୍କ ଦ୍ୱାରା ବିଧାନସଭାକୁ ପଠାଯାଇଥିବା ୧୨ଟି ନାମକୁ ଖାରଜ କରାଯାଉ। ତେବେ ଉଦ୍ଧବଙ୍କ ପ୍ରସ୍ତାବିତ ଏହି ତାଲିକାକୁ ରଦ୍ଦ କରିବା ସହିତ ନୂତନ ସରକାର ଏହି ତାଲିକା ପ୍ରସ୍ତୁତ କରିବାକୁ ରାଜ୍ୟପାଳଙ୍କ ନିକଟରୁ ନିର୍ଦ୍ଦେଶ ପତ୍ର ଆସିପାରେ। 

ତେବେ କୁହାଯାଉଛି କି ଉଦ୍ଧବ ଦେଇଥିବା ତାଲିକା ମଧ୍ୟରେ ଶିବସେନା ପକ୍ଷରୁ ଅଭିନେତ୍ରୀ ଉର୍ମିଲା ମାତୋଣ୍ଡକର ଓ ରାଷ୍ଟ୍ରବାଦୀ କଂଗ୍ରେସ ପକ୍ଷରୁ ଏକନାଥ ଖଡ଼ସେଙ୍କ ଭଳି ନାଁ ସାମିଲ ରହିଥିଲା। ଏଠାରେ କହି ରଖୁ କି ଏହି ପ୍ରସ୍ତାବ ଦୀର୍ଘ ଦିନ ଧରି ରାଜ୍ୟପାଳଙ୍କ ନିକଟରେ ଅନୁମୋଦନ ପାଇଁ ପଡ଼ି ରହିଛି। 

ଉଦ୍ଧବ ଦେଇଥିବା ପ୍ରସ୍ତାବ ମଧ୍ୟରେ ଶିବସେନା ପକ୍ଷରୁ ଅଭିନେତ୍ରୀ ଉର୍ମିଲା ମାତୋଣ୍ଡ କର, ବିଜୟ କରଞ୍ଜକର, ନୀତିନ ବାନୁଗଡ଼େ ପାଟିଲ, ଚନ୍ଦ୍ରକାନ୍ତ ରଘୁବଂଶୀ, ରାଷ୍ଟ୍ରପତି କଂଗ୍ରେସ ପକ୍ଷରୁ ଏକନାଥ ଖଡ଼ସେ, ରାଜୁ ସେଟ୍ଟି, ଯଶପାଲ ଭିଙ୍ଗେ, ଗୀତିକାର ଆନନ୍ଦ ସିନ୍ଦେ, କଂଗ୍ରେସ ପକ୍ଷରୁ ରଜନୀତାଇ ପାଟିଲ, ସଚିନ ସାଓ୍ୱନ୍ତ, ଅନିରୁଦ୍ଧ ଓ୍ୱାଙ୍କର ଓ ମୁଜାଫର ହୁସେନଙ୍କ ନାମ ସାମିଲ ରହିଥିଲା। 

ମହାରାଷ୍ଟ୍ରରେ ନିକଟରେ ହୋଇଥିବା ସତ୍ତା ପରିବର୍ତ୍ତନ ପରଠାରୁ ବିଧାନ ପରିଷଦ ସଦସ୍ୟଙ୍କ ପାଇଁ ରାଜ୍ୟପାଳଙ୍କ ଦ୍ୱାରା ନିଯୁକ୍ତ ୧୨ଟି ନାମର ନୂତନ ବିଚାରକୁ ନେଇ ଆଲୋଚନା ହୋଇଥିଲା। ଉଦ୍ଧବ ଠାକରେଙ୍କ ଦ୍ୱାରା ପଠାଯାଇଥିବା ତାଲିକାରେ ସ୍ୱାଭିମାନୀ ଶେତକର ସଂଗଠନର ନେତା ତଥା ପୂର୍ବତନ ସାଂସଦ ରାଜୁ ଶେଟ୍ଟୀ ରାଜ୍ୟପାଳଙ୍କ ଦ୍ୱାରା ଭାଗବତ ସିଂ କୋଶାରିଙ୍କୁ ଭେଟିଥିଲେ। ତାଙ୍କ ନାମ ତାଲିକାରୁ ହଟାଇବାକୁ ସେ ଅନୁରୋଧ କରିଥିଲେ। କଂଗ୍ରେସର ରଜନୀତାଇ ପାଟିଲ ରାଜ୍ୟସଭାକୁ ଯାଇଥିଲେ। ଏକନାଥ ଖାଡସେ ଏମଏଲସି ନିର୍ବାଚନରେ ​​ଜିତିଥିଲେ। ଏହା ବ୍ୟତୀତ ଶିବସେନା ତାଲିକାରୁ ଚନ୍ଦ୍ରକାନ୍ତ ରଘୁବନ୍ସି ବର୍ତ୍ତମାନ ଏକନାଥ ସିନ୍ଦେ ଗୋଷ୍ଠୀରେ ଅଛନ୍ତି।

ବର୍ତ୍ତମାନ ରାଜ୍ୟପାଳ ଭାଗବତ ସିଂ କୋଶାରିଙ୍କ ନିକଟକୁ ପଠାଯିବାକୁ ଥିବା ନୂତନ ତାଲିକାରେ ବିଜେପି-ସିନ୍ଦେ ଦଳ ମଧ୍ୟରେ ବିଭାଜନ ହେବ। ବିଜେପି ନଅଟି ସିଟ୍ ପାଇଥିବାବେଳେ ସିନ୍ଦେ ଗୋଷ୍ଠୀ ତିନିଟି ଆସନ ପାଇବାର ସମ୍ଭାବନା ରହିଛି। ତେବେ ପ୍ରାପ୍ତ ସୂଚନା ମୁତାବକ ଯେ ସିନ୍ଦେ ଦଳ ଚାରିଟି ସିଟ୍ ଦାବି କରିଛନ୍ତି। ବିଜେପିର ପ୍ରତିଯୋଗୀମାନଙ୍କର ଏକ ଲମ୍ବା ତାଲିକା ଅଛି। ଏବେ ଏହା ଦେଖିବାକୁ କୌତୁହଳପ୍ରଦ ହେବ ଯେ, ଗେରୁଆ କ୍ୟାମ୍ପରୁ ବିଧାନ ପରିଷଦକୁ ଯିବାର ସୁଯୋଗ କିଏ ପାଇଥାଏ।